عشق الذئب

الفصل الخامس عشر

في القاهره
تحدثت بنفاذ صبر : لحد امته هفضل استناك يا دياب

دياب : محدش قالك استنيني يا آنسه سمر

سمر : يعني ايه احنا مش كنا هنتجوز

دياب : عادي ومحصلش نصيب

سمر : كل ده عشانها دياب انت عارف اني بحبك

دياب بغضب : وانا مش هخلي واحده بجحه حرمة بيتي

سمر بعصبيه : يعني آروي هي اللي محترمه ما الكل عارف انها بتحبك وقايله للكل انها بتحبك حتي لو انت مش بتحبها

دياب : آروي محترمه غصب عن التخين ولو هي مش كده انا مكنتش سمحت تقعد في بيتي دقيقه واعرفي حاجه يحرم عليا جنس حوا كله ان مكنش آروي

ودت لو تخرج عصبيتها كلها بوجهه لكن صبرا واقسمت داخلها ان لا تهنئهم علي زواج

****************

في المنصوره
كان تجلس علي احد الأرائك شاردة الذهن ولا تشعر بالمحلول المعلق لها ولا بالداخل والخارج

عبير : مالك يا ضنايا ساكته ليه

لم تعلق فقط شارده لكنها فاقت علي جذب والدتها لوجهها

شجن : هي ماما علا فين

عبير : سلامتك يا قلب امك علا جات وقعدت معاكي ساعتين بحالهم ومشت

شجن بتوهان : ساعتين طيب عايزه انام

شعرت به يبعد المحلول عن يدها واتي يضع اللاصق وجدها شارده بقطرة الدم التي خرجت ليضعها ويحملها بين يديه ووضعها بغرفتهم لتغط في نوم عميق فور وضعها

آروي : عملت فيها ايه يا أحمد

أحمد : هعمل ايه يا آروي ما كله قدامك

آروي : يا احمد اللي حصلها مش من آثير بس انا متأكده

أحمد : المشكله اني حاسس نفس الإحساس

آروي : بعت الفلوس ل دياب

أحمد : قولت احسن اوديها بنفسي

آروي : طب اقولك خد شجن وروح واهو تغيير جو ليها هي كمان ايه رأيك

أحمد : فكره حلوه خلاص هاخدها بكره بالعربيه ونروح

آروي : اوعي تقولي كنت بتفكر توديها في قطر

أحمد : قطر لما ي..... استغفر الله العظيم امشي يا آروي من قدامي

آروي بضحك : حاضر

في غرفة آنور
كانت تضم ارجلها لصدرها وشهقاتها تعلو بعد وتيرة بكاء طويله

آثير : بقا انا تعمل فيا كده يا آنور بعد الحب ده تمد ايدك عليا

وتأملت كدمه تغط جزء من زراعها لتنفجر باكيه مره اخري وايضا معاتبه نفسها عما بدر منها لكن كله من الحيه المدعوه "موده" هي من فعلت هذا