عشق الذئب

الفصل العاشر

مرت الأيام كما هي دياب لا يتحدث نهائي مع آروي يتجاهلها بطريقه اتعبتها هي اضعاف تعبه

كانت تجلس علي الطعام بوجه شاحب وتعب واضح

فاطمه : مالك يا زينة شكلك مش عاجبني

آروي بحزن : مفيش يا ماما فاطمه انا كويسه

فاطمه : لا مش كويسه مش شايفه وشك اصفر ازاي اتكلم يا دياب

دياب ببرود : لو تعبانه هتقول

آروي بغضب وهي تقف : متحسسنيش اني تقيله علي قلبك كده يا دياب عارفه اني طولت قعدتي هنا بس انا كنت همشي وعايزه امشي انت اللي بترجعني متبقاش ترجعني النهارده هغور ومعتش هتشوف وشي

دياب بحده مخيفه : اترزعي يا زينه

انتفضت بخوف لتجلس فوقف وضرب المنضده بيديه : ابقي خلي رجلك تطلع بره الباب اقسم بالله هكسرها ليكي .... وعقلك ده انا هعرف ازاي احكمه

وتركها وذهب فانفجرت باكيه بكثره في احضان فاطمه التي احتوتها

آروي ببكاء : هو بقا يكرهني ليه يا ماما ربنا ياخدني من وشه

فاطمه بحنيه : بعيد الشر عنك يا زينة البنات اوعي تقولي كده

غفت بين احضان فاطمه بعد بكاء مرير وطويل اما فاطمه فظلت محتضنه اياها بلا حراك لتجد دياب يدخل

فاطمه : عجبك كده

دياب : معلش يا امي لازم يتشد عليها الدلع الزايد فسدها وخلاها بتتصرف بهبل وبتفكر بهبل

وانحني بجزعه حملها ليأخذها لغرفتها ولحسن حظه او سوء حظها خرجت فاطمه لجارتهم التي نادت عليها ونزلت معها

اتي يبتعد وجدها تمسك يده وتتحدث بحزن : دياب

دياب بجمود : نعم

آروي بحزن : انت بتكرهني ليه انا معملتش فيك حاجه انا والله بحبك

دياب : عن اذنك

قفزت من علي السرير ووقفت امامه تمنعه من الخروج مردفه بحده : لا انت مش طالع الا اما تقولي مالك

دياب : ابعدي يا زينة

آروي بدموع تتجمع : لا مش هبعد يا دياب في ايه مش انت كنت بتحبني فين حبك اتبخر في يومين زهقت مني ولا قولت مش نافعه انا لا اعرفلها اصل ولا فصل مش كده صحيح وهيكون ايه غير كده

جز علي اسنانه ليجذب زراعها له مردفا : لا مش كده الحقيقه اني حبيت واحده غبيه بتفهم علي مزاجها فكرتي اننا عايزين نوديكي لدكتور عشان نخلص منك طب ليه مفكرتيش اني بعمل كده عشان اعرف اهلك واتجوزك يا متخلفه بس لا ازاي لازم نفهم علي مزاجنا

آروي بصدمه : تتجوزني

دياب وهو يترك زراعها : ايوه اتجوزك بس دا كان بقا الوقتي مش عايزك يا زينه انتي هنا مش اكتر من اختي