لبس تجاكيطتو وخرج لبرا وجهو كيخلع بديك تخنزيرة على وجهو علا حاجبو كيشوف فيها كتجفف لابسة بيجامة خفيفة صيفية فالخزي جات مع عويناتها وشعرها عريان شاداه لفوق ومهبطة خصلات على شعرها ...
لي زاد عصبو انها مداتهاش فيه ومتساوقاتوش عرفها دايراها بلعاني وضد فيه خبط الباب سادو وواخا هاكاك مهزتش فيه عينيها تمتم بكلمات كيتحلف عليها ومشا فحالو شاد راسو بزز ...
روفيدا:داير ليا فيها صعصع انا غنوريك ..(لاحت الما لي بقا فسطل ودخلت مخليا الباب محلول باش تنشف ارض)
شمس:(جالسة كتعزل فتصاور لي صورت)اممم هادي حسن كتبان مقربة ليه ... ختارت ثلاثة ومسحت شي لاخر :امم هاني غنشووف الالة روفيدا ..دبا خاصني غير لوقت لمناسب ...
فالعشية عند روفيدا لي جالسة ومعنقة بنت بيضة محجبة وعينيها كوحل نورها فوجهها سبحان الله دوك شفايف غوز وحنيكاتها بحال روفيدا لي شافهم يقول حلاقم ...
مليكة:باقا مبغيتي تجوجي را تشوحشنا لعراس ...
سهام:"بتاسمت"ونزوجوك نتي اعمتي لولة ...
ناصر:(كيشوف فيها كفاش زيانت من شحال وهي كتعجبو وملي جات وعينيه عليها مالف دار مكيݣلسش فيها)
