إنطفاء نجمة
للكاتبة : Hawraa
..في ذمة الله ما القى، وما اجدُ
اهذه صخرة ام هذه كبدُ
قد يقتل الحزن من احبابه بعدوا
فكيف بمن احبابهُ فقدُ..
قراءة ممتعة لتنسون التصويت والتعليق بين الفقرات
+ متابعة لحسابي hhooo66
.................
..من الشمال الى الجنوب
من الجليد الى النار
من العشقِ الى الخذلان
من الضياع الى الامان ،
حيثُ ذالكَ العِناق المملوء بالحب والشغف معاً،
بالقساوة والهشاشة،
حيثُ تِلك الضائعة في دوامات عميقة
من التفكير اللامتناهي، تتخبط في جُدران
مُعتمة لتصطدم فجأة دون وعيٍ في عِشقه اللاذع ،
لتجده محيطاً بها بِكُل حواسه
، هائماً في عينيها ، تائهاً في متاهة ضِحكاتها
لتبدء معاناته في إرضاء متمردته .
من هنا ابدأ مسيرتي في الجزء الثاني من
إنطفاء نجمة.
............
من قَاع القِصة...
... جنت اباوع بنضرات شاردة الة، وگلبي يعصرني
يخفق بخوف احاول اچذب التشوفة عيوني
باوعلي وهو ينطق الشهادة وعيونة بيها نضرات خوف يحاول يخفيها عني، فتح حلگة يريد يكمل كلامة وياي بآخر لحظات من عمرة
بس ما انطى مجال گتالة جر سجينتة، وكلشي صار بسرعة ماحسيت بي غير مذبوح واكع بالكاع والدم تارس المكان اعيط اريد اوصلة ماكدرت!!
ريحة الدم تارسة المكان ، واني عيوني على اقرب بشر الي بدنيتي ميت كدامي وايدية مقيدة
المكان اظلم بس ضوة خفيف داخل من الشباك الهوائي عالي، اصوات برة مقرفة وهو عيونة متمركزة علية
بيومها ردت ابجي هواي بس ماطلعت!
ردت بس دموعي تنزل حتى ارتاح مانزلن .
...........
" مقتطفات "
زفر نفس ،وهو يكول
... لتفتحين دفاتر قديمة يلا نامي ماضل وكت
ضيقت عيوني بشك
... ليش؟
... بيهن تراب يسوي عندج حساسية يابه
كمل كلامة بغمزة لعوبة خلاني بحيرة من أمري.
.................
خلة خصلة من شعري ورا اذني ، وهمس
... وحگ عيونچ الاحبهن، وحگ كُل رمش بيهن
مارايد اأذيج لو مقدار ذرة ودي اخليچ وسط گلبي وما اخلي واحد يگربلج .
.........
... روحي شنيازة تصبحين علية
... وانت من اهل الخير
ابتسمتلة ، ومشيت سمعتة كال وراية
... طمأنينة.
.................
... تدري اني اكرهك مو
قرب ماعون يمي، وهو يكول
... رحم الله والديج
... والديك
اكل لكمة وكال
... شنو مناسبة هالمشاعر الجياشة؟
هزيت اكتافي، واني اكول
... لا هيج بس ردت اذكرك
..............
رفعت راسي اباوعلة، تنهدت وكلت بخنكة
... لتموت عفية!
مد ايدة يلعب بشعري وهو يكول
... نار گلبي
............
رجعتلكم من بعد غياب حبيباتي الاحبهن😔🖤
طبعا اشكر كل تعليق ايجابي منكم وكلش حبيت موقفكم وتفهمكم لأنقطاعي حب كبير لكم 🖤
خلينا نغض النظر عن الكم الهائل من التعليقات السلبية الي اجتني، ان شاء الله ارجع انزل بأنتظام بس اصبرولي اكمل امتحانات حبيباتي 🖤
دمتم في حفظ الله.
أنت تقرأ
إنطفاء نجمة
Romanceأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
