عشق الذئب

الفصل الواحد وعشرون

كانت تجلس وتهز جسدها وعقلها ليس بها تفكر وتفكر وتفكر حتي اصبح هذا التفكير يخنقها تدريجي

خبطت رأسها يبداها لعلها تفيق من ذلك السم الذي يتدفق برأسها لتجد الباب ينفتح وتقف تلك بحالتها التي يرثي لها

تحدثت شجن بعدم تصديق : آثير

اغلقت آثير الباب واتجهت لشجن تجلس امامها وتسمح لدموعها بالإنسياب

شجن وهي تمسح دموعها : مالك يا حبيبتي والله ما في حاجه تستاهل الدموع دي ولا حتي آنور بكره يفوق علي نفسه ويندم ووقتها علميه الأدب وانا اللي بقولك اهو

زاد بكاء آثير لتحضنها شجن ولم تعاتبها ولا تخبرها انها حذرتها فهي تعلم حساسية حالتها

آثير ببكاء مرير : طلع حقيقه يا شجن آنور مبيحبنيش هو قالي مش بيحبني يا شجن بسببك بسببك يا شجن

وبعدت شجن وهزتها وهي تصرخ : بسببك يا شجن مش بيحبني سنين وانا بحاول اكسب قلبه وانتي كسبتيه في شهور ليه يا شجن ليييه

عقدت شجن حاجبيها تبدأ الإستيعاب لتتسع اعينها وتنساب دموعها بصدمه

هتفت بعدم تصديق : ايه

آثير بصراخ : حتي انتي حذرتيني منه يا شجن انتي قولتيلي آنور مش ليكي مش هيسعدك وانا مسمعتش حد انا غبيه دمرني جاي يقولي انه محبنيش جاي يقهرني يا شجن

حسنا أحمد لم يواجهها حيث انه هكذا يحاول عدم جرحها اما آنور فقد ... اخبرها

اكملت آثير بجنون : قتلني يا شجن بسكينه بارده دمرني خاد حقك مني خده بطريقه انا متمنهاش لعدوي ارتحتي يا شجن الوقتي حقك اتاخد خلاص

احتضنتها شجن بقوه وبكت علي بكائها اما آثير فصرخت ببكاء محاوله تخفيف الم قلبها لتردف : حبيته وبحبه اوي يا شجن جيه ليا يقولي مش بيحبني ولا بيحبها وبيحبك ... ربنا كبير اوي يا شجن خاد حقك بالطريقه الصح ... عمري ما شكيت فيكي يا شجن كان دايما عندي احساس انه هيبصلك لأنك مثاليه كنت دايما اجرحك عشان احاول اخرج كبتي ووجعي اللي جوا ... سمعت كلام موده لأن انا كنت حساه قبل ما تقول كنت باجي عليكي عشان اخفف اي وجع جوايا عارفه اني وجعتك كتير بس كان غصب عني

هتفت شجن بصدق : عمري ما اشتالت منك عشان اسامحك يا آثير

وهل بعد ما قالته شجن لا يعطي عذر ل آنور انه احبها ؟؟

رفعت شجن رأسها بين يديها تمسح دموعها بإبهاميها : فوقي ل نفسك يا آثير وبنتك متبقيش ضعيفه عشان خاطر نداء ملهاش ذنب تشوفك كده ومتنسيش ان اللي بيحصلك بيوصلها

آثير ببكاء مرير : مش قادره يا شجن ... ندمت وبسأل نفسي ازاي عملت فيها كده ازاي رميت نفسي الراميه دي هو دا آنور اللي كنت هتجنن وراه هو دا آنور اللي مصدقتش انه راح