إنطفاء نجمة

البارت 25

إنطفاء نجمة

للكاتبة : Hawraa

وتسألني.. أتعشقني
تخيّـل.. إنها تسأل
بربك كيف أسمعها
ألا من نفسها تخجل؟
ألم تقرأ بأشعاري
بأني قتيلها الأول؟

..............

ترف...

كتلة بخفوت واني احاول اسوي صوتي طبيعي قدر الامكان
... جس جسر منو هاي؟.

كال بخشونة موجه كلامة الها
... روحي بابا منااا

كمل كلامة بهدوء ولا كأنو صاير شي
... بنتي

همست، وكلبي مرتبك
... ها

كال ببرود
... اي

نزلت دمعة من عيني واني احاول اتدارك صدمتي
، كلت بسرعة
... اا اني ااروح ديتصلون علية

تنهد بصوت وصل لمسامعي، وكال
... روحي يابه اذا صار شي عود كوليلي

سديتة بدون ما اجاوب وركعت التلفون بسرعة
خليت راسي بين رجلية واني اشد على شعري بأيدي وافكر يعني هو متزوج وعندة بنية ويجوز اكثر ،كل هذا وكل هاي المدة اني مادري؟

كل كلامة وحجية وغزلة واهتمامة تالي يطلع متزوج؟

حسيت بنفسي انسانة قذرة احب شخص مو الي
ولا راح يصير الي بيوم

لا لحظة بس خلي استوعب يعني هسة كل هذا العشتة ويا وهَم؟

كل ابتسامة انرسمت على وجهي بسببة
وكل يوم عشتة ويا مجرد نزوة عابرة؟

جريت شعري بقسوة اريد احس بألم بعد ما اعرف افكر
جسررر مو اليي يعني هو لغيري ، احاول اللكي اعذار وتفسير بس مالكيييت مالكييت هو كالها بكل صراحة بنتي"

شلون قبلتها على نفسي احب رجال مو الي
شنو شعور زوجتة من تعرف بية ، هو يحبني جنت اشوف هل شي بعيونة وبكل حواسة مستحيل يطلع شعورة جذب

بس السؤال الاهم لييش؟
ليش هيج سوة وهو مرتبط وعندة طفلة

شهكت بصوت مبحوح كطع احبال صوتي
واني اهمس
... فدواتك ربيي تعبت، تعببتت ما اتحمل كل هاي الهموم على راسي هستوني حسيت نفسي دا اعيش وتهنيت بحياتي تجيني صدمة جديدة تطفي كل ضوة بروحي.

بذاك اليوم، ومن مملت نوبة البچي الي مالها والي
مسحت دموعي بقسوة بظهر ايدي وكمت من مكاني شايلة كل خيبة وياية وكل دمعة دخلت للحمام غسلت وجهي بمي بارد رفعت راسي اباوع للمراية واني اكول لنفسي شسويت اني ليش تعلقت بي ليش حبيتة هلكد ليش احس روحي تأذيني؟