عشق الذئب

الفصل الرابع وثلاثون

فتح آنور الباب ليجدها تقف في الصاله بعدما زال تأثير البنج ونظرت للباب بصدمه سرعان ما تحولت لسعاده وهي تجري وتتعلق بعنق احدهم ليضع يده علي حجابها بينما وقعت أحد دمعات أحمد علي وجنته

آثير بعدم تصديق : آنور انت هنا بجد ... آنور انت اللي جبتني والله كنت حاسه

دفن وجهه في عنقها ليزيد من احتضانها قائلا : ايوه هنا وانا اللي خطفتك من الدنيا

ضحكت بسعاده لتردف : طب نزلني

آنور بمرح : مش انتي بتحبي تتعلقي في رقبتي خليكي بقي

آثير بعبوس : نينينينيي طب بحبكك

عاد أحمد للخلف لينزل مسرع عبر السلالم وخلفه علاء بينما هتف آنور : ايمن وراه ورن عليا قولي راح فين

ايمن وهو يسرع : تمام

انزل آنور آثير ليدخل بها وياسمين تقف وتتابعهم والغيره تنهش في قلبها ... جعلها تجلس علي الاريكه وجلس علي ركبته امامها يقبل كلتا يداها

آنور بهدوء : وحشتيني اوي

آثير بدموع تتجمع : وانت كمان

ومسحت جانب شفاه وانفه هاتفه بقلق : ايه الدم ده يا آنور

امرها ان تنحني ليقبل جبينها وعيناها فابتسمت تحت انظار ياسمين ليهتف : في حاجات كتييره هنتكلم فيها بس لازم اروح ورا اخويا اما نرجع هنتكلم

آثير بحزن : نداء فين يا آنور

آنور بهدوء : قولت في حاجات كتيره هنتكلم فيها بس مش الوقتي لازم امشي ... انتي حاليا في مساكن عساكر ومضطر اقفل الباب عليكي عشان الشيطان الصغنن ميوزكيش تخرجي

اومأت بتأكيد حزين ليردف بمرح طفيف : ايه بقي مفيش حاجه لحبيبك قبل ما يمشي

وارتفع لها ليميل علي شفتيها ويقبلها بإشتياق وتمهل يتزوق شهدها الذي غاب عنه اكثر من سنه ابتعد ليقف ويدسها بأحضانه

آنور بغمزه وهو يبعدها : للأسف مضطر امشي بس هرجع ولينا كلام كتير يطول شرحه

آثير يهمس خافت : هستناك

آنور وهي يدفعها بخفه للداخل : يلا علي اوضتك نامي لما ارجع

اومأت له بتأكيد قائله : متتأخرش

اومأ لها بتأكيد واتت تدخل ناد عليها قائلا : آثير

همهمت ليردف : بحبكك

عادت تجري وتتعلق بعنقه وككل مره صدقته بلا ادني شك لكنه هذه المره قالها ويشعر انه راضٍ عنها بجوارحه ... انزلها ليخرج لكنه وجد ياسمين علي الباب تتابع كل شيء فاغلق الباب بالمفتاح علي آثير

ياسمين : هي دي بقي آثير

آنور بحده : ملكيش دعوه بيها يا ياسمين