- ايه اللى موقفك فى البلكونه فى الوقت المتأخر ده يا أحمد ؟
- هااا ؟ .. لا يا ماما مفيش .. كنت بشم شوية هوا .. روحى يا حبيبتي نامى يلا
- طب مش هتنام ؟
- هنام يا حبيبتي .. هنام اهو
ابتسمت له و خرجت من الغرفه مغلقة الباب خلفها ..
فور خروج والدته عاد للوقوف فى الشرفه ينظر الى تلك الواقفه تنظر الى القمر و النجوم ، و على شفتيه ابتسامة جذابة زادت من وسامته ..
دلفت الى غرفتها و اغلقت الشرفه ف دلف هو الآخر بعدها و اغلق شرفته ..
تنهد ببعض الراحه و قال ...
- نفسى اعرف سبب وقوفك فى البلكونه كل يوم فى نفس الوقت ده
خلد للنوم و على شفتيه ابتسامه حنونه ..
فى صباح اليوم التالي ...
- صباح الخير يا ماما
- صباح النور يا حبيبي .. تعالى افطر
جلسا على المائده و بدؤا فى تناول الفطور و ...
- احم .. ماما انا كنت عاوز اقولك على حاجه
- خير يا حبيبي
- خير ان شاء الله يا ماما .. بصى يا ماما .. عارفه لارا ؟ البنت اللى فى الفيلا اللى قصادنا
- اه .. ايوه افتكرتها .. مالها يعنى ؟
- ماما انا معجب بيها و عاوز اتقدملها
- بص يا ابنى .. البنت ما شاء الله عليها محترمه و مامتها ست كويسه جداً .. بس يعنى انا مش شايفاها زوجه مناسبه ليك
- ليه بتقولى كده يا ماما ؟!
- اسمعنى يا احمد .. انا عاوزه مصلحتك يا حبيبي .. لارا بنت متفتحه شويه .. كمان دى متربيه فى بلاد بره .. يعنى لا تعرف عيب ولا حرام .. انا مش بعيب فيها .. البنت كويسه و مشوفتش منها حاجة وحشه بس انت عارف يعنى هى قضت عمرها كله بره .. انت فاهمنى يا احمد ؟! .. كمان طريقتها شديده شويه و انت ماشاء الله عليك ليك شخصيه و شخصيتك قويه جداً ، متنفعش معاك واحده شخصيتها قويه .. كده هتخبطوا فى بعض و متبقاش حياة دى
- بس انتى ليه متوقعه ان ممكن لا قدر الله منتفقش !
- بص يا ابنى .. انا بحكم خبرتى الراجل بيبقى عاوز معاه الواحده الرقيقه الذكيه اللى تعرف تعمل اللى هى عاوزاه كويس بس بأسلوب الرقه و الحنيه مش العنف و الشده .. دى متبقاش عيشه دى .. انت يا ابنى مش هتستحمل واحده تكون ردها عنيف عليك و شديده معاك .. لا انت ولا اى راجل غيرك هيستحمل كده ... انت فاهم انا عايزه اوصلك ايه يا احمد ؟
- ايوه يا ماما
**************
- ممكن اقعد ؟
نظرت له ببرود و اعادت النظر للمجله التى بيدها مره اخرى وبيدها الآخرى ممسكه بفنجان قهوتها .. ابتسم احمد و جلس قبالتها ...
