خرجت راسها من الباب لقاتو واقف مربع ايديه قدامو كيشوف فيها وشار ليها باش تغطي شعرها ..
روفيدا:(مشات على سعدها ووعدها لاحت زيف على راسها وخرجت عندو كتحك كتافها من البرد) وكتحاول دفع كبير)شنو باغي ...
قيس:(حل باب دار وهي متبعاه شنو باغي يدير) بلا متبقاي تنفخي ...دخلي !
روفيدا:(هازا حاجب) داوي بصح ...
قيس:بلا ميمشي بالك بعيد باقي وقت داكشي (زادت توسعت ضحكتو فاش شاف حناكها لي حمرين مع البرد وزادو حمارو مع الحشمة)غير دخلي غنهضرو مبغيتش يشوفنا شي واحد ..
روفيدا:(تخاطاتو داخلة غافلة على لعيون الخفية والضحكة السامة لي متبعاها)
قيس:(سد الباب ووقف كيشوف فيها وهي حادرة عينيها مقاداش تشوف فيه) عندي ليك شي هضرة ..
روفيدا:(هزت فيه عينيها قلبها كيضرب شوفاتو كيهبلوها )اينا هضرة ...
قيس:(حبسها بايديه مع الحيط حتا ضربت فيه نفسها سخونة)بغيتك للزواج ...
روفيدا:(شافت فيه موسعة عينيها لخوضر عند عينيه لي قراب وخفقان قلبها متعالي وزارها شي وجع معرفاتو مناش زائد ريحتو القاصحة مخلطة مع ريحة القهوة)
قيس:(عرفها مصدومة زاد قربها ليه جارها من خصرها كيتملس فضهرها)باغيك حلالي ...(قرب كثر مستمتع بريحتها)عارفك مصدومة ولكن ماشي انا لي نخيط بيك دروبة ونجرجرك ..جيتك للموضوع نيشان ونتي قرري.
روفيدا:(ثوثرت قباحتها مشات فرمشة عين متقولش هادي لي عاد كانت كضارب وعاد ايدو لي كتحس بيها كتلعب فضهرها) ا ان أنا معرفتش .م
قيس:(حط جبهتو على جبهتها حس بيها ترخات وهي ربي عالم بيها غتسخف ليه بين ايديه شاف فيها مغمضة عينيها وبتاسم)بلا منكذبو على راسنا بزوج كنحسو بشي حاجة ...(باسها فراسها بحب)عندي شي امور مهمة هاد الأيام ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
