သို့ ...||Taekook||√√[Completed]

~25~

တဖြည်းဖြည်းနဲ့ရက်တွေလတွေကျော်ဖြတ်ကာ (၂)နှစ်ဆိုသောအချိန်ကိုခဏလေးရောက်လာသည်။
မကြာခင်ထယ်ယောင်းရဲ့သမီးလေးဂျောင်ဟျောင်းမှာ အသက်(၂)နှစ်ပင်ဖြစ်တော့မည်ဖြစ်သည်။

မွေးကာစအရွယ်ထဲကနှစ်ဖက်မိဘသည်းသည်း
လှုပ်ကာ အချစ်ခံရပေမဲ့ အဖေဖြစ်သူကိုတော့ ဓာတ်ပုံထဲမှာသာတွေ့ဖူးတာကြောင့်သမီးအတွက် ထယ်ယောင်းစိတ်မကောင်းမိချေ။သူနဲ့သမီးကို ထောင်ထဲမှာထဲကအတွေ့မခံတဲ့ဂျောင်ကုသည် မစ္စတာဂျွန်ကျေးဇူးကြောင့် သတ်မှတ်ထားသည့် ထောင်ဒဏ်မပြည့်ခင်အတွင်းမှာအလွယ်လေးလွှတ်လာခဲ့သည်။

သို့သော်ထယ်ယောင်းနဲ့သမီးဖြစ်သူကိုတော့ လာမတွေ့တာကြောင့်ထယ်ယောင်းအတော်လေး စိတ်ဆိုးမိသည်။ထောင်ထဲမဝင်ခင်ကတော့ သမီးနဲ့သူ့ကိုစိတ်မချသလိုပုံစံမျိုးတွေ့ခဲ့ရပြီး ထောင်ကထွက်လာတော့လာပင်မတွေ့တာကြောင့် ထယ်ယောင်းရဲ့မာနကိုလာ၍ထိခိုက်နေသလိုပင်။

အမှန်ဆိုထယ်ယောင်းလဲယောကျာ်းပါ။ သူမရှိလည်းရှင်သန်နိုင်တယ်ဆိုပေမဲ့
ဂျောင်ဟျောင်းကတော့သူနဲ့သွေးသားပတ်သတ် နေသည့်ကလေး။ ဂျောင်ကုစိတ်ထဲဘာတွေ ရှိနေလဲထယ်ယောင်း
သိပေမဲ့ သမီးဖြစ်သူကိုတော့ အနည်းဆုံးမျက်နှာလေးလာပြသင့်သည်မဟုတ်လား။
ဂျောင်ကုဟာအတော်လေးကိုစိတ်ဆိုးချင်စရာ ကောင်းလွန်းပါသည်။

သမီး(၂)နှစ်ပြည့်အချိန်ကိုမှလာမတွေ့လျှင် ဂျောင်ကုကိုတရားဝင်ကွာရှင်းပြီးစင်ဂဲလ်ဖာသား
လုပ်ကာသမီးကိုသူတစ်ယောက်ထဲပျိုးထောင်တော့မှာ
ဖြစ်သည်။အဖေဆိုလဲသူအမေဆိုလဲသူ၊သမီးမျက်နှာ
မငယ်ရအောင် အဖက်ဖက်မှပြုစုပျိုးထောင်ဖို့
အစီအစဉ်ရှိပြီးသားပင်။

ထယ်ယောင်းဆိုတာအဲ့သလိုလူမျိုး။
ရှင်သန်ဖို့အတွက်လူတစ်ယောက်ကိုမဖြစ်မနေ
မလိုအပ်ဘူး။ဂျောင်ကုကိုချစ်နေသေးတယ်ဆိုပေမဲ့ ကိုယ့်ကိုယ်အရေးတောင်မစိုက်တဲ့လူကိုအသည်း အသန်မလိုချင်နေပြန်ဘူး။အခုအချိန်မှာတော့ သမီးဟာသူ့ဘဝဖြစ်နေသည်။

သမီးကိုငဲ့ညာပြီးသူ့ရဲ့ဆန္ဒတစ်စိတ်တစ်ပိုင်းအရ ဂျောင်ကုကိုအခွင့်အရေးလေးတော့ပေးချင်ပါသည်။
ဒါဟာဂျောင်ကုကိုချစ်လွန်း၍အခွင့်အရေးပေးခြင်းသာ။