إنطفاء نجمة

البارت 6

انطفاء نجمة

للكاتبة : Hawraa

.وكأنني لم أجد شيئاً أقتل به نفسي فـأحببتُك..

قراءة ممتعة، لتنسون التصويت بكم نكتمل 🖤🦋
.............

ترف....
فزيت من نومتي الضهر مدري العصر جان يوم جمعة وخلصانة من قرف الجامعة، التلفون جان يدك سبيتها قبل لا اشيل التلفون لان ادري محد يتصل علية غير جماان فتحت الخط وكتلها بنعاس واني اغمض عيوني وافتحهن
... دنعل ابو علاء لابو حتى الجابةة، شكووو مكعدتنيييي من النووم واليوم جمعة

اجتني شهكتها
... لج تررف مصيبة ووكعت على راسي مصيييبة

تربعت بسرعة وتغيرت تعابير وجهي للجدية، وكلت بخوف
... شكوو لج علاء سوالج شي؟ ، اشهب بي شي احجيي؟

شهكت ، وكالت وهي تستجمع حروفها بصعوبة
... تت تترف، رااح يزوجنييي ولج رااح ياخذوني من اشهب

يمة احس هل كلمات نزلت على راسي مثل الصاعقة ، كتلها بعصبية واني اكوم من مكاني
... لج عزززا صدك تحجين ، بس اهدي اهدي فهميني السالفة

... ترف راح اتخبل ماكدر ماكدر اني مستحيل اصير لغير اشهب يموت والله

كملت كلامها وشهكاتها تتعالى كطعت كلبي نزلت دموعي من عيوني على كَسرة صديقتي كدامي وماكدر اسوي شي، كتلها احاول اهديها
... لتخافين ميكدر يسويلج شي كل عقلج يزوجج واشهب موجود انتي بضهرج زلمة ترا، بس اهدي وسدي الخط راح اجيج

سديتة بدون ماسمع ردها، غسلت وجهي واني ماندل دربي خفت لتسوي شي بروحها هاي ثولة لبست فوك التراك روب مثل البشت اخذت تلفوني وجزدان وطلعت اركض صارت بوجهي رجاء

اخذت نفس وزفرتة، كالت وهي ترفع حاجبها
... بعدج ماكعدتي وين رايحة؟

درت عيوني بعدم مبالاة ، واني اكمل طريقي
... صديقتي مريضة اروح اشوفها

... انتي لهل درجة مستفلتة بحيث تطبين وتطلعين حتى بدون متكولين لأبوج؟

... ميخصج
وخرت من يمها بدون ما اسمعها حتى كل بالي اني لازم اروح لجمان وبعدين احاسبها على كلمة مستفلتة بسيطة، طلعت اباوع بالوجوه لكيتة كاعد ع الدچة وبيدة جگارة وسارح بتفكيرة رحتلة بسرعة وكفت كبالة باوعلي هاز راسة بعدم اهتمام بمعنى، تفضلي

كتلة بقلق
... صگر عفية كوم اخذني لبيت صديقتي مريضة كلش

كام على حيلة وكال ببرود
... تؤ، ابوج مايقبل

فتحت عيوني وكتلة بعصبية
... بس اشووفها وارجع فدوة ماكدر بعددد

... ميخصني يبا

عضيت شفتي بقسوة، دليل على غضبي تقربت من يمة وهمست
... والله اكول لبابا من شفتك بالمكتبببب اذا ما اخذتني هسسسة