كانت جالسة حدا البنات كيشطحو وهي مغوبشة تقول عندها جنازة ماشي خطبتها محست غير بايد صغيورة شاداها هزت عينها لقات بنت خالتها صغيرة بتاسمت وباستها ...
....:عمو قاليا كلمي العروسة...
روفيدا:(ضحكت على هضرتها )شكون هذا؟
....:واقف برااا .
روفيدا:(رجعت باستها عاد وقفت خارجة لبرا لقاتو واقف مربع ايديه كيتسنا فيها غير شافها وشار ليها بصبعو)نعاام؟
قيس:(بنبرة غاضبة)هاديك لهضرة اخر مرة نرجع نسمعها والمشكل تحل..
روفيدا:هزت حاجب)انا لي خاصني نكون معصبة ماشي نتا ..!
قيس:(تنهد وهضر عينيه فعينيها)نهار لول بغيتك نتي وختاريتك نتي ...مخاص يكون فبالك والو من غير هادشي ...
✨✨✨✨✨✨✨✨✨✨✨✨✨✨ نهار جديد بأحذات صادمة لأبطالنا ...
كانت جالسة فالبيت بعدما جات من عند الكوافير لي حداهم قادت ليها ميكاب خفيييف مع ذرتها خيط روح وقفطان فالغوز بارد مطرز كتشوف فضفيراتها لي مصبوغين بالبيض ومقادين ...
طل عليها ناصر مفركس حتا هو لكوستيم وشعر مقاد :شكون نتي اختي؟
روفيدا:(شافت فيه)لي غتخلي دار عشتك ...بلا مدير فيها تصدمتي.
ناصر:المكياج كيدير فيكم العجب ...
سهام:(تبعاتو كتشوف فروفيدا)ياااختي جيتي زوينة طاح عليك سر ..
روفيدا:ماما فينهيا؟
سهام:مع عمتي واقفين على لغدا ...
ناصر:واحد حمزة من لبارح وهو غابر ..
روفيدا:(خنزرت)مالك اخويااا مالك شفتيني فرحانة بغيتي تنكدها عليا ...؟
