اسكريبتات

زوجتى المنتقبه الحسناء

- يا رحمه حرام عليكى .. كفايه انا تعبت والله
- اهدى يا ياسمين ... خلاص خلصت اهو .. ماشاء الله عليكى يا حبيبتي .. قمر ربنا يحميكى يا روحى
- بجد حلوه !
- قمررررر
دخلت والدة ياسمين :- يلا يا ياسمين .. العريس وصل .. ارفعى نقابك يا رحمه
رفعت نقابى و احمد دخل اخدها وطلعوا وانا طلعت وراهم ... راحوا قعدوا على الكوشه وانا قعدت على تربيزه جنب احسان زميليتنا ...
- عقبالك يا رحمه
- ابتسمت من تحت النقاب :- الله يخليكى يا طنت
كنت مبسوطه جدا وفرحانه لياسمين .. انا دايما بعتبرها هى واحسان اخواتى مش مجرد اصحاب ... اتعرفنا على بعض ايام الثانوى .. وفضلنا اصدقاء الى الآن
- اطلعى يا رحمه ياسمين عايزه تتصور معاكى
اومأت بابتسامة وطلعت اتصورت معاها .. وانا نازله من على الكوشه كنت هتكعبل واقع .. طبعاً بسبب فستانى الطوييييل الوااااسع .. كنت هقع وفجأة لقيت شاب مسك ايدى وسندنى ... سحبت ايدى بسرعه وعنف وبصيتله بحده :- شكراً ، وسيبته ومشيت ... معرفش هو عمل ايه وفكر فيا ازاى بس انا كنت متضايقه جداااااا انه مسك ايدى
" احسان " سألتنى :- مالك ؟؟؟
- بضيق :- مفيش
" احسان " شكلك متضايقه .. ايه اللى حصل؟؟!
- بضيق :- واحد متخلف مسك ايدى .. استغفر الله العظيم .. يا رب انا مكانش قصدى والله انه يلمسنى ويمسك ايدى
احسان بصيتلى بذهول وعدم فهم
- كنت هقع وهو مسك ايدى وسندنى
" احسان " بقا هو ده اللى ضايقك !! .. عادى يا حبيبتي .. استغفرى ربنا .. هو مكانش يقصد يمسك ايدك يعنى يا رحمه
- استغفر الله العظيم .. استغفر الله العظيم
خلصت الحفله وانا قعدت مع ياسمين شويه وروحت .. من كتر التعب نمت على طول
صحيت تانى يوم وافتكرت الموقف البايخ اللى حصل فى الحفله امبارح .. استغفرت ربنا كتير على اللى حصل وقمت اتوضيت وصليت ركعتين وطلبت فيهم ان ربنا يسامحنى على اللى حصل .. انا مكانش قصدى
- رحمه .. احسان اتصلت وبتقولك اجهزى يلا علشان هتعدى عليكى تروحوا الشركه سوا
- حاضر يا ماما
قمت لبست و لما احسان وصلت رنت عليا .. نزلت ركبت معاها ومشينا
- خلصتى تصميمات الحمله اللى معاكى ؟
" احسان " لا لسه .. فاضل معايا كتير .. يعنى كمان اسبوع كده هخلصها ، وانتى ؟
- خلصتها وهسلمها انهارده للمطبعه
" احسان " على خير .. يلا وصلنا
نزلنا ودخلنا الشركه وكل واحده راحت مكتبها
- استاذ شريف .. حضرتك انا خلصت تصميمات الحمله اللى معايا .. وكنت عايزه آخد رأي حضرتك فيهم قبل ما اسلمهم للمطبعه
" شريف " بابتسامة :- من غير ما اشوفهم .. انا واثق فى شغلك .. انتى من احسن الديزاينر اللى عندنا
- ميرسى يا فندم .. هستلم الحمله الجديدة امتى ؟؟
" شريف " تقدرى تستلميها دلوقتي
- شكراً يا فندم .. عن اذن حضرتك
" شريف " اتفضلى
خرجت استلمت شغلى وروحت مكتبى .. بدأت اشتغل واصمم على الكمبيوتر مستنيه مدير الشركه او اى حد تبعهم يجى يقولى على المواصفات وشكل التصميم .. بعدها بساعتين لقيت باب المكتب بيخبط .. بسرعه رفعت نقابى وقلت :- اتفضل
فتح الباب ودخل شاب .. انا بسرعه غضيت بصرى وقلت :- لو سمحت سيب الباب مفتوح
ساب الباب ودخل قعد على كرسى قدامى .. طبعاً مبصيتش ليه ولا كنت اعرف هو مين ده ..
- انا البشمهندس طارق عبد العزيز .. مدير الشركه اللى حضرتك ماسكه الحمله بتاعتها حالياً
- آآه .. اهلا وسهلا يا فندم
اخدت ورقه وقلم ومديت ايدى ليه :- اتفضل يا فندم .. اكتبلى المواصفات اللى حضرتك عايزها
أخد منى الورق وبدأ يكتب المواصفات ويشرحهالى
" طارق " لو فى models هيبقى اجمل
- للأسف انا مش بحط صور او models
- ليه !!
- سورى يا فندم .. دى طريقة شغلى .. لو حضرتك مش عاجبك تقدر تشوف ديزاينر غيرى ، فى ديزاينر كتير هنا وموهوبين وشغلهم ممتاز جدا
- اوك .. بلاش models .. اتفضلى
مد ايده ليا بالورق واتفاجأت .. بتلقائيه بصيتله لقيت ... معقوله !!!! بصيتله بصدمه  ايه ده .. ده نفس الشاب اللى مسك ايدى فى خطوبة ياسمين
قمت وقفت بحده :- تمام يا فندم .. الشغل هيخلص خلال عشر ايام .. تقدر حضرتك تتفضل
" طارق " بصلى بدهشه وذهول وقام وقف :- تمام .. معرفتش اسمك !
يهمك فى ايه يا بايخ .. ااااه انا كان نفسى اخنقه
- رحمه
- ابتسم ومد ايده علشان يسلم :- اتشرفت
- سورى مبسلمش
- اوك .. ممكن رقم تليفونك !!
- بحده :- افندم !!!!!
- لا مش قصدى .. انا بس عايزه علشان اعرف اتواصل معاكى .. يعنى لو عوزت اغير حاجة فى التصميم
- حضرتك تقدر تبعتلى على جروب الشركه
- اوك ماشى
بجد .. انا كنت متضايقه .. ايه حقى ، طبعاً مينفعش اى حد يمسك ايدى .. بصفته ايه ! .. بس هو كان عايز يساعدنى .. يعنى لو كنت وقعت واتبهدلت .. بس بردو ميصحش .. يوووووه بقا .. انا تعبت .. ركزى يا رحمه فى شغلك بدل ما تطردى انهارده بسبب طارق
عدت الايام و طارق طبعاً بقا زائر يومى عندى فى المكتب بحجة الشغل والورق .. طلع عينى ربنا يسامحه .. كل شويه يغير فى التصميم .. طبعاً وهو فارق معاه ايه .. انا اللى بتعب وبشتغل .. الله يسامحك يا طارق ... عرفت من خلال الفتره اللى اشتغلت معاه فيها انه بجد انسان محترم .. مش هقول حبيته علشان ميبقاش حرام عليا .. انا بس يعنى .. اعجبت نوعاً ما بشخصيته .. متدين شويه .. كلامه لطيف واسلوبه كيووت... بس بقااا .. كده حرااام .. استغفر الله العظيم
- انتى ليه بتتكلمى معايا ناشف كده ؟ .. بصراحه انا مستغرب .. انا مفيش اى حاجة بينى وبينك علشان تعاملينى كده
- سورى .. بس دى طريقة كلامى .. بلاش كلام بقا وخلينا نركز فى الشغل
يعنى تاعبنى معاك ومطلع عينى وكل يوم تغير حاجة وفى الآخر جاي تقولى طريقة كلامك !! .. ليه .. عايزنى اتكلم ازاى الاستاذ المحترم .. ربنا يسامحك يا شريف .. ايه اللى خلاه يدينى الحمله دى
- رحمه .. بابا عايزك فى مكتبه
- حاضر يا ماما
روحت عند بابا :- حضرتك عايزنى يا بابا !
- ايوه يا بنتى .. انهارده جالك عريس
- بصيتله بتوتر :- بابا .. انت عارف انى ...
- اقعدى معاه بس .. متحكميش من دلوقتى... لو..
- يا بابا انت عارف انى رافضه الموضوع اصلا .. انا عايزه واحد ياخد بايدى للجنه .. يساعدنى على الطاعه وعبادة ربنا .. مش واحد من بتوع اليومين دول
- طب اقعدى معاه الاول وشوفيه
- باستسلام :- حاضر يا ماما .. هو هييجى امتى ؟
- بكره
اومأت بحزن واستسلام ودخلت اتصلت على ياسمين واحسان وعرفتهم علشان ييجولى بكره من اول النهار .. فرحوا جدا .. انا مش رافضه علشان حاجه .. انا اصلا مش عارفة ان كنت هبقى قد المسؤولية ولا لاء .. بمعنى اصح خايفه بل مرعووبه .. فكرة انك تبقى بتهتمى بنفسك بالعافيه و فجأة تبقى مسؤوله عن زوج وبيت و بعدها اولاد .. حاجه اصلا فى حد ذاتها ازعاج .. لما يكون فى شخص مشاركك حياتك و بيتدخل فى كل تفصيله فى حياتك .. اعملى ده ومتعمليش ده .. انا نوعى اصلا مش بحب حد يؤمرنى
- الو .. ايوه يا ست رحمه .. صحيتى ولا لسه ؟
- ياسمين .. الساعه لسه 7 ونص هصحى من دلوقتي ليه ؟
- قومى يا بت وبلاش دلع .. يلا علشان هعدى عليكى كمان ساعه كده انا واحسان
- اهدى بس كده وصلى ع النبى .. الجدول بيقول ان انهارده اجازه من الشغل ومفيش خروجات .. ايه اللى هيصحينى بدرى كده !!
- لا بجد انتى مش عارفه انهارده فى ايه !!
- لا .. فى ايه ؟؟
- فى رؤيه يا آخرة صبرى .. قومى يلا
قمت و جهزت و قعدت استنيت الهانم .. زى ما تكون هى العروسه مش انا .. ده انا نفسى مش مهتمه زي ما هى مهتمه كده ..
- يلا قومى اجهزى الناس على وصول
- اييييه .. بس استنى .. ايه اللى فى ايدك ده ؟
- آيلينر
- آي ايه ؟؟؟
- اكتمى انتى وملكيش دعوه
- لا يا ياسمين .. انا مش هحط البتاع ده
- احسان :- طب حطى كحل طيب
- لا انا كده حلوه
دخلت ماما .. :- يلا يا رحمه علشان عايزينك
ياسمين :- بصى متتوتريش وشيلى الصينيه كويس وبصى قدامك وفى نفس الوقت متبصيلهمش .. معرفش ازاى بس اعملى كده .. يلا
رفعت نقابى ولسه هخرج ...
- انتى هتخرجى كده !!
- ايوه
- ازاى .. وهو هيشوفك ازاى ؟؟؟
- لا طبعاً هو مش هيشوفنى .. دخلى والدته تشوفنى لكن هو لاء .. لما نبقى نكتب الكتاب يبقى يشوفنى
- ياسمين :- ازاى بس يا رحمه .. ايه الكلام اللى بتقوليه ده !!!
احسان :- بصى نزلى النقاب .. دخلى الصينيه واخرجى على طول .. هو مش هيلحق يشوف حاجة اصلا بس ..
- لاء يعنى لاء
ماما :- يعنى ايه !!!
- انا قلت اللى عندى .. هتدخلى والدته اوك .. غير كده هفضل هنا ومش هخرج وعنى ما اتجوزت
اتنهدت باستسلام وخرجت ... ايه ده .. يعنى مش كفايه انى معرفهوش .. كمان عايزينى اطلع قدامه من غير نقاب ؟!!
دخلت والدته وشافتنى وبعدها طلعت اخدت الصينيه ودخلتها .. عينى فى الأرض و قعدت جنب بابا
- طيب نسيبهم شويه مع بعض
قاموا قعدوا بعيد عننا شويه وانا لسه باصه للسجاده... مش عارفه مين اللى قاعد قدامى ده ..
- مش هتنزلى النقاب !! ..عايز اشوفك
اول ما سمعت الصوت اتصدمت .. لا لا مستحيل يكون هو ... رفعت عينى ببطئ .. معقوله .. طارق !!! يااااربى .. انا اتمنيته بقلبى .. كنت بصلى وفى مل سجده بدعى انه يبقى ليا
- مش هتورينى !!
- بغباء :- اوريك ايه ؟!!
- وشك .. عايز اشوفك
- بصيت للأرض :- مينفعش
- ليه !! انا ليا انى اشوفك من غير النقاب مره واحده فى الرؤيه
- متستعجلش .. بعد كتب الكتاب يجوز ليك انك تشوفنى
- ابتسم :- طب مش هتبصيلى !!
- .........
- سكوتك حلو
- طارق .. بس
- وكلامك حلو .. وصوتك احلى
- قمت وقفت بحده :- طارق لو سمحت .. مينفعش اللى بتعمله ده
- ابتسم بلطف :- خايفه منى ليه !!
- بصيتله بدهشه و توتر :- مش خايفه
- بابتسامة عذبه :- اقعدى
قعدت وانا بفرك ايدى بتوتر ...
- مقولتليش .... خايفه منى ليه ؟
- قلت مش خايفه
- عارفه خوفك ده يعنى ايه !! .. يعنى انى لو اخدت خطوه وقربت منك هتحبينى
- طارق .. عارف لو مس....
قطع كلامى انه وقف وقرب قعد على كرسى جنبى
- بصيلى
- .......
- خايفه من ايه! ... انا امانك .. اتكلمى
- الحب
- الحب !!!
- ايوه .. خايفه من الحب .. خايفه من الجواز نفسه .. خايفه آجى فى نص الطريق واقف ومقدرش اكمل .. خايفه مكونش قد المسؤولية .. انت مش خايف ؟؟
- مرعوب
- والمفروض انك كده بتطمنى !!
- عارفه مشكلتك ايه .. انك فاكره انى عايزك لأغراضى الشخصية ..عايزك تملك .. انتى شايفه ان انتى لوحدك اللى خايفه .. متعرفيش انى خايف اكتر منك .. عارفه انا كنت بدور على انسانه تشاركنى احزانى قبل افراحى .. انسانه تكون عارفه ربنا وتاخد بايدى للجنه
- ولقيتها ولا لسه ؟؟
- ابتسم :- لقيتها بس عايز اعرف رأيها فيا .. انتى ايه رأيك ! هتوافق تكمل معايا حياتها !
- طارق انا مش عايزه اغضب ربنا .. خلى ربنا يباركلنا
- افهم من ده انك موافقه !!
- ايوه .. انا مش شايفه فيك حاجة تخلينى ارفض
- مش فاهم ....
قطع كلامنا دخول العيلتين .. بلغتهم موافقتى واتفقوا ان الخطوبه هتبقى مع كتب الكتاب بعد أسبوعين
قضينا الاسبوعين دول من غير كلام ولا مقابلات ولا خروجات ولا الكلام الفاضى اللى يغضب ربنا بتاع اليومين دول ....
- مش هتنزليه ؟
- هو ايه ؟؟
- النقاب
- لاء
- ليه !!! خلاص بقيتى مراتى
- لما ابقى فى بيتك يا طارق
- بس انتى دلوقتي مراتى وليا كامل الحق انى اشوفك .. وانا حالياً بطالب بحقى
- طارق .. بس
قام وقف وقرب قعد جنبى :- خلاص .. انزله انا .. طالما انتى مكسوفه
مد ايده ولسه هيشد النقاب قمت وقفت بسرعه .. مسك ايدى وقام وقف قصادى ومد ايده نزل النقاب .... كنت محرووجه اووووى ومتضايقه جدا منه
ابتسم بشدة :- ما شاء الله .. انتى جميله اوووى .. حسناء
بسرعه رفعت نقابى وبعدت عنه ...
- بحبك
- وانا مش بحبك
- وقف قصادى وبصلى بزهول :- نعم !!!
- زى ما سمعت
- يعنى ايه !!!
- لما تبقى ليا ساعتها هحبك براحتى ... لكن دلوقتي لاء
- مش فاهمك .. احنا كتبنا الكتاب و بقيتى مراتى .. يعنى ملكى .. كمان حطيت دبلتى فى ايدك .. كده مش ليكى ؟؟!!
- لاء .. مش معنى انك حطيت دبلتك فى ايدى انك كده بقيت ليا ... لما ابقى فى بيتك ساعتها هقدر اقول انى بحبك .. وكفايه بقا فتنه وقلة ادب ويلا نطلع
- انتى غريبه اوووى
- حلوه ولا وحشه ؟
- بشكر ربنا انه رزقنى بواحده زيك
- ابتسمت :- مفيش احلى من الحلال يا طارق ... هو ده اللى اقدر اسميه حب بجد .. هو ده اللى طعمه حلو .. الحلال اللى ميغضبش ربنا
- ده ايه يا ربى ده ... منتقبه وحسناء فى وقت واحد
- بس بقا
- مكسووفه
- طارق .. بطل بقا
- خلاص انا آسف
- لا متعتذرش
- بحبك
- لا مهو انا مش بقولك متعتذرش علشان تقولى بحبك
- بحبك وبموووووت فيكى
- يا طاااارق
- عيونه
- اتلم يا طارق وبطل قلة ادب
- مااشى .. بس بردو بحبك
- صبرنى ياااارب
ياسمين دخلت :- انتوا بتعملوا ده كله !!! يلا علشان عايزينكوا بره
طارق :- اما انتى عليكى اوقاااات .. تجنن .. المفروض نسميكى مفسدة اللحظات الرومانسيه