إنطفاء نجمة
للكاتبة : حوراء
يكول ..
إحضني، انه ضلوعي مشتاگة لأديك
ابقى حاضني وابد لتعوفني ..
.............
ترف...
فتحت الباب على كيف واني اطلع راسي شوية
وشعري نزل على وجهي، كلت مستغربة
... علي؟
... لا ابوچ افتحي ولج
فتحت الباب ودخل باوع علية من فوك ليجوة
انتبه للسجين بأيدي كال
... غير لو يستقر بروسلي الدربونة!
كلت بخوف
... شجابك ولك خرعتني الله وكيلك بعدين جسر وين
... صدك تذكرت امشي ماعدنا وكت بسرعة
عقدت حواجبي
... شكو شبيك ، وين؟
كلب عيونة وكال
... امشي مو وكت شرح بسرعة لمي غراضجججج
خبصني كمت ما اندل دربي، اثناء وكفتي يمة اتصل جسر بسرعة رديت
... جسر شديصير وين انت؟
كال بجدية وأمر
... ترف انتبهي بسرعة تاخذين اشياء بسيطة وتطلعون تمااام ما اعيد الحجي!؟
حجيت بجزع
... غير لو افتهم وين ماااخذني صخلة انيي
كال علي
... لا عاب حلگج
خزرتة ، وجسر كال
... استعجلي يابه هسة يجيبج الي وافهمج
كلت واني اباوع لعلي
... يعني اثق بعلي؟
باوعلي علي بصدمة وهو يتوعد بأيدة ويكول
... انه الج الة اشمرج بالنهر بدربي
عيبتلة وسديت الجهاز رحت بسرعة سويت مثل ماكال وصوت علي يلم بالغراض ويلعلع، باوعتلة صفح وكلت
... شو انت متستحي منو كالك ادخل البيت؟!!
باوعلي مستهزء وكال
... الحية الرگطة بيت اخوي، واخذ اذن منج حتى ادخل؟
رفعت حواجبي
... يا اخ هذا غير وحدي بالبيت وذا بيت صديقك
هذا مو معناها تاخذ راحتك
كام من مكانة وتخصر، كال مضيق عيونة
... هذا جسر ماتصيرلة چارة، مرت اخوي احب اكلج اذا ماتدرين انه اخو جسرررر ابن امة وابووو
فتحت عيوني وضليت صافنة بلحظة إدراك ايا حقير يا جسر الله يعلم شنو ضام علية بعد، فتحت شفايفي حتى احجي عاط بية
... وج چنتنا الحيييية ركضي ماضل وكتتت راح يجون يذبحوووناا
ركضت صدك الوقت ما مناسب كملت وطلعنا صعدت بالسيارة واني ادردم بيني وبين نفسي حرك السيارة ، وكال
... شبيج تكركين چنج تياهر
كتلة واني لازمة راسي
... خليني بقهري
كال وهو يلف الستيرن مال السيارة
... تهووون تهونن مرت اخوووي
... شتهووون متكلي هذا اخوك فديوم اخنگة وربي
كلما اريد اسامحة..
قاطعني وهو يكول بضحكة
... يبعرها
أنت تقرأ
إنطفاء نجمة
Romanceأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
