مليكة:(عنقتها كتسلم عليها)نهااار كبيير هذا ملي زرتينا ..دخلي اختي مرحبا بيك ..(شافت فقيس وسعد معرفت اينا واحد جاي يخطب )تبارك الله دخلو ...
داتهم للصالون حطو لي فايديهم وجلسو معاهم ناصر.
مليكة:(مشات عند سهام)وااهيا مك كي مزرزرة ذهوبات..هاتتي انا غنݣلس مع ناس ملي نعيط عليك قوليها تجيب سينية وجيبي نتي داكشي لاخر ...
سهام:(خلات مليكة حتا مشات وسلتت عند روفيدا لي باغا تبول فحوايجها)وناااري شحاال جا زوين ليوم ..
روفيدا:غنصمكك جمعي عينيك ..
سهام:جابو كرطونة تاع سكر وشكلاط ...
روفيدا:ناري فياا الوجع ....
عند سعدية ومليكة لي كتسول على الأحوال والهضرة الاعتيادية بين لعيالات قيس لي عاقدهم وشابك ايديه وحداه سعد لي لعكس ديالو مبتاسم كيهضر مع ناصر ...
سعدية:(تقدمت فالهضرة)ايوا الالة مليكة قصدناكم والمقصود الله ..سباب زيارة هو جينا طالبين ايد بنتكم روفيدا ...لولدي قيس حنا عارفينكم ناس معقولين والله يعمرها دار وهاحنا قصدنا الباب ...
مليكة:منكذبش عليك اختي منلقاش بحالكم للبنتي وقالها ليا ولدي ناصر وفرحت ملي عرفتو ولدك وايني قالو ليا مطلق ...؟
قيس:(ضحك بفقصة ورجع عقدهم كيهضر) وايلا كنت مطلق زعما الانسان مكيغلطش ...
سعدية:(حطت ايدها على ركبتو باش يسكت)
قيس:بنادم كلو أغلاط وماشي ديما الفرصة اللولة كتصدق بنادم محدو زايد فدنيا وهو كيتعلم وانا قصدت بنتك حيت رتاحيت ليها ومبغيتها مرت دار حتا عرفتها بنت نااس.
سعد:(حرك راسو عرف خوه مغيسكتش خصوصا على هاد الموضوع بضبط)
قيس:(بتاسم)متافقة معايا اميمتي؟
مليكة:(بتاسمت)مقلتي عيب وتانتا غير من لالة سعدية ييان العربون...(لي فيها ممهنيها ولكن لابد متعرف شنو وفين غتسيفط بنتها)وخدام اوليدي ...
قيس:(تقبل سؤالها بصدر رحب حيت من حقها مجاوبها بجواب شامل)برزقي الحنانة غير كوني هانية ...بنتك غتكون بدارها ميخصها حتا خير ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
