إنطفاء نجمة
للكاتبة : حوراء
.. ها أنا تِلك النجمة المُنطفئة، وها هو القمر
اتى لينير عتمتي.
..............
ترف....
فززني من شرودي العميق بالوضع صوت علي
،وهو يكول
... مرت اخوي شلونج بعد
تنهدت وكلت
... بخيررر
... شو ماحسها طالعة من كل كلبج ؟
كال خالة
... علي انلصم مو وكت انفصاماتك البنية تعبانة !
... اهوو اجاني جسر الثاني، صدك جسر الاول وين راح؟
باوعلة خالة صفح ، وهو كال متذكر
... هاا صدك راح يشلع اضافر ويجلد بسرمد لان لازم ترافتة
اني انصدمت وكلبي كام يدك، هو اندار علية وكال
... والله هنيالج لو اني بمكانج الة اعبدة لو هيج الرجل لو مينراد
كال خالة
... علييييي !
حجيت بهدوء
... شنو علي شراح يسوي جسر؟
رفع ايدة وكال
... لا شسالفة اسرار بيت ماكدر احجي
راح يرفع ضغطي باوعتلة بخزرة واني ااشرلة اني اعلمك غير هسة استحي من خالة، كال
... شوف شوف شلون تريد تاكلني لتستحين هذا واحد من العائلة اخذي راحتج تريفة
ضحك خالة وهو يهز راسة كال
... بوية اخذي على كد عقلة هذا مضروب على راسة من جان صغير
درت وجهي وحجيت بعدم مبالاة
... لا عادي عمو متعودة على انفصامة
... دومة مفشلنا هذا الاغم !
ضل يدردم علي واني بالي مشغول بجسر هسة شسوة هذا مخبل ضليت اتصل عليه مغلق ، بعدها نزلنا بمطعم وحجزلنا خالة طاولة وراح كال علي
... هذا خالي خوش زلمة خاف ماتدرين
هو جان كاعد كبالي تقربت منة رافعة حاجبي
واحجي بتحذير
... علي هسة تحجيلي شسالفة جسر قبل ليجي خالك
راد يعترض كتلة
... شتريد انطيك فكر بيها عزيمة زينة؟!
زم شفتة ، وكال
... خوش تعرفين تحچين انتي،
تقرب من يمي مخلي ايديه على الطاولة وكال بصوت ناصي
... ماكو شي بس شلع اظافر سرمد ورجع كسر اصابعة لان لازمج وسحلة سحل الرجال بين الحياة والموت وحاليا ديقيم دعوة عليهم ويجمع ادلة من جوة ليجوة بشكل غير رسمي وينطي لخالي يتصرف، فييي طريقهم الى الاعدام
رجعت ضهري على الكرسي من اجة خالة، كمل علي وخالة كعد
... اي ف مثل ماكتلج احنا عائلة متحفظة ونحب الخصوصية كلش
كلبت عيوني، وكلت بملل
... ادري ادري ميت مرة كتلي
اكلنا واني نفسي تلعب وضغطي نازل
كال خالة
... شبيج بابا ترف محتاجة شي؟
أنت تقرأ
إنطفاء نجمة
Romanceأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
