Cat Prince

Chapter 4

Dorothy Kei

"Ma'am! Wala kaming ginawang masama, bakit niyo po kami drinop out?!"

"Calm down, Miss Kei."

"Hala, Ma'am, saan kami mag-aaral kung e drodrop niyo kami ni Merlin?"

"Lilipat po ba kami ng school?" mas lalong napakunot ang noo ko dahil sa tanong ni Merlin.

"Saan naman tayo lilipat? Hindi natin alam kung natanggap tayo sa academy," sabi ko. "Ma'am, please, wag niyo po kami e drop! Kailangan pa namin makatapos!"

"Lilipat kayo ng school," sabi ni Ma'am principal.

"Saan?"

"To Helenka Academy of course!"

Napalingon kami sa nagsalita sa likuran namin. Nanlaki mata ko dahil may babaeng nakasuot ng uniporme ng Helenka Academy. Napanganga ako dahil pamilyar ang mukha niya.

"Ariesa?!" sabay namin na sabi ni Merlin.

"Hello, Dorothy! Hello, Merlin!" bati niya habang nakangiti at niyakap kami.

Hindi na ako dapat magulat dahil taga district one siya pero, nakakagulat pa rin! Suot niya ang isang white polo at pinatungan ito ng kulay pastel yellow na blazer. May ribbon na kulay yellow at yung kulay ng palda is checkered black and yellow. Nakasuot din siya ng white knee socks and black shies.

"Teka, anong ginagawa mo dito, Ariesa?" tanong ko.

"Sinusundo kayo, of course!"

"Miss Kei, sana bigyan mo ng respeto si Princess Ariesa," sabi ni Ma'am Principal. "Pasensya na po kayo, mahal na princesa."

"Naku, Ma'am, ayos lang po. Wag niyo na po akong tawaging princesa," sabi niya habang nakangiti.

Teka, teka, princesa? Sino? Si Ariesa? Princesa siya?!

"Hoy!" tawag ni Merlin sabay hampas sa braso ko.

"Aray! Ano ba?!" reklamo ko.

"Alam mo ba na princesa siya?!"

"Hindi! Ngayon ko lang nalaman—aray ko!" binatukan ako ni Merlin.

"Pasensya na po, hindi namin alam na ikaw ay may dugong bughaw pala. Patawin mo kami, mahal na princesa," sabi ni Merlin at yumuko habang mahigpit na nakahawak sa likod ng leeg ko.

"Aray ko! Merlin! Mamamatay na ako!"

"Humingi ka ng tawad, kung ayaw mong bumagsak sa kulungan, stupid," sabi ni Merlin.

"Patawarin niyo po ako, mahal na prinsesa."

Narinig namin na napabuntong-hininga si Ariesa. Hinawakan niya ang balikat ko tiningnan siya.

"Ayos lang, ayoko rin naman malaman niyo dahil baka magbago ang trato niyo sa akin. Let's just stay the same like we first met. Wag niyo akong tawagin na prinsesa dahil ayoko."

Nagkatinginan kami ni Merlin at tumango kami.

"Teka, anong sinabi mo kanina? Sa Helenka Academy kami lilipat?" tanong ko kay Princesa Ariesa——Ariesa.

"Yep! Sasama kayo sa akin ngayon, pupunta tayo doon para maayos ang dorm niyo."

"Teka, paano po kami makapag-aral doon, mahal na princesa?" tanong ni Merlin.

"Na approved yung scholarship niyo and please, just call me Ariesa o Arie, Merlin."

Hindi parin na dadigest yung sinabi ni Ariesa. Na approve yung scholarship namin, so, sa Helenka Academy mag-aaral. The number one school in the kingdom.