عشق الذئب

الفصل الرابع

في صباح يوما جديد
كان يجلس واضعا وجهه بين يديه لا يعرف كيف يتصرف ولا الي اين يذهب كل شيئا اتي خلف بعضه لتصبح حياته سوداويه بل واكثر من كونها سوداويه

علي : اختك راحت كمان مننا يا أحمد

رفع وجهه الذي يبدو عليه الحزن وهو شاحب شحوب الموتي .... شعر علي ان ابنه يكتفي

علي بحزن : متحطش في نفسك يا ابني دا اختبار من ربنا وان شاء الله هننجح وأروي هترجع

أحمد : خدت الدوا بتاعك

علي : نسيت يا ابني

وقف واحضر الدواء وكوب من الماء واعطاه لوالده ثم اتصل علي الشرطه ليعرف ان كانوا وجدوا شيئا يخص أروي

********************

في القاهره
رتب الفطار علي المنضده واحضر الشاي ليجدها تخرج وهي تفرك عيناها

دياب : شعرك طالع من الحجاب

اروي : شكل البروتين عامل عمايله اصل دي شكلها من نعومه طبيعيه ... الظاهر ان اهلي ناس عليهم القيمه

دياب : اقعدي كلي

أروي : طيب ماشي بس ايه الفطار الجميل ده لا بجد تسلم ايدك

وجلست وشرعت بالأكل بنهم واضح فهي لم تأكل ليلا ونامت

أروي : هممم تسلم ايدك اهو دا اللي يتسمي فطار ملوكي

دياب : الف هنا انا نازل ورشتي هبقي اطلع اشوف لو عايزه حاجه

وتركها وبدأ يدخل الطعام لتنظر خلفه وتقول : هو بيدفع فاتوره للكلام ذي الكهربا

وبدأت ترتشف الشاي وهي تحرك فمها بطريقه مضحكه لتشهق وهي تنتفض قائله : يا اسمك ايه

خرج ليقول بهدوء : في ايه

اروي : اسمك ايه

دياب : دياب

اروي : الله اسمك حلو يا دياب ممكن سؤال تاني

دياب بهدوء : اتفضلي

أروي : انا اسمي ايه

نظر لها لوقت ثم فرك جبهته قليلا ليقول : ورايا شغل انا نازل

أروي : طب قو....

سمعوا صوت ينادي عليه : معلم دياااب معلم دياااب

كور يده متذكرا تلك الذكري السيئه ليخرج ومعه أروي بفزع

دياب : في اي....

وجد الناس تتجمع وفي اعينهم اتهام له حين رأوا أروي بجانبه ليدخل مره اخري وهي معه

دياب : خليكي هنا متنزليش

أروي : ليه

رفع نظره له متحدثا : هيجرحوكي متنزليش

ونزل لتنزل خلفه بعند لكنه لم يراها ليجد عادل يقترب بوجهه المشوه من كثرة الضرب