غشافتو ضور وجهو لعندها وهي طير للدار كتخاف منو بلا قياس خصوصا واحد شمكار وفمو خاسر كلمة زوج يعطيها تمشات حتا وصلت قدام دار عادية سفلية دقت فالباب واقفة كتسناهم يحلو وهوما مضاربين شكون غيحل الباب روفيدا:(كتنهج)والعداااوا راغنمووت وحللو.
سمعت الباب تحل ودخلت نيشان جابداها فواحد الطوالة لاحت شكارتها وحيدت زيفها حتا تفتح شعرها على طولتو مايل للزعورية غطا ضهرها هزت ايدها كتجمع فيه وقدامها جداتها كانت مرا كبيرة فالعمر تعطيها 62 عام ...سمرة وشيب خارج ليها من جناب زيف حياتي لي لاوية بيه راسها
روفيدا:(خرجت حطت سبرديلتها كتنكر وتهز فكتافها) ومي ومي را رجليا زركتيهم بهاد تيمومة شي نهار لوحها ونخليك بلا وضو ...
مليكة:يابنتي كنتي تغسلي للحلالف فرجليك تاشهاد ريحة ...سيري الله يرضي عليك غسلي را قتلتيني ..
روفيدا:فاطنة فيناهيا (ماماها)
مليكة:يعطيك الذل اما العز رابعيد عليك راامك هاديك ..راه غتبات مع فاطمة ليوم ..
روفيدا:(جلست حداها)وامي انا صاف راقررت ..
مليكة:(جبدات واحد الصويك صغير كدير فيه دواها وحلت قرعة تاع الما)
روفيدا:أنا غنولي شيخة...
مليكة:دي معاك اداك خانز رجلين يشدك ليك لغرامة حسن ما يبقا ناشر ليا فراقشو قد البغل هنا ...لاخدمة لا ردمة ناس يديرو طنوبيلات وديور وأنا لاصقين ليا بحال لكراد فترمتي يمشي واحد يجي واحد ...
روفيدا :(ناضت لماريو كتحيد فحوايجها ولبست سروال شيبي ديال بيجامة مع تريكو غوز ديال بيجامة آخرة عندها لاموض فدم هادا حالها دار صغيرة مجموعين فيها خمسة تاع ناس ...كويزينة صغيرة وطواليط وثلاثة البيوت واحد شاداه هي وجداتها ومها وواحد صالون خداه خالها ولبيت لاخر ديال خالها لي مزوج وهزبت ليه المرة بقوة مكيتكرفس عليها ...
مليكة👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
