إنطفاء نجمة

البارت 23

إنطفاء نجمة

للكاتبة : Hawraa

تخبطي عزيزتي بين جدران عتمتك، وافكارك اللامتناهية . تخبطي كثيراً !!!
حتى تعودي الى واقعك، حيث يرقد جسدكِ المنهك.

..................

ترف....
اطكطك بأصابيعي بخوف وتوتر، واني اشوف علي يترجل من السيارة مخلي سلاحة بخصرة ختمت القرآن بكلبي هستوني دا امد ايدي على جنطتي اتصل على جسر قاطعتني دكة قوية على الجامة

درت وجهي الي يعتلي الرهبة، شفت واحد منهم لابس
اسود وملثم بيدة سلاح يمكن بطولي ويدك بي على الجامة اشرلي انزل ايدي

قطع اخر امل الي اباوع على ايدية ترجفف بخوف
مثل السعفة خلي اموت بس علي مالة ذنب يروح بذنب غيرة، باوعتلة مدري شنو يحجون ويا ومحاوطي كلت بكلبي هسة سواها على نفسة هذا جبان بس للأمانة اثبتلي العكس جان كلش ثابت وطبيعي

مدري شنو انطو لعلي، ودار وجهة حتى يرجع
واحد دك الجامة علية التفتت بسرعة وكلبي يدك حيل عيونة كلها شر اشرلي على عيونة بأصابعة ثنين ورجع اشر علية بمعنى مراقبج او هيج شي بلعت العافية

صعد علي، وحرك السيارة واني من الخوف بعد مابية احجي مشينا مسافة واني متعجبة شلون عافونا بحالنا

باوعلي علي بالمراية ويضحك
... شو وجهج اصفر بوية ريلاكس بعدنا عايشين

... اسكتتت عليييي شصاااار

صاح بصوت
... بس زين ما كتلونا ، لاااا انها تستحق احتفااالا هات الخمر يا غلام

كرصتة من جتفة قوي بحيث عاط، كتلة بصياح وصوتي يرجف
... مخبل انت شنو انطوك شصار تدري اجيت اموت اني

تأفئف وشال بيدة ظرف انطانيا
... شنو هذا؟

... هذا مبلغ دزو الج ربحتي المليون دولار ويا العلاسة

كتلة بعصبية دمي معطب
... لك علييييييي راح اشمرك من الجامة

... استغفر الله شبيج هذا تهديد للبابا

بهت وجهي، وفتحتة بسرعة جان مكتوب بقلم احمر بوسط ورقة بيضة
" دير بالك على بنيتك المدللة "

وكعت من ايدي الورقة وبلعت ريكي
الخوف تسلل لكلبي تذكرت حركة هذا المسلح
شلت الورقة بسرعة، وبعد ماحجيت حرف بس ارجف اريد اطكها ببجية بس ماكدر

وصلنا، وقبل لا انزل علي، كال بجدية
... لا تخافين ذول چلاب مايخوفون، انتي بظهرچ الصگر نامي مرتاحة.

باوعتلة وهزيت راسي، دخلت للبيت
والرعب بكلبي مجرد ما ادخلة تنقبض روحي

شفت الخدامة الحيوانة بالمطبخ باوعت لبسها مو مال اوادم، لا اله إلا الله كتلها بدون ما اباوعلها
... بابا موجود؟