هو :- يخضع الجميع لى .. لا تكسر لى كلمه .. اتيت لأكسر دلالك و كبريائك .. ف مهمتى إخضاعك لأوامرى .. إجبارك على الخضوع لى انا .. فاعلمى انى امتلكتك ، ستكونين لي انا و بأوامرى انا
هى :- مدللة و كل ما أأمر به ينفذ .. لا تقلق عزيزى ، ف انا التى ستعشقها رغماً عنك .. سأمتلك قلبك بدلالى .. ف أنوثتى طاغيه لا يمكن لأحد بان يتحكم بها .. ف لنرى يا مغرورى .. هل ستكسر كبريائى ودلالى ام انا من سيكسر غرورك و اوامرك ؟!
# بقلم الكاتبه :- Rahma Reda
- خير يا حاجه جمعتينا كلنا ليه ؟!
- خير ان شاء الله يا ابنى .. انا جمعتكوا هنا علشان اقول انى طالبه ايد بنتك " نهله " ل حفيدى " مراد "
وقفت بصدمه و انا مش مستوعبه اللى بيحصل اصلا ...
و فجأه قولنا احنا الإتنين في صوت واحد :- نعم !!!
بصينا لبعض بصدمه و ....
- وانا بشاور عليه :- مراد مين ده اللى اتجوزه ! انتى يا نينا عايزانى اتجوز المتكبر المغرور ده !!
- وقف بعصبيه و قرب منى :- ما تحترمى نفسك يا بت انتى ! فى ايه هو علشان ساكتلك !!
- نينا بزجر :- بس يا مراد .. ايه اللى بتعمله ده
- انتى مش سامعه هى بتقول ايه !
خلونى الاول اعرفكم ...
انا نهله الشاذلى .. مدللة ، مغروره جداً .. أوامرى كلها بتتنفذ من غير ولا كلمه ..
المفروض انى حالياً عند آلاء زميلتى و اللى هى بردو بنت عمتى .. فرحها المفروض انه بكره و طبعاً احنا فى القاهره و هما فى الشرقيه .. جينا الشرقيه اول امبارح ..
و طبعاً خالد اللى هو زوج آلاء يبقى ابن اعز اصدقاء والدى .. فيلا خالد جنب فيلا آلاء بالظبط علشان كده اتعرف عليها و حبها ..
انهارده المفروض حفلة الحنه و الكل متجمع و اقصد ب الكل عيلة العريس و عيلة العروسه ..
نينا " هويدا " دى تبقى جدة خالد .. والدة والدته
و المتكبر المغرور مراد باشا ده يبقى ابن خال خالد .. مش هكدب عليكوا هو وسيم جدااااااا جدااااا يعنى .. حاجه كده سبه ممثلين بوليود .. اى واحده تتمناه ، بس مغروووور بدرجه كبيييييره اووى و متكبر .. هو اللى له الكلمه الاولى و الاخيرة ..
نينا بتحبه اوووووى اووووووى يعنى لإنه الباقى ليها .. والده توفى و هو ورث عنه الإمبراطورية دى كلها .. الكل بيخاااااف منه و بيحترموه و بيعملوله الف حساب ...
- انا مستحيل اوافق
- لو آخر واحده فى الدنيا انا مش هتجوزها
- نينا بحزم :- طب اقعد يا مراد و احترم وجودى
- بابا :- و انتى يا نهله اقعدى
قعدت بعصبيه و انا ببصله و هو كمان كان بيبصلى بغضب ..
- نينا :- دلوقتي انت ايه رايك فى الكلام اللى قولته ده يا محمود ؟!
