- مين ده يا رحمه ؟!
- بإبتسامه حنونه و هى تنظر للطفل بين يديها :- ابنى يا آلاء
- بذهول :- ابنك ازاى يعنى ؟! انتى اتهبلتى يا رحمه !!
- شوفى جميل ازاى و صغنون ..
- ردى عليا و قوليلى جبتيه منين ده ؟!
- بدمعه متمرده هبطت من عينيها :- كنت رايحه ازور يمنى و قابلت والدته ، كان شكلها بتولد و مفيش حد يساعدها .. اخدتها وديتها المستشفى و هناك .. اتوفت اثناء الولاده و اللى عرفته ان ملهاش حد هنا ياخد باله منه و يربيه
- تقومى تاخديه انتى ؟! طب طنط وافقت ازاى انك تربيه ؟!
- ماما وافقت بعد ما اقنعتها لكن بابا مكانش موافق بس نسمه اختى اقنعته
- بس دى مسؤولية يا رحمه .. و كمان انتى لسه قدامك حياتك و مخلصتيش لسه كليتك و لسه متجوزتيش
- ربنا يعينى و اقدر اربيه و ابقى قد المسؤوليه
- طب مفكرتيش لما تتخطبى هتقولى للعريس ايه ؟؟
- لما نيجى وقتها ربنا يحلها
- طب سميتيه ايه ؟
- بإبتسامه :- سميته يوسف
********************
- رحمه
- ايوه يا ماما
- اختك و جوزها جايين .. قومى البسى يلا و هاتى يوسف ألبسه
- لاء .. سيبه انا هلبسه
- ماشى يا بنتى .. بس بسرعه علشان قربوا يوصلوا
اومأت بابتسامة و قامت لتبدل ثيابها ...
مرت ايام و شهور و سنين الى ان انهت رحمه جامعتها و تخرجت و خطبت لعميدها بالكليه " مراد "
تمت الخطبه بسرعه و كذلك تم زواجها من مراد و اصبحت زوجته شرعاً ...
اصبح يوسف الآن فى السادسه من عمره ...
- يوسف .. يا يوسف ، مراد مشوفتش يوسف ؟!
- لاء ، ليه ؟!
- عاوزاه علشان يشرب اللبن
- امممم .. تلاقيه مستخبى بره فى الجنينه
- انا هطلع اشوفه
- البسى نقابك يا رحمه
- التفتت له مبتسمه و قالت :- على فكرة ده والدك ، و فى مقام والدى
وقف و اقترب منها ... داعب خدها بلطف و هو يقول بمرح :- معلش بقا اصل انا غيور شويه
ابتسمت له بخجل و اخفضت بصرها
- اها .. انا ... انا هروح اشوف يوسف
- ههههههههه .. شكل قمر و انتى زى الفرولايه كده
- بضيق :- بس بقا يا مراد
