مليكة:(كتدير ليها فثلج وتبكي عزيزة عليها بزاف رباتها على ايدها وعندها عز منهم كاملين)
روفيدا:(بحرقة)هاويلي على مليكة كتبكي ...وغزوق ليا وجهي وكان ...دابا نبرا متبكيش ...
مليكة:(مسحت دموعها)الله يمسخك
روفيدا:(هبطت من جنب عينها دمعة حݣرة ضلم يتيمة من صغرها محرومة وحياتها كاملة محرومة صغرها دايز عصا في عصا كتفاجيها على راسها براسها شحاال من مرة فكرت لوكان كانت عندها عائلة ميوقعش ليها هاكا ومتتحطش تحت رجلين ناس ميرحموش)ربي كيشوف كلشي عمر الظالم ميربح ..
مرو يومين دازو على قيس بحالا جالس فوق العافية كل مرة يطل فسرجم وعاس على دار ݣاع شغالو نساهم وبالو معاه يومين مخرجت مطلت عند الباب كيشوف ناصر وميقدش يسولو تعصب حتا بغا يتفرݣع حتا مدرستها ممشاتش ليها ولا لي هضر معه ينهض فيه ... كان جالس مع سعدية وتكلم شاد راسو مخنوق
سعدية:مال وليدي اش كاين ...
قيس:لوليدة غدا غنوصلك لكازا عند ختك وغتهضري مع ديك خيتي ياتسني على لوراق (وقف)ولا عارفاني شغندير ...
سعدية:اشمن طلاق ...الله يهديك رجع مراتك ..لي فات مات ...متبقاش كل ساعة طلاق ...
قيس:انا دويت دابا وايلا مبغيتيش انا لي غنمشي ومتلومينيش ...
خرج من تما طالع للسطع فوق البيت ملهي فالبارابور كيصاوب فيها وغوباشتو فالعلالي طلع ليه دم ضرب ابارابور برجلو حتا هرسو هبط عينو لبابهم مسدود ساط حتا شاف لباب تحل ووساعو عينيه فيساع شافها خارجة لابسة عباية مع زيف كحل نقز من تما هابط باازربة حتا خرج لبرا تابعها حتا غدخل لحانوت وشدها بايدو معرقة جارها لعندو ..
روفيدا:(جارا على وجهها الزيف على قبل الزروقية لي مزال مبرات)واش حماقيتي ...
قيس:(معصب)فين كنتي؟(غفلها وبعد زيف على وجهها حتا تحبست ليه الهضرة فحلقو)شنو هادشي ...
