سمعو صداع برا طفات تيلي وخرج ناصر هو لول لقا دراري ديال درب جايبين حمزة كي شرويطة روفيدا شهقت حاطة ايدها على فمها ومليكة تصدمت ومشات عندو تقلب فيه كيفما كان لحال را ولدها وكبدتها متبغيش تشوفو هاكاك ...
مليكة:(كضرب فصدرها)ههاااااويلي على وليييدي وشكوون دار فيك هاد لحااالة ...
ناصر:(مشا شدو معاهم ودخلوه للبيت وهو شبه مغيب)شكوون دار فيه هاكا ....
.....:ومععرت اساااط لقيناه هاااكا قدام لقهوة ...
روفيدا:كانت باقا برا ...ولمحت قيس مربع ايديه وواقف عند لباب غمزها حتا سرطت ريقها بزز دار ليها بايدو تعالي ..بغات تهرب دخل وحمر فايها هاضر من بعيد ...
روفيدا:(حركت راسها بلا ورمشت فيه عينيها فاش شافتو جاي كيثقل فالمشيا حتا وصل لعندها)
قيس:(بصوت مرجل هادي)اجي ...
روفيدا:فين غنجي؟
قيس:(عاد تفككت غوباشتو شوية)قربي عندي ...
روفيدا:(زادت بخطوة ووقفت كتشوف فيه كيتفحص فوجهها بعينيه باااين معصب لعرق هابط ليه من راسو حل تجاكيط وجبد من بوماد مدها ليه)
قيس:ديري هادي لوجهك ...وداوميها غتحيد زروقية ...
روفيدا:(كتشوف فيه وتشوف فايدو لي شادا لبوماد)
قيس:(جر ايدها لي كترعد وحطها ليها فيها)راني مكنعضش ..
