رجعت للدار خانزة وخصوصا مع شمس والحال بدا يدفا لقات نفس الكاميو واقف ولكن خاوي دخلت للدار لاحت شكارتها وسلمت على ماماها لي مكتهضرش ومكتدويش ولكن كيتقاهمو بلغة الإشارة ...
مشات دوشت وخرجت بدلت حوايجها ونشفت شعرها عاد رجعت للكوزينة كتفطر وحداها جداتها لي كتنقي لخضرو لكسكسو
روفيدا:شكون تحول لهاد دار ..ياك مولاها مكانش باغي يبيع ...
مليكة،ةكوراه شاف لفلوس عينيه حوالو باقي غيعقل على شي حاجة سكنو فيها شي ناس متعرفيهمش تي ..(ناضت شللت الخضرة وبدات تنصب فيها) كانو ساكنين حدا خالتك خديجة معرت مالهم تاباعو هاديك وجاو هنا مرا كبيرة راجلها ميت راني ماشية تالدارها عندها زوج ولاد وبنت مزوجة فالامارات كانت ع مشات تخدم تاصدق خايدها واحد ...
روفيدا:غتكون ع شي خايبة..لخايبات لي عندهم زهر ..
مليكة:(شافت فيها)على تي تحمري لوجه كون شتي بنتها تحلي فمك ع ديك طولة وديك لبيوضة الله يصلحها ..وعندها ياالالة زوج ولااد لكبير منعرفوش بزاف وصغير كان حتا هو مشا للإمارات ورجع مبغاشاي يبقا تم
مليكة:تݣعدي نظفي الدنيا ياهيا بويا نسيت لملح ..(غوتت حتا قفزتها)اتي نوضي جمعي عليا سالفك دابا طيحي ليا زغب هنا ...
روفيدا:تي مالك هاني نايضة كاع نمشي انبركك شوية ..
مليكة:تي اجي لهنا شوفي لكوزينة تشعل بالنوض ..
روفيدا:(مشات عند الباب بحال شي فارة يبان فيها ع الشعر بطولتو وعينها ستبرݣݣ وضور فيههم ...رجعت دخلت لاحت عليها بوليرو طويل وخرجت كتصوني فالدار لي مجاورة مع ضارهم حتا طلت عليها بنت فنفس عمرها عكسها كان شعرها كحل سمرة نيف منقاد مع ميزة خاصة لي هي عينيها كانو صفرين بحال لبؤة
روفيدا:ونزلي نزلي فين ع غابرة ...
شمس:صبري هاني جاية ...(سدت سرجم )
روفيدا:(ضارت كتشوف فالدار لي كانت مقابلة مع ضارهم وهي لي تحولو ليها ناس جداد سراجم محلولين خادوها كاملة لفوق ولتحت)
