انطفاء نجمة
للكاتبة : Hawraa
تأكدت بالأمس بأنني صَديق نفسي، عندما لجأت إلى النوم وفي قلبي مواضيع لم أفصح بها لأحد غَيري."
صوتو + علقو ع الفقرات لطفا 🖤🌚
.....................
ترف....
شكد دكيت على جمان ماردت يومين واني محاجية وياها جانت الدنيا مغرب تقريبا، حركت التلفون كلت الا ترد علية ادبسز شكم مرة اكللها ردي للن يضل بالي عليج بس المطي يضل مطي ، فجإة انفتح الخط واخيرا عطت بيها
... متكليلي وييينج
اجاني صوت رجولي مزعج
... منو انتي
كتلة بعصبية
... انت منوو ، تلفون جمان شيسوي يمك؟
... اني انس خطيبها
عفست ملامحي لا هلة ولا مرحبا شتسوي ويا هاي عزا خاف صاير شي كلبي لاعب، كتلة بعصبية
... وين جمان
... اعصابج ست
استغفرك ربي فركت وجهي ، وكتلة
... جمااان وين؟؟
... بالمستشفى تخربطت
كمزت بسرعة وكلبي انقبض بحيث من الهبطة ما تناقشت ويا بسرعة اخذت اسم المستشفى، وسديتة بوجهة السافل بسلا هو سوالها شي، دكيت وايدية ترجف على جسر بسرعة رد
... الوو جسر، وين انت؟
... بباب البيت، ليش؟
كتلة بصوت يرجف
... عفية جسر محتاجة مساعدة حباب بدون لا احد يدري راح اجيك هسة تعالي من ورا الحديقة
كال بهدوء
... ابشري يبا، انتضرج
سديتة وبالتراك طلعت بس اخذت تلفوني ، وفلوس نزلت سويت روحي طبيعية لان اني ممنوعة علية الطلعة كلت لخالة سماح تكوللهم اني نايمة بالبداية مقبلت تخاف علية بس من كتلها على جمان قبلت لان تحبها
تسللت للحديقة بهدووء ، شفتة واكفلي رحتلة بسرعة
... عفية جسر صديقتي متخربطة بالمستشفى، اريد اروحلها
فرك وجهة ،وكال
... يبا مو ممنوعة عليج الطلعة لو انه الغلطان؟
هزيت راسي بأي ، وكتلة والدموع متجمعة بعيني
... ميخالف حباب اخر مرة والله خايفة عليها حاسة اكو شي صاير
هز راسة بيأس ، وهو يباوع لعيوني بتعمق
... يلا يبا بسرعة، لا تبجين
هزيت راسي ماسحة دمعتي الي نادرا انزلها كدام احد باوعلي من فوك ليجوة اخذ نفس وزفرة و طلعنا ، وصعدت بالسيارة يمة بالصدر، حرك السيارة بسرعة وجكارتة بيدة كاعدة على نار عبالك بس وصلنا بسرعة نزلت ، وهو نزل وياية ميعوفني لو لحضة اشرلي امشي ويا ، ودخلنا سئل عليها وعرف بأي غرفة رحنالها
أنت تقرأ
إنطفاء نجمة
Romanceأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
