إنطفاء نجمة

البارت 1

ا

نطفاء نجمة

للكاتبة : Hawraa

.. مُضِيئة الوَجْهِ يَكفِي نور جَبْهتها أنْيَطرد اللّيل من بُصْرى لبَغْدَادِ .

تصويت حبايب لطفاً🖤
.............

ترف...
اخذت نفس عمييق ترس ريتي وزفرتة بأبتسامة خفيفة وكوب الكهوة الدافية مقيدتة ايدي ، وشعري القصير يتطاير ويا نسمات هوى الشتا البارد، سكون بداخلي بس احس اكو غصة ورا هل سكون بس مدا اعرف ليش ومن شنو جاية مختنكة حيل اتنهدت وابتسم بخفة شسوي لعد ، كعدت بالبلكونة( الشرفة ) وبيدي كتاب تنمية ماحب اقرة دروسي احب اقرة كتب وقصص وهل سوالف عشقي الأزلي هذني

ارتجيت على الكرسي وخليت الكوشة بحضني وبلشت اقرة بلكتاب واخذني الواهس كلش، صادفتني جملة حسيتها لامست اعماقي " وكن لنفسك كل شيء " فعلاً جنت احاول اكون لنفسي كل شي بس؛ يضل اكو شاغر بداخلي ماكدر اكون لنفسي الأم، الاب، الاخ، الاخت ، السند هذني كلهن اني فاقدتهن ،

من اني طفلة جنت اعاني من هل حالة وحيدة كضيت عمري اللعب وحدي بلعاباتي وبغرفتي ماعندي لا اخت ولا اطلع بلشارع اختلط بابا مجان يقبل اطلع ويخليني يم الحضانة دائما، جبت مراهقتي إكتئاب اعوض عن النقص الي بية بلطلعات والتسوق والمكياج وهل سوالف هذا الشي الوحيد الي جانت عندي حرية بي

لبسي وطلعاتي وين ما اريد بابا ميمنعني لان اصلا ميهتم لوجودي ، شبيت وببداية مرحلة المتوسطة انكلبت حياتي من تعرفت عليها "جمان جانت اقرب إنسان من عندي صدك أختي وسندي علاقتنا أخوية ماكو منها ويمكن حتى الاخوات علاقتهن مو هيج قوية ببعض

احبها حييل متعلقة بتفاصيلها وهي كذالك ومن هذاك اليوم الي تعرفنا بي صدفة بعركة، جنت متعاركة ويا بنية وجرحتني حيل بكلامها وكمت ابجي جانت شخصيتي ضعيفة وماعندي ثقة بنفسي إلى درجة بوقتها جمان جانت وكحة حيل وكل المدرسات يشكن من عدها بينما اني جنت القدوة مال الشُعب من الشطارة والهدوء والعقل

، بيومها جمان وكفت بوجه البنية وتعاركت على مودي واخذوها للإدارة وطلبو ولي امرها لان ضاربة البنية جنت خايفة عليها لان بسببي هيج صار بيها، اعتذرت منها بوقتها ضحكت وجان شي طبيعي عدها ومن يومها ما وحدة تركت الثانية لو لحضة تصير مشاحنات بيناتنا بين فترة وفترة بس منطول ونرجع نتصالح.

من بعد المتوسطة الي جانت اجمل ايام بحياتي ويا جمان وصديقاتي كلش تونسنا وماخلينا شي ما سوينا وجمانتي جانت صديقة سوء وصرت كسولة مثلها وما اهتم وبس اعيش حياتي وقوت شخصيتي واكشتفت نفسي اكثر.

أيقضني من شرودي تالا وهي تدحس روحها يم رجلية تريد اشيلها ابتسمت وذبيت الكوب ع الطبلة وشلتها واني ابوسها
... يمةةة فدوة حبيبتي شكدددد احبججج