- آلاء :- هتيجى بكره ؟!
- لاء ، للأسف مش فاضيه
- ياسمين بتريقه :- ليه وراكى ايه يا وزيرة الدفاع ؟!
- بلاش خفه والنبى
- آلاء :- مش هتيجى ليه ؟!
- عندى شغل كتير بكره و مش هعرف آجى
- ياسمين :- بت بقولك ايه ،انتى عارفه ان كتب كتابى بكره وانا قايلالك قبلها بشهر ، متجيش بقا دلوقتي و تقولى عندى شغل
- هو حد قالك انى مش هاجى ! ما انا هاجى بس آخر النهار ، مش هعرف اجيلك من اول اليوم علشان شغلى
- ياسمين :- مليش دعوه اتصرفى .. دى مشكلتك انتى مش مشكلتى
- ياسمين مش وقت عند .. هو مش بمزاجى والله !
- آلاء :- طب ما تتصلى بمديرك و تقوليله ان عندك مناسبه مهمه بكره و عاوزه اجازة
- ما هو انا معرفش مين مدير الشركه اصلا
- آلاء / ياسمين :- نعم !!! يعنى ايه !
- آلاء :- امال بتشتغلى فى الشركه ازاى ؟!
- ما هو انا لما روحت اقدم فى الشغل مكانش المدير موجود .. قابلنى مدير اعماله اللى هو النائب بتاعه .. البشمهندس إبراهيم .. هو كان زميل آسر ابن عمتى و لما قدمت قبلنى
- ياسمين :- طب و المدير فين ؟!
- هو قالى انه سافر تركيا من 6 شهور لأنه فتح فرع جديد هناك و مش عارفين هيرجع امتى
- ياسمين :- انا كل ده ميهمنيش المهم دلوقتي تتصلى على بشمهندس ابراهيم و تطلبى تاخدى بكره اجازه .. و بما انه يعرف ابن عمتك و متوصى عليكى يبقى هيوافق ..
وافقت بعد إلحاح كبير من ياسمين و فعلاً اتصلت ب استاذ ابراهيم و طلب آخد بكره اجازه و هو وافق ..
- ياسمين :- كده تمام .. بكره الساعه 8 تكونوا عندى
- تمام يلا يا آلاء علشان منتأخرش
- ياسمين :- ليه ما انتوا قاعدين شويه
- آلاء :- لا كفايه كده .. انا اصلا تعبانه من كتر اللف اللى لفيناه .. همووت و انام .. يلا تصبحى على خير يا عرووووسه
- ياسمين :- و انتى من اهل الجنه يا قلب العرووسه
سلمنا عليها و كل واحده راحت بيتها .. انا طبعاً روحت غيرت و اتوضيت و صليت و عملت فنجان قهوة لإنى كنت لابسه النقاب طول النهار و بالتالى عملى صداع
شربت القهوه و قرأت ورد القرآن بتاعى و بعدها قومت نمت ..
صحيت تانى يوم صليت الفجر و قرأت الورد و لبست و فطرت و استنيت آلاء لحد ما جت و بعدها نزلنا ..
روحنا لياسمين و قعدنا معاها طول النهار و لما الساعه بقت 3 روحنا الكوافير معاها ..
بعد 5 ساعات العريس " يوسف " جه و ركبنا العربيات و مشينا على القاعه ..
هناك بقا بعد الزفه العرسان دخلوا و قعدوا على الكوشه و بدأت الحفله و الكل كان مبسوط ..
