عشق الذئب

الفصل السابع

توالت الأيام علي كلاهما وكانوا يعيشوا بسعاده ومرح اضافته أروي علي حياة دياب حتي انهم بدأوا تجاهل كلام الناس الذي لا يقدم ولا يؤخر

تحدثت احد السيدات : شوفي ياختي ساحبها في الرايحه والجايه ازاي دي لو مراته مش هيلزقها فيه كده

الآخري بضيق : تلاقيه عشان مش مراته وبسطاه قاعده معاه لوحدهم من غير جواز ويا عالم يمكن يكونوا متجوزين عرفي

تدخلت واحده ثالثه لتقول : وليه منقولش انه شهم وبيتحملها وبيتحمل كلامكم ده وطلع احسن من سمر اللي من جنسها

اردفت الرابعه : اصلا سمر دي بتغير من نفسها طبيعي اللي عملته مع البنت دي والوقتي تلاقيها بتولع

قالت الثالثه بصدق : ايوه انا يومها اصلا صدقت البنت لما قالت ان سمر عملت فيها كده هي باين عليها صعبه اه بس لا بتهش ولا بتنش

تحدثت الرابعه بطيبه : ربنا يهديلها نفسها يا رب وتعرف اصلها من فصلها

تحدثت الأولي بغيظ : ولما هو كده مش بيدور علي اهلها ليه يحط صوره ليها في الجريده طيب

اشارت الثالثه بيدها : يا شيخه اتقي الله جريدة ايه اللي يحطها فيها هو الموضوع ببلاش وبعدين مين اللي لسه بيقرأ جرايد الوقتي ومتنسيش مهما كان عيشة المعلم دياب باين عليها كويسه ومبسوط افتكري ان محلتوش غير ورشته

ربطت الرابعه علي كتفها قائله : معاكي حق كفايه انه مش كل مره ياخد حق شغل ايده والحاره كلها بتصلح الحاجات عنده ببلاش

مصمصت الثانيه شفتاها قائله : خليكم انتم الاتنين هبل كده لحد اما يجي اليوم اللي تلاقيها حامل منه وسمعت الحاره كلها تبقي في الوحل

حركت الأثنان رأسهم واستأذنا وذهبا ليجدوا أروي تجلس ارضا تداعب قطه من بعيد بطفوليه

أروي : بس بس يا قطه تعالي هنا بس

ضحكت الأثنان بمرح لتردف واحده : ازيك يا زينة البنات

رفعت أروي نظرها مردفه بسعاده : ازيك يا خاله داليا ازيك يا خاله نشوي

داليا : بخير يا حبيبتي بدل لعب العيال ده تعالي اقعدي معانا

أروي بسعاده : بجد خلاص هستأذن من دياب وجايه

نظرت داليا ل نشوي التي ابتسمت بينما ذهبت أروي لداخل الورشه

أروي بصوت سميك : معلم ديااب

دياب : عايزه ايه يا مجنونه

أروي : دا عرف صوتي

خرج من أسفل السياره جالسا ثم وقف يمسح يده وداعب وجنتها فابتسمت

دياب : في ايه

أروي : هروح اقعد مع الخاله نشوي والخاله داليا شويه