إنطفاء نجمة
للكاتبة : Hawraa
.. حرر هواكَ فالحب باتَ معلناً
فما كُل ما اخفته العينُ محزناً
كم كان فؤادي ضالماً، كن في غرامي هائماً....
..............
ترف...
اخذت نفس ادحرج عيوني للكاع بتوتر، رجعت رفعتهن لعيونة المقابلتني بنضرات تنبض بالحب والشغف رمشت عدة مرات وهو ماشال عينة من عيوني بنفس الوقت جان اكو بعيونة خوف ما عرفت افسرة، خلة كصتة علة كصتي وغمض عيوني
سحب نفس عميق، واني غمضت عيوني حسيت نفسي بغير عالم ويا بعيدين كل البعد عن هاي الدنيا
... احبچ تَرافتي
ماعرفت شنو احجي من دگات كلبي
حسيتة راح يوكف من شدة الشعور، فراشات ببطني
صارت شعور يجنن بس جنت غافلة اني راح اتقيئ هاي الفراشات بيوم،
حركت شفايفي اريد انطق واعبرلة عن الي بداخلي ماطلعت مني غير كلمتين بصوت يرجف
... ااني هم
اخذ نفس بعمق وباوعلي، وهو يكول
... انتي شنو
كتلة بدون تردد، وعيوني يلمعن
... احبك كلش
عاقد حواجبة بخفة مبتسم ويباوع لكل إنش بوجهي اخذ خصلة من شعري شمها بعمق بكل مشاعر، وكال ببحتة الرجولية
... ميت بيچ انه
ابتسمت بخجل ماعرف شنو اسوي ما متعرضة لهيج موقف قبل وبهيج قرب من شخص اعشق كلشي بي
ضلينا واحد يباوع بعيوني الثاني، تنهد وابتعد اني هم تراجعت اخلي خصلات شعري ورا اذني خجلانة
... ها ترف يابه الله بالخير اول مرة بحياتج تسكتين هيج
ابتسمت وكتلة
... عاابت، غير عود خجلانة شبيك لتخرب اللحظات
ضحك يباوعلي بنضرات حلوة خفق كلبي منها
، رحت للصالة اخذت جنطتي شفت الساعة بالتلفون وايدية يرجفن اريد بس اطفر
... اا اكلك ماضل وكت رجعني
اخذ السويج وهو يكول
... بعدج تردين ترجعين
ضحكت وكتلة
... جا تريدني ابات هنا
... لا يابه بيش طالبتني
رفعت حواجبي وكتلة
... هاااا يعنيييي متريدنييي نتمالخ هسة جسر هاا؟
... صدك جذب باتي هنا حتى نامي بحضني بس لا تتمالخين خلينا رومانسيين شوية
ضيقت عيوني ومشيت ويا، فتح باب الشقة وطلعنا عجيب قبل ساعة دخلنا مكافش من الروس هسة نضحك والفرحة تارسة وجوهنا
صعدت بالسيارة وهو صعد منتعش، اني لساعني خجلانة ووجهي يطلع نار اتذكر كلماتة وابتسم
قبل ليشغل السيارة فتح تلفونة يكلب بل اغاني عاقد حواجبة طلع اغنية جان يشغل السيارة
بدت كلمات الاغنية وهو يباوعلي ويغني وياها
... شمسويلك كل يوم مسهرني بليلي
وانت بسابع نومة بليلك،
بيش ادعيلك يا ربي يخليك تحبنيي
أنت تقرأ
إنطفاء نجمة
Romanceأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
