- يا عمر ده مش طريق البيت وربنا
" عمر " بضحك :- ما انا عارف
- امال هتخطفنى !!
" عمر " اه يا اسيل هخطفك
- اشطاا .. المهم على مكان انا بحبه
" عمر " على مكان بتعشقيه يا حبيبتي
بعد ربع ساعة وقفنا بالعربيه قدام النيل ....
" عمر " يلا انزلى
- ايه ده بجد !! الله !!
نزلت بسرعه من العربيه ووقفت اتفرج على النيل زى ما بحب ...
" عمر " اسيل انا عاوز اقولك حاجة
- بصيتله باهتمام :- قول
" عمر " وبلا مقدمات :- تتجوزينى !!!
- بصيتله شويه و بعدين قولت :- اممم .. تمام موافقه بس على شرط
" عمر " ايه هو ؟
- تجيبلى مهرى كله شيكولاته
" عمر " موافق .. ومن بكره هبدأ اخزن كراتين عندنا فى البيت علشان بعد الجواز
- اشطااا .. هنروح للمأذون امتى ؟؟
" عمر " بذهول :- مأذون !!! مش لينا اهل نعرفهم يا هبله انتى ؟؟
- هههه كنت بهزر.. طبعاً هنعرفهم امال انت فاكر ايه ... يلا نروح علشان نقولهم
بعد ما روحنا .....
" هويدا " اتأخرتوا كده ليه يا شباب ؟
" عمر " عمتووو حبيبتى .. وحشاااانى خاااااالص والله
" هويدا " ههههه يا واد يا بكاش
" عمر " عمتو هو عمو حسام هنا ؟؟
" هويدا " ايوه لسه جاى من الشغل .. في حاجة ولا ايه ؟
" عمر " لا عاوز اتكلم معاه بس
" هويدا " طب تعالى معايا
دخلوا عند بابا و......
" عمر " ازيك يا عمو
" حسام " اهلا .. ازيك يا عمر
" عمر " الحمد لله يا عمو ... بص يا عمو بصراحه كده وبدون مقدمات انا طالب آخد بنتكوا
" حسام " بعدم فهم :- نعم !!! تاخدها فين ؟؟!
" عمر " ضرب راسه بخفه :- اقصد اطلب ايدها .. مش هما بيقولوا كده بردو ؟
" حسام / هويدا " ههههههههههههه
" حسام " بضحك :- ابوك وامك عارفين ؟
" عمر " فى ايه يا جماعة هو انا طفل !! ... اه عارفين .. يلا بقا قولوا موافقين علشان نتفق على الخطوبه .. ولا خطوبة ايه خليها كتب كتاب على طول
" هويدا " انا هتصل على نجلاء و اقولها ان ابنها اتجنن
" عمر " بابتسامة جانبيه :- المهم انكوا موافقين !!
" حسام / هويدا " موافقين
" عمر " الله اكبر ... الشربات يا عروووووسه
