إنطفاء نجمة

البارت 20

إنطفاء نجمة

للكاتبة : Hawraa

... فارشلك جفن واتنطر تنام
نام ولا يهمك ضيم الايام
، يبعد رموش عيني
وجفني
والعين
وصبيها
ونظرها
وذيج الاحلام، سنة ماشايفك
بس انت موجود، لهسة اشتم عطر
من شوفت العام...

............

ترف...
نزلت واشوف ابوية والحية متعاركين وهي تلاسن وتعيط بوجهة وهو كذالك صارو ملخ هل ايام صايرة مشاكلهم كووومة، بحيث تقريبا تعودت على العياط هذا
كال هو بتحذير وصياح ويدفعها
... بس اصبريليي بس اصبريليييي اني الج ك***
ام الملاهي الا اكتلج بهذنييي ايدييية انييييي اعلمج بت ال**

نزل عليها دك غلط وفشار ضربها وطلع
ماكدرت اتدخل لان هي ماخذة حقها مربع من لسانها وكفت بنص الصالة وعاطت ورا
... دمشييييي لك انوب علية ك*** يهددد عووود يخوفنيييي

للأسف رجاء بوقتها ما اخذت تهديدة على محمل الجد واستهزئت، مجانت تدري فعلا انكتبت نهايتها على ايد هذا الشخص ، هز راسة بوعيد وطلع

رحت يم شاهيناز اسئل واستفسر فضولي كتلني الي عرفتة شايفها ويا واحد مدري وين وكابة العيطة، بغض النظر عن سوالفها بس ماحب مرة تنضرب كدامي اتنرفز حتى لو جانت موزينة

جان بعد وكت على الدوام رحت بدلت على كيفي
وقبل لا اطلع وصيت شاهيناز متدخل نفسها بشي
وتكون حذرة وتتصل علية اذا تعرضتلها رجاء

نزلت لكيت الحية تحجي بالتلفون وتعيط وتصيح
ابوية ميخليها تطلع من البيت وهي لامة ملابسها تريد تهج ، جان مخلي حراس عليها يعني مستحيل تطلع اذا رادت تروح وهو مدري وين انشغل بالي شوية بس بعدين كلت شلي دخل على شنو متوترة عليهم عسى ما نارهم تاكل حطبهم،

صعدت بالسيارة وسديت الباب
... Good morning bro

كال مستغبي
... خوية انه نفر عربي، I don't speak English

... لا واضح متعرف انكلش، المهم كتلك صباح الخير خوية

... صباح النور خيتي، اي هيج احجي عربي احنا ناس همج شلونج شخبارج

طبعا يحجي ويسوق، كتلة بملل
... زوينة عايشة ، انت شلونك ولو ما ارتاحلك بس شسوي احب ادردش اضوج اضل ساكتة

كال بقهر
... خلفلة عليج خيتي انه رجال فقير اروح بدربي واجي بدربي من الشغل للجامع هاج اجيتج من صلاة الفجر اركض ركض حتى اللحك عليج

رفعت حواجبي مستنكرة
... والله فاجئتني بس مدام عندك صلة بجسر يعني وراك شي، المهم شبيك مهموم عمت عيني عليك

وجهة جان حزين صدك حسيتة ميتشاقة
، تنهد بحسرة وكال بقهر ببيت شعر يوصف حالتة وحزنة
... دگني الدهر چلاق
شک البجامة ، والوگت بس وياي عداها الحدود.