اسكريبتات

حب من طرف واحد

- مش ناويه ترجعى ؟
- لو بيحبنى بجد هيغير من نفسه علشان يرضينى
- تفكيرك غلط يا مايا .. طب ما كده هو ممكن يبعد اصلا و يفكر انك مش عايزاه ساعتها هيبقى انتى الخسرانه .. انتى المفروض تقربى منه مش تبعدى عنه .. تاخديه فى حضنك و تحاولى تغيريه بس براحه .. البعد عمره ما هيغيره يا مايا
- ما انا قولتلك اهو .. ياسين لو بيحبنى هيحاول يرجعنى ليه
- طب و لو سابك ؟
- بحزن :- يبقى مش بيحبنى و حرام لما اجبره يفضل معايا وهو مش عايزنى
- انا مش فاهم انتى ليه غاويه تتعبى نفسك وخلاص !
- يا وليد انا حاسه انى بغامر لوحدى فى العلاقه دى .. حاسه انه مجبور عليا .. شوفت زى ما نكون راكبين فى مركب ماشيه فى البحر و انا لوحدى اللى بمشيها

*******************
- الو
- مايا مش ناوية ترجعى ؟
- انت اللى سيبت ايدى و بعدتنى عنك يا ياسين
- انا بس عاوز افهم انا عملت ايه لكل ده !
- لا انت عملت كتير .. لو مش عاوزنى سيبنى بس بلاش تجرحنى كده
- اجرحك ايه و اسيبك ايه ! ايه الهبل اللى بتقوليه ده ؟! مايا انتى عارفه من قبل ما نتخطب انى كده و ان ده طبعى و دى عاداتى ، متجيش دلوقتي بقا و تزعلى
- كنت فاكراك هتتغير و تنسى يا ياسين
- انا عمرى ما هتغير او أغير من نفسى علشان حد يا مايا
- حتى لو كان الحد ده انا ؟!
- حتى لو كان انتى
- هسألك سؤال .. انت بجد بتحبنى و عاوزنى فى حياتك ؟؟!
صمت قليلاً ثم تنهد بعمق و قال :- مش هكدب عليكى و اقول انى بحبك .. انا بحبك بس مش الحب اللى انتى عارفاه
- قصدك تقول مش الحب اللى انا حبيتهولك .. علاقتنا زى ما توقعت يا ياسين .. حب من طرف واحد
- مايا .. انا مقدرش اكدب عليكى .. هظلمك لو قلت انى بحبك .. انا اه بدأت اتعود عليكى و احبك بس حب عشرة ، بس ده مش معناه انك مش مهمه بالنسبالى
- بصوت مخنوق و دموع :- و انا مرضاش انى افرض نفسى عليك وانت مش عايزنى .. احنا لسه فيها .. لو ينفع اشوفك بكره للمره الأخيره و بعدها اديلك دبلتك و كل واحد يروح لحاله

*******************
- مايا .. انا آسف .. بس صدقينى ده مش بإيدى
- متعتذرش .. مش انت الغلطان ، انا الغلطانه انى سيبت قلبى يحبك و اتعلقت بيك و انا عارفه انك مش ليا
نظرت له بدموع حارقه تنساب على وجنتيها فوجدته ينظر لها بحزن و ندم .. ابتسمت له بحب و ...
- هو ممكن تاخدنى فى حضنك للمره الأخيرة ك وداع ؟!
ابتسم بحزن و سرعان ما اصبحت بين احضانه ...
ابتعدت عنه و خلعت محبسها ( دبلتها ) و وضعته فى يده .. امسكت يده و ضغطت عليها برقه..
- انا عايزه اقولك حاجه .. لما ييجى اليوم اللى تلاقى فيه شريكة حياتك المناسبه و تحبها بجد .. حافظ على الحب ده على قد ما تقدر و حاول متبعدش لأن وجع الفراق صعب اووى و الأصعب انك تنجرح من شخص عمرك ما توقعت انه ممكن يجرحك .. صدقنى وجع الفراق ده اصعب حاجة بتكسر عظام الصدر وجع ..
نظرت له بدموع و اومأ بحزن هو الآخر و ذهب كل منهم فى طريقه املا فى ان يجد الحب الحقيقي ...

# سألنى ... احدهم ؟
لماذا تحبيه كل هذا الحب وأنتى تعلمين انه لن يكون لكى ؟؟
فقلت له :- لماذا تتنفس وانت تعلم انك ستموت ؟!

# Rahma Reda