روفيدا:(نسات بلي راه فوجهها الميكاب هزت كلينيكس ومشات جيهت المرايا كتمسح داكشي لي داع)
سمعو دقان فالباب لثاني مرة قيس طل وخرجت معاه مليكة قد قد كيلقاو ولد جارة هي كتعرفو ووراه سعد وناصر لي جايين.
ناصر:عبدو ...شنو كاين اصاحبي؟
عبدو:(شاف فيهم مقادش يهضر)خالتي ...
جات روفيدا من وراهم كتسمع ...
عبدو:(شاف فصحابو لي حداه كيقولو ليه غير يهضر)
مليكة:(قلبها كيضرب)شنو كاين اوليدي خلعتيني ..؟
عبدو:ولدك حمزة عطاه ولد عايشة الموطور يهبط يجيب شي حشيش وفاش هبط لطريق لكبيرة خرج فيه رموك ...وهزوه للسبيطار ميت ...
مليكة:(طاحت بسخفتها خلات كولشي مصدوم)
روفيدا:(حطت ايدها على راسها)ياربي اش هاد لخبار ..(شد فيها قيس )
طلقت منو وهبطت عند مليكة كتغووت على سهاام
سهام:اويلي عمتتتيي ...
روفيدا:جيبي الريحة ...
ناصر:(باقي فيه صدمة ضحك ونطق)عبدو كتفلا ياك ..!
عبدو:(بأسف)مكنكذبش اخاي الله يرحمو راه داوه للسبيطار ...
(بكيت😓)
ناصر:(ضرو خاطرو هبطت ليه دمعة قبل ميتقبل الحقيقة لي مستوعبهاش وهبط عند مليكة لي سخفانة)
روفيدا:(دارت ريحة فايدها وحطتها ليها على نيفها وكبت عليها شوية الما حتا فاقت )شوية ..
مليكة:(كتبكي بحرقتها على ولدها وكبدتها لي تحرقت فيها) اويييييليي على وليدي اهئ ياااا سيدي ربي كبدتي مشااات اللله ياااااربي اهئ اللله على وليييدي الله اللله عللى وليدي لي مشا صغيييير اللله
ناصر:(كرز عليها كيبوس فراسها ويبكي معاها)مشاا الوليدة ...
سهام:(كتمسح فدموعها كتبكي مع ناصر لي بقا فيها بطريقة لي كيبكي ..)
مرو يوم على لي وقع جالسين فصالون رجال بوحدهم ولعيالات بوحدهم جالسة مليكة لي باقين دموعها مسكتوش وحر ضبرتها مبرات من جيهت ولدها ساهية مسكينة وشادا فايديها ولدو لي غير علمو مرتو وجات ومرة مرة تبوسو
....:جدااا بابا فين هو ..عرفتي هاديك المرة جا وشرا ليا حوايج ..وقاليا غيرجع يجيبني معاه ...
مليكة:(زاد ليها الملحة على جرح غير مزادت بكات قدامو حتا تخلع الولد مسكين)
روفيدا:(خداتو ليها وحداها سعدية وخواتاتها لي كيسكتو فيها وينصحوها بصبر خرجت لبرا لقات قيس واقف مع شي رجال كيعزيو شافها وجا لعندها خدا لييها الولد ...
قييس:(طلعو فوق كتافو)البطططل ...
روفيدا:دفنتوه!
قيس:(حرك ليها راسو وجبد بيمو)هدا فاش كنت جاي تفكرتك وجبتو ليك معايا (عطاه ليه وشاف فيها) الله يرحمو ...
روفيدا:أنا مسامحاه على كااع لي كان كيدير بصح عمرو خلاني نشوف نهار زوين ..ولكن المسامحة ...
قيس:(هبط لولد من كتافو لي مشا كيلعب وباسها فراسها) كيف بقات خالتي مليكة؟
