انطفاء نجمة
للكاتبة :Hawraa
و أياك ان تعاتب من هُنتِ عليه
فلا عتاب لمن استباح أذيتك.
قراءة ممتعة لتنسون التصويت 🦋🖤
..............
ترف...
ضليت صافنة يربي شديصير كل يوم شي بحياتي وصدمة تخليني اخذلي فترة طويلة يلا استوعبها وتجي غيرها بالمرصاد،
شفت ويا مرة دخلت والضحكة على وجهها جانت مبينة عمرها بمنتصف العشرين مامحجبة والشعر اصفر والشفايف كلها فلر شكبرها والوجه مشدود من التجميل والنفخ ولابسة بنطرون جينز بس حيل ضيق بارز كلشي وويا قميص قصير احمرر
وكفت عاقدة حواجبي انتضر تفسير منو هاي شكلها مو راحة ابد، باوعت على ابوية ابتسم وكال وهو يخلي ايدة على كتفها ويسحبها نحوة ويكول
... تعاي ترف بابا سلمي على مرت ابوج الجديدة ، رجاء
هي ابتسمت بتصنع ، واني ضليت صافنة بوجهة هذا شديحجي هذا تخبل وربي الشيب تارس راسة ومتزوج؟؟
احس ضربة واجتني على راسي من هيج حجة، صحاني من شرودي صوتها وهي تكول بتغنج
... شنو حبيبي ما مرحب بية؟
عفتهم وركضت لغرفتي كعدت ورا الباب خاف ناقصني قهر اجتني مرت ابو؟!! راسي وجعني فكرة انو احد يشاركني كلشي خبلتني ممتعودة على اختلاط اني مو عاد تجي هاي الي ابد ما ارتاحيتلها ابد تعيش وياية، واني من ما ارتاح لأحد صدك يطلع بي شي لان احساسي بالمكان.
ضليت افتر بالغرفة ماعرف شسوي يمكن جان المفروض اسلم عليها اي اي لازم اسلم عليها بس كرهتها شلون بية، سمعت صياح بابا علية اخذت شهييق وزفير وفتحت باب غرفتي نزلت اتمشى ولا كأنو صاير شي شفتهم كاعدين بالصالة، كال بابا الي احس حقدت عليه
... وين رحتي مو جنت احجي وياج
كتلة بهدوء واني انزل
... مو رحت للحمام حسيت روحي رح اتقيئ ، تدري بية مريضة
هز راسة باوعت عليها وجهة احتقن ورادت تحجي شي بس سكتت الضاهر اخذت على روحها، يلا بلكي تطبع حبابة ،كال
... شنو متسلمين على امج؟
من كال امج حسيت غصة بكلبي ابتسمت بتصنع وكتلة
... بلي اجيت
رحت يمها ابتسمت هي بنصر وبوستني وهي تكول
... فدوة شلون جماال شنو اسمج حبيبتي انتي
كتلها واني اوخر منها ماحب احد يبوسني وهي طاحتلي دك بوس
... ترف
... يااا صدك ترف وكلج ترافة ، طالعة على ابوج حلووة
ابتسمت وكتلها واني اباوع على ابوية هو غير اجلح اني اخبل
... لا ، خالة سماح تكول تشبهين بيبيتج
... اهااا
اباوع عليه شلون يباوعلها فاتح حلكة ومكيف عليها عيع شبي هيج، كعدت بعيد عليها واني بداخلي نار تغلي مدري شلونها ضجت منها رغم المرة مكالتلي شي بس حسيتها ماخذة راحتها زيادة عن اللزوم
... انتي شنو تدرسين
أنت تقرأ
إنطفاء نجمة
Romanceأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
