عشق الذئب

الفصل الثاني عشر

في القطار الذي يتجه للشرقيه
كان يجلس به والرعب يحتله وهو يتذكر كلمات الطبيب له

دياب برعب : طمني عليها يا دكتور

الطبيب : الحاله متأخره جدا والأفضل تنقلها ل مستشفي خاص يا دياب تعمل ليها العمليه هنا مش هنقدر نعملها حاجه

دياب : خاص طيب انقلها ازاي

الطبيب : هننقلها احنا بس نقلها مكلف

دياب بلهفه : مش مهم المهم ينقذوها

الطبيب : انا ممكن اكلملك حد من مستشفي الشافعي وهي مستشفي مضمونه تقدر تدخلها وهيعملولها اللازم في اسرع وقت

دياب : متشكر يا دكتور واسف لو هتعبك

الطبيب : بص يا دياب هعرفك من الأول عملية مراتك تمنها غالي اوي ويدخل في اكتر من نص مليون غير العلاج

دياب : مش مهم الفلوس المهم حياة آروي معلش يا دكتور انقلها وانا هجيب الفلوس

اومأ بتأكيد وهو يربط علي كتفه فهو يعرف انه صديق مراد الذي يعتبر اخ الدكتور أحمد زميله الذي غادر القاهره واستقر بمدينته ومن لا يعرف مراد صاحب الضلعين احدهم أحمد والآخر دياب اكثر اثنان يغضبان من بعضهما لأجل رفيق دربهم وهو مراد

نعود للوقت الحالي
وحين توقف نزل منه وجري متجه الي منزل عمه حتي وصل ليجده يستقبله افضل استقبال

العم بفرحه : اهلا اهلا بالغالي ابن الغالي

دياب وهو يبتلع ريقه : ازيك يا عمي

العم : كويس الحمد لله يا ابني ازيك انت

دياب : مش كويس يا عمي ممكن نخلص في معاملات الأرض بسرعه

العم : في ايه يا دياب ليه عايز تبيعها دي يا ابني سند في الضيقه وانت الوقتي انا عارف حالك ماشي

دياب : بتروح مني يا عمي ولازم اعملها العمليه لو راحت انا هموت وراها المره دي هتبقي صعبه اوي ساعدني يا عمي وبيعها ليا بسرعه

العم بحنيه : خد الفلوس يا دياب وسيب ارضك بدل ما تقطع الخير اللي جاي منها خليه شغال

دياب : معلش يا عمي الظروف تحكم صرفها ليا عايز الوقتي فلوس

العم : طيب هبيعلك نصها واكملك عليها

دياب : لا يا عمي متزعلش مني كفايه جمايلك اللي مغرقاني وبتزرعها ومببتكلمش ولا بتطلب مني حاجه خلاص قررت ابيعها

العم بتفكير : اقولك انا هشتريها منك ولما تجيب حقها خدها تاني ماشي يا ابن الغالي

فكر قليلا ليردف : ربنا يسهل

وبالفعل اعطاه العم المال ومضي دياب عن التنازل ليعود في نفس اليوم للقاهره متجه الي المستشفي الخاص الذي نقل فيها آروي لسوء حالتها