إنطفاء نجمة
للكاتبة : حوراء
:صدفة شفناك
ونسيّنة شلون چنّة
كثر ما بيها أمان النَظرة منَك
چنّة نتمنى مثل عينَك وَطنّة .
.................
ترف....
عقدت حواجبي متفاجئة منو ممكن يعرفني او يجي علية، دخلت للأستقبال يتبعني جسر بنضرات متسائلة دحرجت عيوني للتخم واني اشوفة شلون كاعد ومبين عليه التوتر شخصيتة الخجولة ضاهرة،
شهكت وكلت
... كماااال!!
بس شافني إرتخت ملامحة ووكف من مكانة
مبتسم إبتسامة واسعة عبالك ما مصدك، حك موخرة راسة بأحراج واني ماعرفت شنو اسوي بس رحتلة بسرعة واني اباوعلة بلهفة اخر ما توقعتة انو رح يجيني،
حضني واخذت ثواني حتى احضنة غمضت عيوني ودموعي تنزل من اطراف رموشي ماتوقعت بيوم هيج راح احضن اخوي مشاعري جانت كلش جياشة بوقتها، وخرت واني اباوعلة وعيوني مغوشة من دموعي وهو عيونة هم دامعة
ابتسم وكال
... شلونج ولج!
هزيت راسي بمعنى زينة، كعدنا والاستقبال جان فارغ جسر بس عرف انو هو كمال خلانا وحدنا ماراد يزعجنا جان لازم ايدي ويباوعلي
... مادري شنو احجي كمال بس والله فرحانة كلش
شلون وشوكت اجيت؟
... عوفج مني وصلت بعد زوج الي يرجع لهناك
، اني باقي هنا بعد كدامنا عمر كامل نسولف بي
ابتسمت بفرحة وضلينا نسولف ونحجي اجة جسر جايب جاي ومي وضيافة وكعد يتعرف عليه
كمال انسان خلوق ومحترم ، وكلش متكلم
تقريبا ساعة وكال
... اترخص اني الوقت تأخر، امر عليج غير وقت
كال جسر معترض
... شسالفة يابه وين تروح البيت بيتك احنا نطلع وانت تبقى
خلى ايدة على صدرة بأمتنان، وكال
... اعذرني والله صاحبي ينتظرني زحمة من عندة، غير مرة ان شاء الله
بعدها طلع واني مادري شبية متحمسة وفرحانة
وماريدة يروح بس استحيت اخلي يبقى وهو شكلة هم مستغرب شوية، دخلنا للصالة اني وجسر
كال علي
... عمت عيني لج هذا جنة انكليزي لو انه مرة الة اتزوجة، وجمالة نازك ما متعود يمكن عالاجواء شو بالكوة يحجي
... لتحجي على اخوي المنفصم
كملت كلامي واني اعيبلة، بيومها صعدنا فوك وصرعت راس جسر بالسوالف والحماس وراسلت كمال اتطمنت هو رايح لبيت صديق قديم الة عازمة مادري شلون بين ميأجر بيت .
ثاني يوم اتصل جسر على كمال وعزمة على الغدة واجة تعرفوا عليه اكثر وكلش تونسنا حسيت بأنتماء ويا وجنا نتشابه هيج كالو اهل جسر هو شي بسيط بس شكد فرحت من هيج كالوا،
بعدها مرت ايام هادئة وتجنن رجعت اداوم
صحيح اتعب هواي بس جسر هم يساعدني وهو يوديني ويجيبني ومرات من عندة شغل علي يوصلني
أنت تقرأ
إنطفاء نجمة
Roman d'amourأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
