عشق الذئب

الفصل السادس عشر

في الخارج
كانت تجلس مع تلك الحيه التي تبخ سمها الدائم في اذنها والآخري غبيه وتستمع لها

موده : فكرك انه كده صح لا هو عمل كده بيبرر موقفه مش اكتر لو انتي غلطانه كان خاصمك واعاكي مش ضربك

آثير بتوهان : بس انا غلطت يا موده صح

موده : ولا غلطتي ولا حاجه كان معاكي حق في كل كلمه

آثير : بس انور حبيبي زعلان مني

موده : دا بيتلصم هما كده الرجاله تديهم اكتر من حقهم يمدوا ايدهم عليكي تديهم علي رأسهم يتعدلوا انتي كده ماشيه صح ... بس غلطي في حاجه

آثير : ايه

موده : ضربك تاخدي حقك لو فضلتي ليه هنا هيفكرك رخيصه ... وهيتطاول عليكي ما هو انتي لو غضبتي عند والدتك من الأول مكنش طول ايده عليكي تاني

آثير : بس ....

موده : مبسش هو ده الصح قومي وخدي بنتك وروحي بيت قرايبك هو مفكر انه لما يقعد كل ده بره هيرجع يلاقيكي وكمان تعتذري لا متسيبيش حقك ولازم تعلميه الآدب

آثير بتفكير : خلاص هقوم آخد نداء واروح عند قرايبي

موده بخبث : ايوه كده تبقي آثير صاحبتي

واه وما ادراكم ما خراب البيوت هو اسوأ شيئا تفعله أنثي بأخري

*******************

عاد آنور لمنزله مقررا تجاهلها نهائي حتي تستعيد نفسها ثم سوف يعتذر لها عما بدر منه وسوف يقسم لها انه لن يمد يده عليها مره آخري

موده : حظابط آنور ... حظابط آنور ... حظابط

التفت لها بغضب فهذه الكلمه ملك لآثير فقط لا أحد غيرها

آنور : افندم

عبست بضيق لتردف : علي فكره قعدت اتذلل عليها كتير

آنور بعدم فهم : تتذللي لمين مش فاهم

موده بخبث : ايه ده انت معرفتش

آنور بحده : معرفتش ايه اتكلمي عدل

موده : آثير خدت بنتها ومشت سابت البيت وانا والله قعدت اتذلل عليها كتير علي اساس متعملش كده بس هي قالت ... ولا بلاش

آنور بأعين ضيقه : قالت ايه

موده : انا مش قصدي اخرب بيوت بس هقولك عشان تعرف السبب وتعالجه ... قالتلي هتعلمك الأدب وتعرفك قيمتك لما تسيب ليك البيت وانها مش باقيه علي عيشه زفت كده وبتقعد تقولي انك بتضربها وانها مش شغاله عندك وكمان قالت ... انك بتخونها مع مرات اخوك

اتسعت اعينه لتضيق مره اخري لتكمل : وانا قعدت اسكتها بس هي حلفت هتفضحك انت وشجن ومش هتسكت الا اما تخلي اخوك يطلقها وانا قلقت علي شجن لأنها يا عيني لا بتهش ولا بتنش وغلبانه