عشق الذئب

مناقشات

القمامير اللي واخدين قلبي بكل تصرف ليهم ❤
نتناقش بقى ف أحداث الرواية لأن قربت تنتهي ف حبيت أوضح كل سؤال ليكم أو تفكير خطرلكم وأنتم بتقرأوا حاجه ل نكدوو هانم اللي هي أنا 😂😂

الموت :- حاجة كدة لا مفر منها مكتوب علي الجبين ومحتوم طبعا ليه وقت وشخص محدد يعلمه الله سبحانه وتعالي فقط لا غير .. الفرح بنخطط ليه ونحدده إنما الموت لا

وفاة أهل دياب التلاتة مرة واحده حاجة طبيعية مية ف المية وبتحصل كتير جدا
علي سبيل المثال :- الثلاثة شباب في العشرينات اللي توفوا في حادثة مرة واحدة وكانوا الوحيدين لأمهم ... بصوا قهرة لا متناهية

نيجي بقى ل نوڤيلا يكفيني يا عيون
طبعا لقيت بنات بتقول نهايتها ليس لها علاقة بالواقع ، اللي قال ليليان أنتحرت وكده هتخسر دنيتها وأخرتها ، اللي قال هو في إنسانة طبيعية تقتل جوزها ... أنا معاااكم ف كل اللي قولتوه بس توضيح

ليليان :- أولا منتحرتش ولا أنا ذكرت حتة أنها أنتحرت دا تأليف من القاريء مش مني ... حد يجبلي الحته اللي أنا قولت فيها حرفيا ليليان أنتحرت ..

قتلت مراد بقى .. ليليان من الشخصيات الضعيفة أوفر شافت جوزها بيتألم ألم لا نهائي هي مكنتش عارفه تتصرف ولا تعمل حاجه اللي جيه في بالها المعني الحرفي للراحة بالنسبة ليها

الموت كده كده مكتوب علي الجبين ودي كلها أسباب الله أعلم إن كانت فعلا قدرت تموته ... ولا هو مات قبل ما هي تعمل كده ... هنا بقى مش كل اللي نشوفه حقيقة أحيانا العين بتكدب

ليليااان مااتت موته ربانيه مش إنتحار

مراد :- فتى الأحلام هو أتحمل منتحرش محدش يقولي مصبرش ليه ... أزاي مصبرش هو منتحرش هو كان بيتمني الموت بس منتحرش أستحمل بقدر ما يستحمله أي واحد ف وقتنا الحالي وأكتر

************************************

بالنسبة ل عشق الذئب
ف واحدة قالت ف كومنت "ليه بتخلي كل الشخصيات أو الأبطال لا أتذكر سيئه " ... إجابتي هاتيلي شخصية سيئه من الأبطال ؟!

شجن :- شخصية مسالمه إلي أبعد الحدود
شجن هي كل واحده عدت العشرين ومخلصه دبلوم مثلا أو ف قرية ريفية ميه ف المية ولا اتجوزت ولا أتخطبت وأُطلق عليها لقب بايرة ..
شجن هي كل بنت حاسه بنقص بسبب غيرة أصحابها منها ف يطلعوا فيها عيوب
غالبا كل واحده بنسبة 90 % كانت شايفه نفسها شجن ف عملت أيه بقى ... قعدت شجن تعمل كده لا متعملش كده ... كانت بتحاول تصلح عيوبها اللي شبه شجن ف شجن تمام

دياب :- شخصيات يعتبر في عصرنا ده نادرة جدا كل اللي بيحصلها بترضى بيه ... وفاة أهله تعليمه اللي راح هدر صاحبه اللي كان أقربله من نفسه حبيبته بس هو فضل إنسان إيجابي مستني السعادة اللي هتغمره ... هدوءه وصبره اللي بيتحكموا فيه
شخصية نادرة بس موجوده

أحمد :- فتى الأحلام الرزين الهادي البارد العصبي الغيور والناضج ... شخص عارف بيعمل أيه ومش متصرع أنا ك سماء شايفه أنه أبدا مغلطش في حق شجن الغلط البشع لأن غيره كان مجرد ما أعجب ب واحده "براء" هوباا أنا اتجوزت شجن ف ظروف مسرعه يلا أتجوز عليها ما هي عارفه ظروف جوازنا ... أحمد معملش كدة ... أحمد مش شخصية سيئة كما يري البعض

آروي :- سوء تربية بيخلينا ناخد مقلب ف نفسنا وأحنا ولا حاجه أو مثلا يخلينا كنا حاجه وبقينا نشوف كل اللي قدامنا أحسن مننا ف نبدأ نتعامل أنه مثلا لا أحنا الأحسن
م الآخر كلمة للأهل :- الدلع الزايد وحش جدا والشدة الزايده أسوأ بمراحل ... الأفضل نساوي بين الأبناء وكذلك نساوي ف التربية

آنور :- الباد بوي عصبيته بتتصرف قبل عقله بتاع بنات أما بيعاقب بيبقى بتهور ... بيدور علي النقص ف مراته ف الناس عشان يكمله ... أيده ليها مكانة قوية ف حياته م الآخر معظمة عيوب
متجيش بنت مراهقه تقول دا فتي أحلامي ولما ربنا يرزقها بيه تقول لا مش عايزاها ... اللي بيحب مش بيغير بل بيتغير وبيحب العيوب قبل الميزات
آنور لما بيحب بيحب بغباء عشان كده بيتهور

آثير :- دي مش سوء تربية دي إهمال والدين وحب بغباء ... مكتوب كتابي يبقى جوزي لاء غلط هو مش جوزك جوزك ف لما تروحي شقتك إنما ف بيت أهلك يبقى مش جوزك
حبيتي تبقى أد الحب الحب مش لعب عيال ولا وقت أما يبان علي حقيقته أقول لا مش عايزاه
وكمان أنتشر حته إن واحده تحب زميلها ف الجامعة وتروح بيته وممكن تخسر نفسها ... دا يا جمااعه مش دلع ولا شدة دا إهمااال
كلمة للوالدين :- الإهمال والأهتمام الزايد جدا جدا هيخسروكم أولادكم محدش يرخي الحبل أوي ولا يشده أوي

أسامه :- طبعا دي شخصية بنسبة 100 % حقيقية وموجوده .. حوار إن واحد يحب واحده يروح ياخدها غصب عنها يتجوزها دي نادرة وبتبقي تهديد غير كده ف الروايات
طبعا شباب كتيره بيتجهوا لطريق غلط لأن بيبقى الحب بالنسبه ليهم الحياة ومعني أنه يروح خلاص حياته سوده وهاتك يا مخدرات يا سرقه يا بلطجه
طبعا الناس دي جواهم شخص جميل جدا شخص خساره ان حد يخسرهم لأنها نعمه وحاجه نادرة قلبهم ذي الطفل التايه ي ريت اللي يلاقيهم يبقى مأواهم وميخلهمش يوصلوا ل مرحلة أسامه

فاطمة :- حرفيا شخصية جميلة جدا برغم إن البعض شايفها مش كده ... هي ربت ابنها تربية صالحه ولما لقت أن الحب بدأ ياخده ف طريق غلط بدأت تبعد الطريق الغلط ده

سماء :- وربنااا أنا مرحة من جوايا بس مباخدش فرصتي 😂😂
ومعدتش هتعمل رواية ليفل النكد عالي كده مع أن والله حاسه أنكم أوفرتوا سيكا والنكد مكنش يعني اللي هو 🤔😉😂
وبتحبكم جدا

*****************
كدة أتكلمنا عن كل شخصية شوية وأتمني يكون الكل فهمهم واللي عنده سؤال يتفضل .. نقد يتفضل .. ملحوظة يتفضل
وأخيرا أحب أقولكم بحبككككم ❤