عشق الذئب

الفصل التاسع وعشرون

وقفت تسند ظهرها إلي صدره بعدما أنتهت من الصلاة معه فقد كان إمامها ... كانت تنظر لأعلي وانفاسها مضطربه من شدة توترها ليزيد هو من ضمها ويدفن رأسه بثنايا عنقها

آروي : ماما فاطمه مشت ليه

دياب بهدوء : تقريبا عايزه تسيب لينا مساحه بس قالتلي انها عايزه تقعد كم يوم مع خالتي واهو منه تغير جو وكلام كده مدخلش دماغي

آروي بضيق مصطنع : وانت دماغك اليابسه دي بيدخلها حاجه

مرر انفه علي وجنتها هاتفا : انت يا باشا دخلت دماغي وقلبي كمان

ضمت شفتيها لتبتسم فجمع شعرها جنبا ليلثم عنقها بقبلاته المشتاقه هاتفا بين انفاسه المضطربه : متخافيش مش هقربلك

عقدت حاجبيها ليبتعد قائلا : ذي ما قولت

تحدثت بإندفاع غير مقصوده : ليه ان شاء الله

وضعت يدها علي فمها واشتعلت وجنتاها خجلا لتعلو قهقهاته فاقتربت تضربه بقبضتها في صدره

آروي بغيظ : اسكت يا بارد متضحكش ... بس بقي .. اووف كفايه يا دياب

توقف عن الضحك ليجدها عابسه فقرص وجنتها قائلا : في اليوم اللي هتفتكري فيه الماضي كله لو وقتها جيتي وقولتي ليا يا دياب مستعده اكمل معاك وقتها بس هتكوني مرات قولا وفعلا وهنبدأ صح

آروي بأعين تضيق : اصدك ايه ... احنا بدأنا غلط

دياب نافيا : مش بالظبط بس الغلط اللي بجد اني اقرب منك يا آروي وانا عارف ان اهم جزء في حياتك نسياه

آروي : وايه اللي هيتغير يا دياب يعني لو جيت بعدها وقولت طلقني هتضحي بيا وتطلقني

مرر يده علي وجنتها اليسري ليميل ويقبل اليمني : تؤ انا عارف آروانتي علي ايه وبتحبني اد ايه دا اولا ثانيا لو حصل فعلا هخليكي تحبيني تاني وتالت وعاشر

اتسعت ابتسامتها لتتفهم مقصده فيكفيها ان تظل بحضنه حتي لو للأبد

فلاش بااك
تحدث دياب مع أحمد فيما يخص حالة آروي وانه يمكنه الزواج منها ام لا وهل يصح زواجهم ام لا

دياب بجديه : مش عارف خايف اكتب كتابنا ويبقي حرام لأنها مش فاكره حاجه وفي نفس الوقت صعب اضيعها تاني من ايدي

أحمد مررا يده بخصلاته : متقلقش انا كنت سألت شيخ بخصوص آروي وقال لو انها هتفضل فتره غير محدده ناسيه يبقي تتجوز وتكمل حياتها انما لو في امل تفتكر بسرعه يبقي الأفضل نستني لما تفتكر ف عادي لو اتجوزت لأن حالة آروي مش فقدان ذاكره دا شرود هيستيري

دياب بإستغراب : ايه ده

أحمد بتنهيد : دا مرض نفسي يا دياب آروي لو فقدت الذاكره فعلا مكنتش خرجت من بيتنا لما حصل اللي حصل انما هي خرجت وبعدت اوي هربت من الواقع وحتي الآن بتهرب منه هي بس اللي تقدر تساعد نفسها انها تفتكر متشغلش بالك انت