عشق الذئب

الفصل الثالث

اتت آثير من منزل خالتها وللأسف لم تجد احد من اهلها ولم يرن عليها احد يخبرها

آثير : وبحب الناس الرايقه اللي بتضحك علي طول ... بقولك يا خاله عبير مشوفتيش امي

نظرت لرفيقتها غاليه بحسره ثم نظروا ل آثير لتردف غاليه : في بيت أنور وقالت نقولك تحصليها يا آثير

ابتسمت بإتساع قائله : طب متعرفيش آنور جيه ولا لا

عبير بحسره علي تلك الفتاه العاشقه لأنور : جيه يا حبيبتي جيه

جرت آثير بسعاده كالطفله متجهه لمنزل آنور لكنها تصنمت حين رأت الرجال في الخارج

آثير بشهقه : لا حول ولا قوه الا بالله يا تري ابويا علي ولا امي نبيله

رأها أحمد فوقف وذهب لها ليقول بحده بعض الشيء : ادخلي يا آثير

آثير : مين اللي مات يا أحمد

نظر لها لوقت كيف يخبرها انه زوجها ليرمش بخفه ولم يجب فاردفت : في ايه يا أحمد

أحمد : ادخلي يا آثير جوه

آثير : خالتي عبير قالت انور جيه هو فين مش باين ليه

أحمد : يا آثير الرجاله بتبص علينا ادخلي بقا

آثير بعصبيه : مش هدخل وهتقولي مخبي ايه عليا يا أحمد آنور فين

علي بهدوء مميت وتلك الدمعه تتمرد بقهر : آنور تعيشي انتي يا بنتي

آثير بصراخ : انتم اتهبلتوا مين اللي مات

أحمد : يا آثير كده مينفعش

آثير بصراخ اشد : أحمد بلاش البرود ده ورد مين اللي مات

أحمد : أنور وأسعد ماتوا يا آثير

دفعته من صدره بكلتا يداها : انت اتجننت يا أحمد

تنفس ولم يجب فاقتربت منه تبكي وتمسك زراعه : والنبي يا أحمد قول ان ده كدب اكيد انور كويس صح انور حبيبي محصلوش حاجه

لم يجب فقط صامت ليجد شجن تجري عليها : آثير اهدي

دفعتها آثير فكادت ان تقع الا انها توازنت : ابعدي عني متدخليش اما اشوف الغبي ده مش بيرد ليه

شجن وهي تبتلع ريقها : آثير اهدي مش كده

آثير بصراخ : متقوليش اهدي ما انتي مبتحسيش مش حاسه بالنار اللي فينا غبيه ابعدي وغوري من وشي

أحمد بحده : آثير بطلي غباء وفوقي آنور مات

نظرت له وجلست ارضا تنظر بشرود للأرض : آنور مات مات خلاص مات آنور مات ههههه مات مات آنور راح هههههه راح

شجن : آثير

آثير : سامحيني يا شجن سامحيني بس آنور راح راح يا شجن وسبني في نص الطريق سابني متعلقه بحبه وبحلم بيه واحنا بنحقق احلامنا راح خلاص راح .... راح