والمشكيل ناصر كيغمس الخبز ويخشيه فجيبو وعند بالو را كياكلو
مليكة:(شافت فيه)تااشكدير هبلتي؟
ناصر:هاه ا ماااالييي ...
مليكة (مع كان حداها هزت ايدها لي عامرة بالمرقة وعطاتو للݣفا)ياك كنقول لبوك فرق زببببل ...
ناصر:(ناض مقلوب كيتفتف وهرب فحالو بقا بلا عشا)
مليكة:يتفتف عليا كي دجاجة انااا اشبغيتلك ياهاد تريكة ناااقصة ...
روفيدا:(كتاكل وضور فعينيها خايفة تجمعها معاه)
سالاو جمعو الطبلة ومشات روفيدا عند مليكة باش تعلمها بلي غنمشي مع قيس فصباح لكازا ...
روفيدا:وامي غدا را غتمشي معا قيس لكازا ...
مليكة:(ناضت من فراشها)هاله وعلاش بسلامة ؟
روفيدا:قاليا ناخدو فراش للدار ...
مليكة:(مخرجة فيها عينيها)وعنداك ابوك يفرزݣ فشي قنت را والله ..
روفيدا:(قاطعتها)ودابا مالنا على هاد الهضرة...
مليكة:انا غقلت ليك وردي بالك ..
صبااح جديد فاقت بكري على عادتها فطرت مع مليكة وسهام لي مراشقاش ليها حينت غتغبر عليها هاد نهار .. كملت ولبست كسيوة ديال المحجبات طويلة فالغوز ومنقطة بالبيض مع زيف بيض وكنفرنيس بيضة خلات وجهها صافي بلا ميكاب سمعت تيلي كيصوني وهزاتو فاتحة الخط ..
قيس:غتلقاي اوطو كحلة حدا العطار كنتسناك فيها ..
روفيدا:واخا (قطعت وعنقت سهام ومليكة عاد رشت عليها شوية ديال ريحة وخرجت قشعاتو من بعيد زربت فخطاويها لعندو وحلت الباب طالعة)صباح الخير ...
