إنطفاء نجمة
للكاتبة : Hawraa
أنه البعِيد اللي باسَك بالنظر ألف مره.
قراءة ممتعة 🖤
.................
جمان....
اسمع صوت الهلاهل والبيت كلة هوسة ،
اصوات داير مدايري بس صوت كلبي جان اعلى منهن
وجهي تعابيرة ثابتة وباهتة بدون ردة فعل على عكس الفرحة البداخلي بنفسي اطلع فرحتي اكمز اركص بس ما مصدكة الي صار!
بلشو يباركولي واني بحالة من الصدمة ،
طلعت من زحمة افكاري على شوفتة!
وهو يدخل و الابتسامة تارسة ملامحة، خلة ايدة فوك حلكة وهلهل بصوت سمع الجيران ابتسمت بفرحة متناسية لكل الوجود
ماعرف شلون اوصف فرحة اشهب بس متلهف ويضحك
ويهلهل ويا امة وعماتة حرفيا لحظات شكد ما اوصفها سعيدة قليل بحقها .
بعدها راح يم الزلم واني بس مبتسمة مدا اعرف شلون اعبر عن فرحتي تعودت على الصمت، رجعنا للبيت والطريق كلة افرك بأيدية واللعب بأصابعي واتبسم
دخلت غرفتي وكمت اكمز بحماس واضحك بصوت عالي يمكن تخبلت اني!!
بس كل الي اعرفة اني صرت لأشهب
يعني بعد كل هالمعاناة راح انجمع بي!
نزلت دموعي بفرحة واني اسجد لرب العالمين احمدة واشكرة من كل كلبي، رحت شلت تلفوني وايدية ترجف اتصلت على ترف بسرعة ردت حجيت برجفة
... ترف
... ها عيني كولي
فركت كصتي واني من فرحتي مادري شحجي
... اا شسمة ترف باركيلي
... خير عرس ابوج المكروه؟
... ترف اشهب خطبني، و وابوي وافق!
سكتت شوية جان تعيط
... عااااااا صددددك تحجييييين
سمعت صوتها وهي تصيح
... جسرررررررر اسمع اشهب خطب جمااان
كملت حجيها بلهفة
... مبروك يعمريييي يربي شسوي فرحاااانة اريد اركص
راح اموت من حمااااسي!
ابتسمت واني اضحك وياها ثنينا ما مصدكين، ترف هي اكثر بشر شهد على حبنا اني واشهب ومعاناتنا.
بعدها ضليت لليل اني منتعشة عبالك منطيني جرعة سحرية غيرت حياتي، قبل لا انام اتصل علية رديت بحماس
... هلو
... هلا يروحي من الدنيا
... شلونك؟!
... شتكولين انتي؟
... خليني اخمن، بأفضل حالاتك؟!
... بعد ازيد بشوية
ابتسمت وسكتنا شوية ، تنهدت وكلت
... اشهب ما مصدكة
... صدكي حبيبتي راح تصيرين إلي، تدرين اليوم من طلعتوا رحت صليت شكر وحمد لربي جنت رايدج منة بكل صلاة وما ردني هالمرة.
أنت تقرأ
إنطفاء نجمة
Romanceأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
