- يادى الماركت والزحمه اللى هيجيبولنا المرض ... انا اجيب الايريال والشوكولاته واروح اغرق نفسى كحول ... الزحمه اللى هتجيبلنا المرض دى ... ايه ده انت تانى!!!
- سورى بس فى ايه !!! .. ايه ده .. انتى !!!
- هات العلبه دى بتاعتى
- بتاعتك ازاى وانتى لسه خاطفاها من ايدى اهووو
- وفيها ايه !! اصلا انا اللى باصلها الاول وكنت لسه هاخدها .. اسيبهالك كده عادى .. لا طبعاً لازم اخطفها
- انتى خطفتى قلبى الصراحه
- انت انسان مش محترم وقليل الادب ومعندكش ذوق .. وهات العلبه دى
اخدت منه علبة الشيكولاته وسيبته ومشيت ... قال خطفت قلبه قال .. هو حلو وقمر بس ... يووووووه بقا .. نسيت اجيب الايريال .. مش مهم .. انا هروح اجيب شيبسى وعصير وابقى ارجع اجيب الايريال
- لا بقا ده انتى ماشيه ورايا
- وانا همشى وراك ليه لامؤاخذه
- امممممم .. واضح جداً ان اهتمامتنا مشتركه ... بقولك ايه ... تتجوزينى !!
- انت شكل الحظر بوظلك دماغك خالص
سيبته وروحت عن الرف علشان اجيب الشيبسى لقيته جه بسرعه و ... خطف منى الكيس .. مكانش في غير الكيس ده
- هات الكيس بتاعى
- تتجوزينى !!
- بطل قلة ادب بقا وهات الكيس
- اتجوزينى وهسيبلك الكيس
- ده على أساس ان مفيش غيره !!
- هو فعلاً مفيش غيره
- اشبع بيه
- معرفتش رأيك
- فى آيه بتقول وادخلوا البيوت من ابوابها
بعدها بيومين جه هو وعيلته علشان يتقدموا .. انا طبعاً معجبه من زمان فوافقت .. وبعد خمس سنين .....
- بابا بابا .. هو انت اتعرفت على مامى امتى وازاى ؟؟
- فى زمن الحظر يا كاميليا
- هو يعنى ايه حظر يا بابى ؟؟؟
- اسأل مامى يا حبيبي
- مامى مامى .. هو يعنى ايه حظر ؟؟؟
- لما ابوك خطف منى كيس الشيبسى وعلبة الشيوكولاته .. وانا لحد دلوقتي مش مسامحه ... الا قولى يا يوسف .. انت ازاى كده تخطف منى كيس الشيبسى وتسيبنى امشى !!؟
- ميرا يا حبيبتي .. انتى لسه فاكره من خمس سنين !!
- طبعاً .. ودى حاجة تتنسى بردو .. انا لحد دلوقتي مش مسامحه !
- ماشى يا قلبى .. انا غلطان انى خطفت منك كيس الشيبسى وسيبتك تمشى .... ده ايه الجوازه العجيبه دى يا ربى !!!!
