اسكريبتات

عوضنى الله بك خير زوج ♥

- حبيبتى اهدى بس ، متعمليش فى نفسك كده يا رقيه

- بدموع :- انا .. انا طلعت مبخلفش يا عز .. طلعت عاقر .. يعنى عمرى ما هبقى ام

- يا حبيبتي اهدى بس و انا بكره ان شاء الله هاخدك و نروح لدكتور تانى و اكيد فى حل ان شاء الله

- حل فى ايه بس ! بقولك عاااااقر .. يعنى .. يعنى .. انا اتحرمت من الامومه

فجأه لقيت امه دخلت و هى بتشردحلى و عاوزه تمسك فيا ...

- ناااااعم يا روح امك !! يعنى ايه مبتخلفيش !!! و انا ابنى ذنبه ايه يتحرم من انه يبقى اب ! انا قولت من الأول انك بت فقر و مفيش منك منفعه .. من يوم ما جيتى البيت و اتجوزتى ابنى و حياتنا بقت نكد .. ابوه مات و اخته اتطلقت و كمان مبتخلفيش ..

بصت ل عز و زعقت فيه بصوت عالى :- شوفت ! شوفت علشان تبقى تعصينى اوى .. كان مالها بنت خالتك يعنى ! مش احسن من الهانم اللى جبتهالنا ! من يوم ما دخلت البيت و هى عامله نفسها هانم و مبتحطش ايدها فى حاجه .. و كمان طلعت مبتخلفش .. اسمعى اما اقولك .. انتى تقومى تلمى هدومك و تمشى و ما اشوفش وشك تاااانى .. ورقة طلاقك هتوصلك فى بيت اهلك ، ايوه ما هو انا مش هجوز ابنى الوحيد لواحده مبتخلفش تحرمه من الأبوه و قال ايه عاملالنا فيها هاااااانم .. ايييه يا اختى انتى فاكره انك بعنيكى الملونه و لا ب بياضك و شعرك دول ملكة جمال ! فى أجمل منك 200 مره و احسن منك كمان

كل ده و انا بسمعها بدموع و من الصدمه مش قادره اتحرك ...

- قربت عليا و كانت لسه هتمسك فيا وقفت بسرعه و استخبيت ورا عز ..

- ايييه يا ماما اللى بتقوليه ده ! اللى بتتكلمى عليها دى تبقى مراااتى و عيب اووى لما تهينيها و فى بيتها كمان

- بيت ! بيت ايه يا اخويا .. انت هتطلق البت دى و تتجوز بنت خالتك .. ايوه ما اكيد اهلها كانوا عارفين انها مبتخلفش و لما شافوك اهبل و مدلوق عليها وافقوا .. انتى لسه هتبصيلى ! امشى انجرى لمى هدومك و بره .. ماشوفش وشك هنا تانى و ابعدى عن ابنى

- كفاااايه بقاا يا ماما .. كفااايه لحد هنا .. انا لحد دلوقتي محترمك لإنك امى .. لكن قسماً بمن رفع السما بدون عمد انتى لو مش امى و بخاف اعصى ربنا فيكى انا كنت وقفتلك و وريتك ازاى تتكلمى مع مراتى بالشكل ده .. و بعدين جواز ايه اللى بتتكلمى عنه ! و بنت خالتى مين دى اللى اتجوزها ! عايزانى اروح اتجوز واحده خانت اهلها و راحت اتجوزت عرفى و حملت ! ايوه ما انتى عايزانى اتجوزها علشان ادارى عليها ، صح !!

- بس اسكت .. ايه اللى انت بتقوله ده ! بنت خالتك دى ضفرها برقبة الهانم اللى ...

- عز قاطعها بحده و زعيق انا اول مره اشوفه متعصب كده :- اوووعى اسمعك تقولى كلمه عليها .. رقيه دى اشرف من الشرف و انا عمرى ما هتجوز بعدها .. مفيش غيرها هتبقى زوجتى و ام ولادى