- آآآآآه.. ليه كده يا ربى .. ليييييه !!
" شادى " اهدى بس يا نغم وفهمينى فى ايه
- انا .. انا عملت كل حاجة صح ... مشيت على الخطوات بالظبط .. ليه يحصل كده ليه
" شادى " هو ايه بس اللى حصل يا حبيبتي ؟؟؟
- ببكاء :- انا مش نافعه فى حاجة يا شادى ... ااااه انا مش نافعه فى حاجة
" شادى " هو ايه اللى مش نافعه فى حاجة يا نغم !! انا مش فاهم حاجة ... اهدى كده وفهمينى انتى بتتكلمى عن ايه ؟؟؟!!
- انا سمعت الكلام ومشيت على الخطوات والطريقه الصح بس .. باااااظت .. اهاااااااااا
" شادى " باظت !!!! هى ايه اللى باظت ؟؟؟!!!
- ببكاء :- قالب الكيك .. اهاااااااااا
" شادى " بصدمه :- كيك !!! بقا كل العياط و الصوات ده و الجيران شويه و هيتلموا علينا علشان قالب كيك !!!؟؟
- اهاااا .. ده كان لعيد ميلادك ..انا مش نافعه فى حاجة خاااالص .. اهاااااا
" شادى " عيد ميلادى !!!! يعنى تخضينى وبقالى ساعه بهدى فيكى وفى الآخر تقولى عيد ميلادى !!! ااااه يا مجنونه .. اعمل فيكى ايه بس
- انا مجنونه يا شادى !! وبعدين هو ايه اللى تعمل فيا ايه ... احترم نفسك انا مراتك على فكره
" شادى " يا شيخه يخربيت الجواز على اليوم اللى فكرت اتجوز فيه ... انا ايه اللى عملته فى نفسى ده يا ربى
- بقا كده يا شادى !! تصدق انا غلطانه اصلا انى تعبت نفسى وقمت عملتلك حاجة ... انا كنت عايزه اعملهالك مفاجأة .. مااااااشى ماااشى يا شادى انا مخصماك .. متكلمنيش تانى
" شادى " بابتسامة :- مجنونه ... والله العظيم مجنونه .. بس بعشقك بقا اعمل ايه
