- مينفعش يا نرمين اللى بتعمليه ده
- هو انا عملت ايه غلط دلوقتي ؟!
- انتى بتسألى !!
- يا آلاء انتى ليه شايفه ان دى أنانية !
- ايوه هى كده .. انتى آه بتحبيه بس مش كده ! مش لدرجة انك عاوزاه يبعد عن كل اللى حواليه و يفضل معاكى انتى بس !
- اتنهدت بتعب :- هو انا لما اكون عايزاه ميرتحش غير فى حضنى انا تبقى دى أنانية ! لما اكون عايزاه يفرح معايا انا بس و ينسى همومه معايا انا بس يبقى دى أنانية !!
- ايوه دى أنانية .. انتى كده بتخنقيه ، لازم تديله مساحه خاصه بيه .. انتى كده بتجبريه يحبك .. بتجبريه لما يجيلك يبقى جاى لإنك انتى اللى موجوده قدامه ، علشان مفيش غيرك قدامه ، مش جايلك بمزاجه
- ما ده اللى انا عايزاه .. عايزاه يرتاح معايا انا بس مش مع غيرى
- ايوه ما ده غلط .. انتى كده بتجبريه ، لو ادتيله مساحه خاصه بيه هو هيشوف و هيقابل و فى الآخر هيرجعلك انتى بس الفرق انه هيبقى بمزاجه مش اجبار لإنك الوحيده اللى باقيه له
- بس هو مش متضايق من كده يا آلاء .. عمره ما كلمنى فى الموضوع ده و لا طلب اديله مساحه لإنه عارف ان ده نابع من حبى ليه
- مش علشان مبيتكلمش تفسريها انتى انه مبسوط ب كده و مش متضايق .. حطى نفسك مكانه و شوفى لو هو اللى بيتحكم فيكى كده و أنانى فى حبه ليكى انتى هيكون رد فعلك ايه !
- بس .. بس انا بعمل كده من دافع حبى ليه .. انا عاوزه اكون محور حياته و هو كذلك .. مش عايزه حد تانى فى حياته غيرى .. عايزه اكون انا صاحبته و أخته و زوجته و حبيبته و كل حاجة .. لما يتعب يجى فى حضنى ولما يعوز يحكى يلاقى قلبى مفتوح ليه .. انا بس يا آلاء .. عايزاه ليا انا بس
- بذهول :- نرمين .. انتى أن.....
- ايوه انا أنانية فى الحب .. أنانية فى حبى ليه .. مش عايزه حد يشاركنى فيه
- ده كله علشان ايه ؟!
- ده كله علشان هو اللى باقيلى .. هو الوحيد اللى فضل معايا .. علشان مليش حد غيره ، يمكن تكونى شايفاها أنانية بس انا شايفاها حب و تمسك .. خايفه يمشى و يسيبنى و ارجع وحيده تانى .. لا اب ولا ام و لا اخ و لا حتى .. حبيب
* أنانية انا بك حبيبى ..
لا أقبل أبداً بأنصاف الأشياء ..
أريدك جميعك لى انا ، ملكى انا ..
أريد إختلاق الصدف لنا ..
و محو تفاصيل الآخرين منك ..
أريد رسم صورتى فى خيالك ..
أريدك محور حياتى و ان أكون انا محور
حياتك و كل ما لديك ..
اهديتك قلبى مع أغلى العطور ..
على أن آخذك كلك لى ..
عقلك لى ، حبك لى ، تفكيرك في ، و ..
و قلبك لي ....
- سليم
- اممم
- هو .. هو انا بجد خانقاك ؟!
- بصلى باستغراب و صدمه :- خانقانى ! ده اللى هو ازاى يعنى ؟!
- بحبى ليك .. تحكمى فيك .. أنانيتى
- نرمين انا مش هكدب عليكى .. انا ساعات بتضايق بس مش من أنانيتك او تحكمك لإنى واثق ان ده من حبك ليا و انا فخور انى عندى زوجه زيك بس .. انا بتضايق من قلة ثقتك فيا .. انتى شاكه انى ممكن فى يوم من الأيام لما اتعب اروح لحد غيرك ! او انى ابص لغيرك ؟!! او حتى لما اكون عايز ارتاح اروح فى حضن غيرك ؟!
- لا طبعاً يا سليم انا مش قصدى كده بس ... عارفه انى أنانيه بس والله انا .. انا خايفه اخسرك .. مش عايزاك تسيبنى و انت اللى باقى ليا .. انا مليش غيرك
- و انا معاكى و خليكى دايماً متأكده انى عمرى ما هفكر اسيبك .. و على فكرة انا مش متضايق من حتة الأنانية دى خالص بس .. عايز احس انك بتثقى فيا انى عمرى ما هخونك او اخون حبك و اروح لغيرك .. انا هفضل معاكى طول عمرى و مش هيفرق بينا الا الموت .. الأنانيه و حب التملك دول معايا انا بالذات شايفهم قمة العشق و الغرام .. فى ناس ممكن تشوفها عيب بس انا عمرى ما شوفتها كده .. انا معاكى شايفهم غرام و عشق ..
- ربنا يخليك ليا يا حبيبي
- و يخليكى يا حبيبتي
* قنوعه انا فى كل شيئ ..
إلا فى حبك سيدى ..
ف أنانيتى تقتلنى ..
انا أنانية بحبك جداً ..
لدرجة انى اغار من طفل يقبلك ..
