جا حمزة كيقلب على لعريس لي خلاه زعما طل فالكوزينة لقاهم عاادي مليكة جالسة تنقي الحوت الغدا وروفيدا واقفة تغسل فالماعن ....
حمزة:(كيضور فعينيه بيناتهم)فينهوا سيد ...
روفيدا مجاوباتوش من غير مليكة لي لاحت ليه كلمة وحدة:مشا فحالو ...
حمزة:نعاام؟مشا فحالو ...(ضور روفيدا عندو)نتي لي جريتي عليه فعاياك الق*ح*بة
روفيدا:(طلع ليها دم دفعتو تا رجع لور)حيد عليا ايدك*ق*حبة كنت نعس معاك ...؟
حمزة:(صدماتو خصوصا عمرها تجاوبت معاه كان هو لي كيعاير وهي ساكتة)
روفيدا:(بنفاذ صبر حناكها حمرين ولعرق هابط ليها من راسها)صبرت ليك بزاف مطلعش ليا فوق راسي ...شنووو مشكيلتك معاايا كانت شي حاجة نفاريوها دابا ... فين عمري لحݣتك بشي كلمة ...لاش كاع حاقد واخا نكون داخلة معاك فالورث مديرش ليا هاد لحالة ...
حمزة:نعام؟ نتي وليتي ترفعي عليا صوتك (شاف فمليكة لي عرفت لقضية تفضحكت)شفتي ضسارة فين وصلاتها ... (فغفلة دار صرفقها تا طاحت فأرض)بنت لحراااام تجي تغوت عليا أنا ...هاااه ..(هزها من الارض كيدي ويجيب فيها وهي باقة من حر الضربة مبرات ...
مليكة:(باغا تفكو منها ملقات عندها جهد)عاافا وليدي صافي طلقها. لععاااار طلق البنت را غ يتيمة الله يرضي عليك تا مول العقل ...
روفيدا:(نيفها دايز بالدم وعينيها نايمين) أحسن حاجة دارت ديك بنت ناس هي هزت ولدها ومشات فحالها كانت عايشة مع حمار ماشي بنادم ...
مليكة:سكتي سكتي ...
حمزة:(كيترعد بالعصاب وحمار)ياك ال*ق*حبة (لاحها فالارض ومشا كيجري جبد جنوية من تحت الفراش ورجع ليها)
ناصر لي دخل على غواتهم غير شافتو مليكة بحالا شافت الرحمة بقا مضارب معاه حتا حيدها ليه وخرجو على برا كيكمي يبرد ...
