روفيدا:(طلعت كان بيت صغير وحداه باب سطح حلاتو لقات شبيكة حمرة عامرة بالحوايج وحداهم لمقابط هزت كسوتها لصقتها فسترينك وبدات تنشر غافلة عليه كيقاد فالبارابور لي هرس لبارح ...
قيس:(مبغاش يدير لحس حط لي فايديه كيتفرج فيها ويشوف فالخير يتهز ويتحط وشعرها طويل هبلو خصوصا مع زعر صيݣان بيضين يشعلو لعنق طويل وبيض بتاسم فاش سمع صوتها كدندن وتغني كتنسي لوقت ...
روفيدا: هممم زوجتوها باقا صغيرة ...زدتوها حيرة فحيرة ورميتوها فالدزيرة مابين الشك والحيرة همم (مرة مرة توقف وتشالي بايديها)
قيس:(حس براسو سخن هبط من تما حتا تلفات ليه قافزة غير شافتو وشهقت ..
روفيدا:(كترجع بلور)لا ا نا انا كنت ..
قيس:(بصوت زعزعها وهو كيقرب ليها عينيه على حناكها حمرين )شنو كديري؟
روفيدا:(مقاداش تشوف فيه قلبها كيخبط) أن أنا كنت غ غير كنشر ..لحوايج
قيس:(قرب لعندها حتا وصل لوذنها حاس بنفسها كيترعد)لمرة جاية نشوفك مقزبة ولا مزيرة على طرمتك فأي بلاصة زنقة ولا سطح ومديراش زيفك غتكون معاك هضرة اخرى ...(هز فيها عينو لقاها مخرجة فيه عينيها كضور فيهم قرب حتا نفسو كضرب فعنقها طبع فيه بوسة طويلة غمضت معاها عينيها شاداها لقفقافة كتقول دابا غنسخف زادت عليها لحيتو لي هراتها ولات باغا الفكاك ...
قيس:(حط ايدو على خصرها بغات تبعد وكرز عليها مقربها ليه كثر نتر لكسوة من سترينك عاد بعد ومشا دخل للبيت )
