#العشق_المتمرد
#جمان_فريد
#الجزء45_القسم2
ﻓﺎﺗﺤﻪ ﻋﻴﻮﻧﻬﺎ ﺑﺼﺪﻣﻪ ﻭﻫﻲ ﺗﺸﻮﻑ ﻷﺧﺘﻬﺎ ﻭﺗﺴﻤﻊ ﻓﻴﻬﺎ ﺷﻦ ﺗﻘﻮﻝ !!
ﻋﻮﺩﺓ : ﻭﻣﺮﺓ ﺷﻔﺖ ﻫﺎﻧﻴﺒﺎﻝ ﻋﻨﺪﻫﺎ ...
ﻋﺮﻭﺑﻪ ﻣﺼﺪﻭﻭﻭﻭﻭﻣﻪ ﻭﻣﺶ ﻣﺼﺪﻗﻪ ﺍﻟﻠﻲ ﺗﺴﻤﻊ ﻓﻴﻪ ...
ﻋﻮﺩﺓ : ﻣﺎﻗﺪﺭﺗﺶ ﻧﻘﻮﻟﻚ .... ﺧﻔﺖ ...
ﻋﺮﻭﺑﻪ ﺑﻠﻌﺖ ﺭﻳﻘﻬﺎ ﻭﺩﻣﻮﻋﻬﺎ ﻧﺰﻟﻮﺍ ﻗﺎﻟﺖ : ﺗﺒﻲ ﺗﻘﻮﻟﻴﻠﻲ ﺍﻧﻪ ﻛﺎﻥ ﺟﻨﺒﻲ ﻭﺍﻧﻲ ﻣﺎﻧﻌﻠﻤﺶ ..
ﺍﻧﺼﺪﻣﺖ ﻋﻮﺩﺓ ﻓﻲ ﺍﺧﺘﻬﺎ ﻛﻴﻒ ﺗﻜﻠﻤﺖ ﺑﺎﻟﻠﻬﺠﻪ ﺍﻟﻠﻴﺒﻴﻪ ﺗﻠﻘﺎﺋﻴﺎ ﻭﺑﺼﻮﺕ ﻣﺨﻨﻮﻕ ...
ﺗﺄﻛﺪﺕ ﻋﻮﺩﻩ ﺍﻥ ﻫﺎﻧﻴﺒﺎﻝ ﺑﺎﻟﻨﺴﺒﻪ ﻟﻌﺮﻭﺑﻪ ﻣﺎﻛﺎﻧﺶ ﺣﺐ ﻣﺮﺣﻠﺔ ﻭﻋﺪﻯ ﻻ ...
ﻫﺎﻧﻴﺒﺎﻝ ﻋﺸﻖ ﺣﻘﻴﻘﻲ ﺑﺎﻟﻨﺴﺒﻪ ﻟﻴﻬﺎ 💓💓
ﻗﻌﺪﺕ ﻋﻮﺩﺓ ﺳﺎﻛﺘﻪ ﻣﺎﻗﺪﺭﺗﺶ ﺗﺮﺩ ﻋﻠﻴﻬﺎ ...
ﺍﻣﺎ ﻫﻲ ﻭﻣﺎﺯﺍﻟﺖ ﺗﺤﺖ ﺗﺄﺛﻴﺮ ﺍﻟﺼﺪﻣﻪ ...
ﻧﺎﺿﺖ ﻣﻦ ﻣﻜﺎﻧﻬﺎ ﻭﻃﻠﻌﺖ ﻟﻠﺒﺎﻟﻜﻮﻧﻪ ... ﺗﺎﺧﺪ ﻓﻲ ﺍﻟﻨﻔﺲ
ﻷﻧﻬﺎ ﺣﺴﺖ ﺭﻭﺣﻬﺎ ﻣﺨﻨﻮﻭﻭﻭﻭﻗﻪ ...
ﺍﻟﺘﻔﺖ ﺟﻨﺒﻬﺎ ﻗﻌﺪﺕ ﺗﺸﺒﺢ ﻟﺒﺎﻟﻜﻮﻧﺔ ﺣﻮﺵ ﺟﻴﺮﺍﻧﻬﻢ ...
ﺗﺸﺒﺢ ﻭﻗﻠﺒﻬﺎ ﻳﺪﻕ ﺑﻘﻮﺓ ....
ﻓﺠﺄﺓ ...
ﻋﻴﻮﻧﻬﺎ ﺗﻮﺳﻌﻮﺍ ﺑﺼﺪﻣﻪ ....
ﻭﻗﻠﺒﻬﺎ ﻫﺎﺝ ﺑﺪﻗﺎﺗﻪ ﻓﺮ ﻓﺮﺍﻥ 💓💓💓💓
ﻟﻤﺎ ﺷﺎﻓﺖ ﺍﻟﺒﺎﺏ ﻣﺘﺎﻉ ﺍﻟﺒﺎﻟﻜﻮﻧﻪ ﺍﻧﻔﺘﺢ ...
ﻭﻫﻮ ....
ﺍﻳﻪ ﻫﻮ ﻃﺎﻟﻊ ....
ﻗﻌﺪﺕ ﻣﺼﻤﻮﺗﻪ ﻭﺗﺸﻮﻑ ﻭﺧﻼﺹ ..
ﺍﻣﺎ ﻫﻮ ﻓﻜﺎﻥ ﻳﻄﻠﻊ ﻓﻲ ﺍﻟﺪﺧﺎﻥ ﺑﺶ ﻳﺪﺧﻦ ...
ﺑﺪﻱ ﻳﺪﺧﻦ ﻭﻫﻮ ﻣﺘﻜﻲ ﻉ ﺳﻴﺎﺝ ﺍﻟﺒﻼﻛﻮﻧﻪ ....
ﺗﺴﻤﻊ ﻓﻴﻪ ﺑﺪﻱ ﻳﺪﻧﺪﻥ ....
ﻃﺒﻴﺐ ﺟﺮﺍﺡ ﻗﻠﻮﺏ ﺍﻟﻨﺎﺱ ﺍﺩﻭﺍﻳﻬﺎ ..
ﻭﻳﺎﻣﺎ ﺟﺮﺍﺡ ﺳﻬﺮﺕ ﺍﻟﻠﻴﻞ ﺍﺩﺍﺭﻳﻬﺎ ..
ﺷﺎﻓﻮﻧﻲ ﻗﺎﻟﻮﺍ ﻣﺘﻬﻨﻲ ..
ﻣﻦ ﻛﺜﺮ ﺍﻟﻔﺮﺡ ﺑﻴﻐﻨﻲ ...
ﺗﻌﺎﻟﻮﺍ ﻭﺍﺳﺄﻟﻮﺍ ﻋﻨﻲ ....
ﺍﻧﻲ ﺍﻟﻠﻲ ﺑﻴﺎ ﺟﺮﺍﺡ ....
ﺗﻨﻬﺪ ﻭﻛﻤﻞ ...
ﺍﻃﺒﺎ ﺍﻟﻜﻮﻥ ﻣﺎﺗﺸﻔﻴﻬﺎ ....
ﻃﺎﺣﻮﺍ ﺩﻣﻮﻋﻬﺎ ﺳﻴﻞ .... ﻭﻫﻲ ﺗﺴﻤﻊ ﻓﻴﻪ ﻳﻐﻨﻲ ﻟﻠﻔﻨﺎﻥ ﺍﻟﻠﻲ ﺗﻌﺸﻘﻪ ﺍﻟﻠﻲ ﻫﻲ ﺧﻼﺗﻪ ﻳﺤﺒﻪ ..
ﻓﺠﺄﺓ ﺭﻥ ﺗﻠﻴﻔﻮﻧﻪ ....
ﻃﻠﻌﻪ ﻣﻦ ﺟﻴﺐ ﺍﻟﺴﺮﻭﺍﻝ ... ﺟﺒﺪ ﻣﻦ ﺍﻟﺪﺧﺎﻥ ...
ﺑﻌﺪﻳﻦ ﻓﺘﺢ ﺍﻟﻤﺎﻳﻚ ﻭﺣﻄﻪ ﻉ ﺍﻟﺴﻴﺎﺝ ...
ﻫﺎﻧﻴﺒﺎﻝ : ﺍﻳﻮﺍﺍﻩ ..
ﺿﻮ : ﺍﻳﺒﻚ ﻗﺎﻋﺪ ﺳﺎﻫﺮ ..
ﻫﻲ ﺭﻋﺸﺖ ﻣﻊ ﺑﻌﻀﻬﺎ ﻟﻤﺎ ﺳﻤﻌﺖ ﺍﺳﻢ ﺍﻳﺒﻚ 💓💓...
ﺑﺪﻱ ﻫﺎﻧﻴﺒﺎﻝ ﻳﻮﺯﻉ ﻓﻲ ﻧﻈﺮﻩ ﻉ ﺍﻟﻤﻜﺎﻥ ﻭﻫﻮ ﻳﺘﻜﻠﻢ ..
ﺍﻟﻠﺤﻈﻪ ﺍﻟﻠﻲ ﺟﺖ ﻓﻴﻬﺎ ﻋﻴﻨﻪ ﻉ ﺑﻼﻛﻮﻧﺘﻬﺎ ﻫﻲ ﻟﻔﺖ ﻭﻋﻄﺖ ﺑﺎﻟﻈﻬﺮ ..
ﻫﻮ ﻗﻌﺪ ﻳﺸﺒﺤﻠﻬﺎ ﺑﺘﻀﻴﻴﻘﺔ ﻋﻴﻮﻥ ...
ﺧﺪﻱ ﺍﻟﺘﻠﻴﻔﻮﻥ ﻭﺳﻜﺮ ﺍﻟﻤﺎﻳﻚ .. ﻭﺧﺶ ﺩﺍﺧﻞ ﺑﻌﺪ ﻃﻔﻰ ﺍﻟﺪﺧﺎﻥ ...
ﺳﻤﻌﺖ ﺗﺴﻜﻴﺮﺓ ﺑﺎﺏ ﺍﻟﺒﻼﻛﻮﻧﻪ ..
ﺍﻟﺘﻔﺘﺖ ﺑﺒﻂﺀ ﻣﺎﻟﻘﺘﺎﺵ ...
ﺗﻨﻬﺪﺕ ﺑﺤﺮﻗﻪ ... ﻭﺧﺸﺖ ﺩﺍﺧﻞ ﻃﻮﻝ ...
ﻭﺍﻧﻬﺎﺭﺕ ﺑﺎﻟﺒﻜﻲ ..
ﻋﻮﺩﺓ ﺍﻟﻠﻲ ﻛﺎﻧﺖ ﺟﺎﻳﻪ ﺑﺘﺮﻗﺪ ﺍﻧﺨﻠﻌﺖ ﻭﺟﺘﻬﺎ : ﺧﻴﺮﻙ ﺭﻭﺑﻲ ..
ﻋﺮﻭﺑﻪ ﺑﺼﻮﺕ ﻣﺨﻨﻮﻕ ﺑﺎﻛﻲ : ﺷﻔﺘﻪ .. ﺗﻮﺍ .. ﺷﻔﺘﻪ ﻳﺎﻋﻮﺩﺓ ...
ﺣﻀﻨﺖ ﺍﺧﺘﻬﺎ ﺑﻘﻮﺓ ﻭﻗﻌﺪﺕ ﺗﺒﻜﻲ ﺑﺎﻟﻌﺒﺮﺓ .. ﺑﺤﺮﻗﻪ ﺑﺄﻟﻢ 💔..
ﻭﻋﻮﺩﺓ ﺗﺄﺛﺮﺕ ﻫﻠﺒﻪ ﻭﺩﻣﻮﻋﻬﺎ ﻧﺰﻟﻮﺍ ﻭﻗﻌﺪﺕ ﺣﺎﺿﻨﺘﻬﺎ ﻭﺗﻤﺴﺢ ﻉ ﻇﻬﺮﻫﺎ .. 🍁🍁🍁
🍁🍁🍁🍁🍁🍁🍁🍁🍁🍁🍁
ﺭﺍﻗﺪﺓ ﻭﺩﺍﻳﺮﺓ ﺭﻭﺣﻬﺎ ﻣﻐﻤﻀﻪ ﻋﻴﻮﻧﻬﺎ ... ﺗﺸﻮﻑ ﻓﻴﻪ ﻛﻴﻒ ﺭﺍﻗﺪ ﻉ ﺍﻟﻜﺮﺳﻲ ..
ﺧﺎﻳﻔﻪ ﻳﺴﺘﻐﻞ ﻧﻮﻣﻬﺎ ﻭﻳﺠﻲ ﻳﺮﻗﺪ ﺑﺤﺪﺍﻫﺎ ..
ﻟﻜﻦ ﻭﺟﻌﻬﺎ ﻛﻴﻒ ﺭﺍﻗﺪ ﻫﻜﻲ .. ﻭﺑﻼ ﻏﻄﺎ ﺯﻳﺎﺩﻩ ..
ﺩﻻﻝ " ﺗﺲ ... ﻋﻠﻴﻚ ﻗﻠﺐ ﺍﺣﺮﻑ ﻗﻠﺒﻲ ..💓 ﻟﻜﻦ ﻭﺍﻟﻠﻪ ﻣﺎﻧﻲ ﻣﺴﺎﻣﺤﺘﻪ ﺯﻳﺎﺩﺓ ﻉ ﺍﻟﻠﻲ ﺻﺎﺭ ﻓﻤﺎﻣﺎ ﺑﺴﺒﺒﻪ ﺟﻌﻠﻪ ﻣﺎﻭﻻ .."
ﻏﻤﻀﺖ ﻋﻴﻮﻧﻬﺎ ...
ﻭﻗﻌﺪﺕ ﺗﻔﻜﺮ ﻓﻲ ﻛﻞ ﺷﻲ ﺻﺎﺭ .... ﻓﺘﺤﺖ ﻋﻴﻮﻧﻬﺎ ﻭﺩﻣﻮﻋﻬﺎ ﻧﺰﻟﻮﺍ ...
ﻛﻞ ﺷﻲ ﻛﺎﻥ ﻣﺎﺷﻲ ﺣﻠﻮ ﺑﻴﻨﺎﺗﻬﻢ .. ﺣﺘﻰ ﺑﺮﻏﻢ ﺍﻓﻌﺎﻝ ﺻﻐﺎﺭ ﻫﻨﺪﺍ ... ﺑﺲ ﻛﺎﻧﺖ ﻣﺮﺗﺎﺣﻪ ﻓﺤﺒﻪ ...
ﺣﺘﻰ ﻟﻮ ﺟﺮﺣﻬﺎ ﻓﻴﺴﻊ ﻣﺎﻳﺪﺍﻭﻳﻬﺎ ﻭﻣﺶ ﺍﻱ ﻣﺪﺍﻭﺓ 💓💓💓
ﺗﻤﺴﺢ ﺍﻟﺠﺮﺡ ﻛﻠﻪ ﻭﻛﺄﻧﻪ ﻣﺎﻛﺎﻥ ..
ﺑﺲ ﻫﺎﻟﻤﺮﺓ ﺻﻌﺐ ﻫﻠﺒﻪ ﺟﺮﺣﻪ ﺗﻌﺪﺍ ﻛﻮﻧﻪ ﺟﺮﺡ ﻋﺎﺩﻱ ..
ﺟﺮﺣﻬﺎ ﻓﻜﺮﺍﻣﺘﻬﺎ ﻟﻤﺎﺿﺮﺑﻬﺎ ﻗﺪﺍﻡ ﺍﻟﻜﻞ ... ﻭﺑﺎﻟﺬﺍﺕ ﺿﺮﺗﻬﺎ
ﻭﻟﻬﺎﻟﻠﺤﻈﻪ ﻣﺎﻧﺴﺖ ﻧﻈﺮﺓ ﺍﻟﺸﻤﺎﺗﻪ ﺍﻟﻠﻲ ﻓﻌﻴﻮﻧﻬﺎ ...
ﺟﺮﺣﻬﺎ ﻟﻤﺎ ﻗﺘﻞ ﻓﺮﺣﺘﻬﺎ ﺑﺤﻤﻠﻬﺎ ﺍﻟﻠﻲ ﻫﻲ ﻧﻔﺴﻬﺎ ﻣﺎﻛﺎﻧﺘﺶ ﺗﻨﺪﺭﻱ ﺑﻴﻪ .. ﺑﺲ ﺍﻧﻘﻬﺮﺕ ﻋﻠﻴﻪ ﻫﻠﺒﻪ ﻫﻠﺒﻪ ...
ﻭﺯﺍﺩﻫﺎ ﺗﻮﺍ ﺑﺎﻟﻠﻲ ﺩﺍﺭﻩ ....
ﺣﺎﺳﻪ ﻭﻛﺄﻧﻪ ﺣﺎﺳﺒﻬﺎ ﻣﻠﻚ ﻣﻦ ﺍﻣﻼﻛﻪ ... ﻣﺶ ﺍﻧﺴﺎﻧﻪ ﻟﻴﻬﺎ ﺷﺨﺼﻴﺘﻬﺎ ﻭﻟﻴﻬﺎ ﺍﺭﺍﺩﻩ ...
ﻣﻦ ﺣﻘﻬﺎ ﺗﺰﻋﻞ ... ﻭﺗﺎﺧﺪ ﻣﻮﻗﻒ ....
ﻛﻞ ﺷﻲ ﻓﺎﺭﺿﻪ ﻋﻠﻴﻬﺎ ... ﻛﻞ ﺷﻲ .. ﺣﺘﻰ ﺣﺒﻪ 💓💓
ﺍﻟﻠﻲ ﻣﺴﺘﻮﻃﻦ ﻓﻘﻠﺒﻬﺎ ﻭﻣﺎﻳﺒﻴﺶ ﻳﻄﻠﻊ ﻣﻬﻤﺎ ﻳﺪﻳﺮ ﻓﻴﻬﺎ 💓💓
ﺳﻤﻌﺖ ﺻﻮﺗﻪ ﺗﻨﺤﻨﺢ ...
ﺯﺑﻄﺎﺗﻪ ﺑﻴﻨﻮﺽ ... ﻏﻤﻀﺖ ﻋﻴﻮﻧﻬﺎ ...
ﻫﻮ ﻓﺎﻕ ﺯﻱ ﺍﻟﻤﺨﻠﻮﻉ ﻭﺷﺒﺢ ﻟﻠﺴﺮﻳﺮ ﻃﻮﻝ ....
ﺷﺎﻓﻬﺎ ﺭﺍﻗﺪﻩ ... ﺗﻨﻔﺲ ﺑﺈﺭﺗﻴﺎﺡ ...
ﺑﻌﺪﻳﻦ ﻏﻤﺾ ﻋﻴﻮﻧﻪ ﻭﺍﺑﺘﺴﻢ 💓💓💓💓..
🍁🍁🍁🍁🍁🍁🍁🍁
ﺗﺎﻧﻲ ﻳﻮﻡ
ﺍﻟﺼﺒﺢ ....
ﺍﻟﺴﺎﻋﻪ 9:00 ...
ﺭﺍﻧﻴﺎ : ﻃﺎﻟﻌﻪ ﻳﻤﺎ ﺍﻟﺒﻨﺖ ﺟﺘﻨﻲ ..
ﺯﻳﻨﺐ : ﺭﺑﻲ ﻳﻔﺘﺢ ﻋﻠﻴﻚ ..
ﺍﺑﺘﺴﻤﺖ ﺭﺍﻧﻴﺎ ﻭﻳﻦ ﺟﺖ ﺑﺘﻄﻠﻊ ﺭﻥ ﺗﻠﻴﻔﻮﻧﻬﺎ ...
ﺍﺑﺘﺴﻤﺖ ﻭﻓﺘﺤﺖ ﺍﻟﺨﻂ ﻭﺭﺩﺕ ..
ﺭﻣﺰﻱ : ﺻﺒﺎﺡ ﺍﻟﺨﻴﺮ ..
ﺭﺍﻧﻴﺎ : ﺻﺒﺎﺡ ﺍﻟﻨﻮﺭ ...
ﺻﻜﺮ ﻋﻠﻴﻬﺎ ...
ﻫﻲ ﺿﺤﻜﺖ ﻭﻃﻠﻌﺖ ... ﺣﻄﺖ ﺗﻠﻴﻔﻮﻧﻬﺎ ﻓﻲ ﺍﻟﺸﻨﻄﻪ ﻭﻣﺸﺖ ﺭﻛﺒﺖ ﺳﻴﺎﺭﺓ ﻭﺣﺪﻩ ﺗﻮﺻﻞ ﻓﻴﻬﺎ ﻟﻠﺠﺎﻣﻌﻪ ...
🍁🍁🍁🍁🍁
ﻃﻖ ﻉ ﺑﺎﺏ ﺍﻟﺪﺍﺭ ..
ﻋﻤﺎﺭ : ﺩﻟﻮﻟﺘﻲ ﻛﻤﻠﺘﻲ ﺧﻼﺹ ..
ﺩﺍﺧﻞ ..
ﺩﻻﻝ : ﺍﺍﺍﻩ ﻳﺎﺭﺑﻲ ﻣﻦ ﺑﺮﻭﺩﻩ ﺍﻟﻠﻲ ﻳﻨﺮﻓﺰ 😡
ﻣﺎﺑﺘﺶ ﺗﺮﺩ ﻋﻠﻴﻪ ﺑﻌﺪ ﻛﻤﻠﺖ ﻟﺒﺲ ﺗﻮﺟﻬﺖ ﻟﻠﺒﺎﺏ ﻭﻓﺘﺤﺎﺗﻪ .
ﻭﻃﻠﻌﺖ ﻭﻓﺎﺗﺖ ﻣﻦ ﺣﺪﺍﻩ ﻭﻻﻛﺄﻧﻪ ﻣﻮﺟﻮﺩ ...
ﻭﺗﻮﺟﻬﺖ ﻟﻠﺒﺎﺏ ﻣﺘﺎﻉ ﺍﻟﺸﺎﻟﻴﻪ ﻭﻗﻌﺪﺕ ﻭﺍﻗﻔﻪ ..
ﻫﻮ ﺍﺑﺘﺴﻢ ﺑﺮﻓﻌﺔ ﺣﺎﺟﺐ ...
ﻃﻠﻊ ﺷﻨﻄﺔ ﺻﻐﻴﺮﻩ ﻛﺎﻥ ﺟﺎﻳﺐ ﻓﻴﻬﺎ ﺣﻮﺍﻳﺞ ﻟﻴﻪ ﻭﻟﻴﻬﺎ ...
ﻭﺗﻮﺟﻪ ﻟﻠﺒﺎﺏ ...
ﻋﻤﺎﺭ : ﻗﺒﻞ ﻧﺎﻭﻱ ﻧﻄﻮﻟﻮﺍ ﻫﻨﻰ ... ﺍﻟﺠﻮ ﺣﻠﻮ ﻭﺑﺤﺮ ... ﻭﻣﺸﺎﻋﺮ ﻳﻬﻴﺠﻦ 💓💓 ﻗﺎﻟﻬﺎ ﻭﻫﻮ ﺭﺍﻓﻊ ﺣﺎﺟﺒﻪ ﺍﻷﻳﺴﺎﺭ ﻭﻣﺒﺘﺴﻢ ..
ﻫﻲ ﻗﺎﻟﺒﻪ ﻭﺟﻬﻬﺎ ﻋﻨﻪ ﻭﺗﺸﺒﺢ ﻟﻠﺒﺎﺏ ﻭﻣﻼﻣﺢ ﺍﻟﺤﺪﻩ ﻗﺎﻋﺪﺍﺕ ﻉ ﻭﺟﻬﻬﺎ ...
ﺍﺑﺘﺴﻢ .. ﻓﺘﺢ ﺍﻟﺒﺎﺏ ..
ﺷﺪﻫﺎ ﻣﻦ ﻳﺪﻫﺎ .... ﻭﻃﻠﻊ ﺑﻴﻬﺎ ...
ﻭﻫﻲ ﻣﻀﺎﻳﻘﻪ ﻉ ﺍﻷﺧﺮ ﻣﻦ ﺗﺼﺮﻓﺎﺗﻪ ...
ﻭﺻﻞ ﺑﻴﻬﺎ ﻟﻠﺴﻴﺎﺭﺓ ...
ﻓﺘﺢ ﺍﻟﺒﺎﺏ ... ﺭﻛﺒﺖ ....
ﺻﻜﺮﻩ ﺑﺎﻟﻤﻔﺘﺎﺡ ... ﻭﺗﻮﺟﻪ ﻟﻠﺒﺎﺏ ﺍﻟﺨﻠﻔﻲ ﻓﺘﺤﻪ ﺣﻂ ﺍﻟﺸﻨﻄﻪ ..
ﺳﻜﺮﻩ ﻭﺗﻮﺟﻪ ﻟﻠﺒﺎﺏ ﺭﻛﺐ ﻭﺳﻜﺮ ﺍﻟﺒﺎﺏ ..
ﻟﺒﺲ ﻧﻈﺎﺭﺍﺗﻪ ﻭﻗﺎﻝ : ﺗﻮﻛﻠﻨﺎ ﻉ ﺍﻟﻠﻪ ....
ﺷﺒﺤﻠﻬﺎ ﺑﻄﺮﻑ ﻋﻴﻨﻪ ﻟﻘﺎﻫﺎ ﺗﺸﺒﺢ ﻟﻠﺮﻭﺷﻦ ﻭﻋﻼﻣﺎﺕ ﺍﻟﻌﺼﺒﻴﻪ ﻉ ﻭﺟﻬﻬﺎ ..
ﺿﺤﻚ ﺿﺤﻜﻪ ﺧﻔﻴﻔﻪ ... ﻭﺷﻐﻞ ﺍﻟﺴﻴﺎﺭﺓ ...
ﻭﻓﺘﺢ ﺭﻓﻴﻖ ﻃﺮﻳﻘﻪ ... ﻭﺷﻌﻮﺭﻩ 💓...
ﻣﺤﻤﺪ ﺣﺴﻦ ..
ﻭﻛﺎﻥ ﻉ ﺍﻏﻨﻴﺔ .. ﻣﻦ ﺍﺟﻤﻞ ﺍﻏﺎﻧﻴﻪ ...
ﻻﺇﻧﺘﻲ ﻋﻠﻴﺎ ﻫﺎﻳﻨﻪ ﻭﻻﺍﻧﺎ ﻋﻠﻴﻚ ﻧﻬﻮﻥ ...
ﺑﺪﺍﻳﺘﻬﺎ ﻛﺎﻥ ﻣﺤﻤﺪ ﺣﺴﻦ ﻳﻠﻘﻲ ﻓﻲ ﺍﺑﻴﺎﺕ ﺍﻷﻏﻨﻴﻪ ...
ﻫﻮ ﻛﺎﻥ ﻳﻠﻘﻲ ﻣﻌﺎﻩ ...
ﻋﺎﺭﻑ ﻣﺪﻯ ﺗﺄﺛﻴﺮ ﺇﻟﻘﺎﺋﻪ ﻟﻠﺸﻌﺮ ﻋﻠﻴﻬﺎ ...
ﺑﺲ ﻫﺎﻟﻤﺮﺓ ﺍﻟﻐﻀﺐ ﻋﻨﺪ ﺩﻻﻝ ﻛﺎﻥ ﺍﻛﺒﺮ ﺑﻬﻠﺒﻪ ﻣﻦ ﺍﻧﻪ ﻳﺄﺛﺮ ﻓﻴﻬﺎ ﺍﻱ ﺷﻲ ﻣﻨﻪ ﻛﺎﻥ ﻳﺄﺛﺮ ﻋﻠﻴﻬﺎ ﻗﺒﻞ ..
ﻗﻌﺪﺕ ﺗﺸﺒﺢ ﻟﻠﺮﻭﺷﻦ ﻭﺧﻼﺹ ﻭﻻﺑﺖ ﺣﺘﻰ ﺗﺮﻛﺰ ﻓﻲ ﻛﻼﻡ ﺍﻻﻏﻨﻴﻪ ..
ﻫﻮ ﻛﺎﻥ ﻣﻨﺴﺠﻢ ﻭﻳﻐﻨﻲ ... ﻭﻛﺎﻥ ﻳﺤﺎﻭﻝ ...
ﻭﺣﺘﻰ ﻟﻮﻓﺸﻠﺖ 99 ﻣﺤﺎﻭﻟﻪ ﻭﺍﺛﻖ ﺍﻧﻪ 100 ﺣﻴﻨﺠﺢ ...
ﻷﻧﻪ ﻭﺍﺛﻖ ﻣﻦ ﻣﻜﺎﻧﺘﻪ ﻓﻲ ﻗﻠﺒﻬﺎ 💓...
🍁🍁🍁🍁🍁🍁
ﺑﺲ ﻣﺎﻛﺎﻧﺶ ﻏﻴﺮﻩ ﻋﺎﺭﻑ ﺑﻤﻜﺎﻧﺘﻪ ﻓﻲ ﻗﻠﺐ ﻣﺤﺒﻮﺑﺘﻪ ..
ﺍﻟﻠﻲ ﺑﺮﻏﻢ ﻓﺮﺍﻕ ﻋﻤﺮﻩ ﺳﻨﻴﻦ ﻭﺳﻨﻴﻦ ...
ﻗﺎﻋﺪ ﻣﺎﻟﻚ ﻗﻠﺒﻬﺎ ﻭﻻﻗﺪﺭ ﺣﺪ ﻳﺎﺧﺪ ﻭﻟﻮ ﺭﺑﻊ ﻣﻜﺎﻧﻪ ...
ﻛﺎﻧﺖ ﻭﺍﻗﻔﻪ ﻉ ﺍﻟﺴﻴﺎﺭﺓ ..
ﻋﺮﻭﺑﻪ ﻭﻫﻲ ﺗﺘﻜﻠﻢ ﺑﺎﻟﺘﻠﻴﻔﻮﻥ : ﺍﻳﻴﻴﻴﻪ ﻃﻴﺐ ﻟﻴﻜﻨﻲ ﺟﺎﻳﻲ ..
ﺻﻜﺮﺕ ﻉ ﺍﺧﺘﻬﺎ .. ﻭﻟﺖ ﻣﻦ ﺟﺪﻳﺪ ﺑﺶ ﺗﺠﻴﺐ ﻛﺎﻣﻴﺮﺗﻬﺎ ﺍﻟﻠﻲ ﻧﺴﺘﻬﺎ ...
" ﻋﻤﻤﻤﻤﺮ ﻫﻴﺎﺍﺍ .."
ﻭﻗﻔﺖ ﻓﻤﻜﺎﻧﻬﺎ ﻭﺷﺒﺤﺖ ﻟﻠﺠﻬﻪ ﺍﻟﺘﺎﻧﻴﻪ ..
ﻟﻘﺎﺗﻪ ﻭﺍﻗﻒ ﻉ ﺷﺎﺏ ....
ﺷﻮﻳﻪ ﻭﻃﻠﻊ ﻭﺍﺣﺪ ﺗﺎﻧﻲ ﻳﻀﺤﻚ ﻭﻳﺘﻨﻄﻮﻁ ...
" ﺧﺪﻳﺘﻬﺎ ﻣﻠﻮﻛﻪ "😂
ﺍﻟﻤﻬﻢ ...
ﺍﺑﺘﺴﻤﺖ ﻟﻤﺎ ﺷﺎﻓﺎﺗﻪ ﻋﺮﻓﺎﺗﻪ ﻋﻤﺮ ...
ﻋﺮﻭﺑﻪ " ﻳﺎﺍﻟﻠﻪ ﺷﻮ ﻛﺒﺮ ﻭﺗﻐﻴﺮ ﺑﺲ ﻣﺒﻴﻦ ﻋﻠﻴﻪ ﻟﺴﺎﺗﻮ ﻣﺠﻨﻮﻥ ﺿﺤﻜﺖ .."
ﺷﺒﺤﺖ ﻟﻬﺎﻧﻴﺒﺎﻝ ﺗﻨﻬﺪﺕ ﺑﻀﻴﻖ ...
ﻭﻣﺸﺖ ﻃﻮﻝ ﺧﺸﺖ ﻟﻠﺤﻮﺵ ..
....
ﻫﺎﻧﻴﺒﺎﻝ : ﺭﺩﻭﺍ ﺑﺎﻟﻜﻢ ﻉ ﺍﻣﻜﻢ ..
ﻋﻤﺎﺩ ﺑﻀﺤﻜﻪ : ﺧﻄﺮﺕ ﻋﻠﻴﺎ ﺣﻨﺎﻱ ﻓﺎﻃﻤﻪ ...
ﻫﺎﻧﻴﺒﺎﻝ ﺿﺮﺑﻪ ﻉ ﺫﺭﺍﻋﻪ .. ﻭﻣﺸﻲ ﺭﻛﺐ ﺍﻟﺴﻴﺎﺭﺓ .
ﻭﻋﻤﺎﺩ ﻗﻌﺪ ﻳﺘﺤﺴﺲ ﻓﻴﺪﻩ ﻭﻳﻀﺤﻚ ..
ﻋﻤﺮ ﺑﻀﺤﻜﻪ : ﺯﻱ ﻣﺎﻭﺻﻴﺘﻚ ﻳﺎﻋﻤﺎﺩ ﻋﻴﻮﻧﻚ ﻋﻠﻴﻬﺎ ﻣﺎﺗﺨﻠﻲ ﺣﺪ ﻳﻘﺮﺏ ﻣﻨﻬﺎ ...
ﻋﻤﺎﺩ ﺑﻀﺤﻜﻪ؛ﻫﻬﻬﻬﻬﻬﻬﻪ ﺑﺎﻫﻲ ﻳﺎﻣﺠﻨﻮﻥ ﻟﻴﻠﻰ ﺍﻧﺖ .
ﺷﺒﺤﻠﻪ ﻉ ﺟﻨﺐ ﻭﻣﺸﻲ ﺭﻛﺐ ﺍﻟﺴﻴﺎﺭﺓ ...
ﺳﻠﻤﻮﺍ ﻫﺎﻧﻴﺒﺎﻝ ﻭﻋﻤﺮ ﻉ ﻋﻤﺎﺩ ..
ﻭﻋﻤﺎﺩ ﺭﻓﻊ ﻳﺪﻩ ﻭﻗﺎﻝ : ﻓﻲ ﺍﻣﺎﻥ ﺍﻟﻠﻪ .
ﺗﺤﺮﻛﺖ ﺍﻟﺴﻴﺎﺭﺓ ...
ﺷﺒﺢ ﻋﻤﺎﺩ ﻟﺤﻮﺵ ﺟﻴﺮﺍﻧﻬﻢ ﺍﻟﻠﻲ ﻗﺪﺍﻣﻬﻢ ..
ﻟﻘﻲ ﺑﻨﺖ ﺟﻴﺮﺍﻧﻬﻢ ﺗﺮﺍﻗﺐ ﻣﻦ ﻭﺭﺍ ﺳﺘﺎﺭ ﺍﻟﺮﻭﺷﻦ ..
ﺿﺤﻚ ﻭﻗﺎﻝ : ﻳﻀﺮﺏ ﺍﻟﺤﺐ ﺍﻟﻠﻲ ﻭﺻﻞ ﺣﺘﻰ ﻓﻌﻤﺮ ﻭﻣﺎﺟﺎﻧﻲ ...
🍁🍁🍁🍁🍁
ﻭﻗﺎﻟﻮﺍ ﺧﻄﻔﻬﺎ ﻭﻋﺪﻯ ﺑﻴﻬﺎ ...
ﺳﻌﻴﺪﻩ ﺧﺒﻄﺖ ﻳﺪﻫﺎ ﻉ ﻭﺟﻬﻬﺎ : ﺣﻲ ﻳﺎﺣﻲ
ﻋﺰﻳﺰﺓ : ﻟﻬﺎﻟﺪﺭﺟﻪ ﻣﻬﺒﻼﺗﻪ ﻫﺎﻟﺼﻔﺮﺍ ﻫﺪﻱ ....
ﺳﻌﻴﺪﻩ؛ﺍﻳﻪ ﻭﺷﻦ ﺳﻤﻌﺘﻴﻬﻢ ﻗﺎﻟﻮﺍ ﺗﺎﻧﻲ .
ﺭﺯﺍﻥ : ﻗﺎﻟﻮﺍ ﻋﻤﺘﻲ ﻧﻌﻴﻤﻪ ﺟﺎﻫﺎ ﺳﻜﺮ ..
ﺍﻣﺎﻝ : ﻳﺎﻧﺎﺭﻱ ﻣﺴﻜﻴﻨﻪ .. ﻋﻠﻴﻚ ﻣﺘﻠﻒ ﻫﺎﻟﻌﻤﺎﺭ ﺧﺴﺎﺭﺓ ﻣﺎﻛﺎﻧﻮﺍ ﻳﺤﻜﻮﺍ ﻋﻨﻪ ﻭﻋﻦ ﻋﻘﻠﻪ ﻭﺭﺯﺍﻧﺘﻪ ..
ﺳﻌﻴﺪﻩ : ﻫﺒﻼﺗﻪ ﺍﻟﺼﻔﺮﺍ ﺑﻨﺖ ﻧﻌﻴﻤﻪ ..... ﺑﺎﻫﻲ ﻭﺷﻦ ﺗﺎﻧﻲ ..
ﺭﺯﺍﻥ : ﺳﻤﻌﺖ ﻋﻤﺘﻲ ﻏﺎﻟﻴﻪ ﻭﻫﻲ ﺗﻜﻠﻢ ﻓﻲ ﻋﻤﺘﻲ ﻛﻔﺎﻳﻪ ﻗﺎﻟﺘﻠﻬﺎ ﻭﻣﻦ ﻳﺒﻲ ﻧﺨﻄﺒﻮﻟﻪ ﻫﺎﻧﻴﺒﺎﻝ ..
ﺍﻣﺎﻝ ﻗﻠﺒﻬﺎ ﻭﺟﻌﻬﺎ ...💔
ﺳﻌﻴﺪﻩ : ﻫﺎﻧﻴﺒﺎﻝ ﺑﻴﺨﻄﺐ !!. ﻃﻠﻌﻠﻪ ﺍﻟﻘﺮﺽ ﺗﻮﺍ ﺧﻼﺹ ﺑﻴﺘﻢ ﺣﻮﺷﻪ .. ﺍﻛﻴﺪ ﺑﻴﺘﺰﻭﺝ ﻭﻣﻦ ﺯﻋﻤﻪ ...
🍁🍁🍁🍁🍁🍁
ﺍﻟﺴﺎﻋﻪ ﺍﻟﻮﺍﺣﺪﻩ ﻇﻬﺮﺍ ...
" ﻣﺮﺍﺍﺍﻡ .."
ﻓﻲ ﺍﻟﻜﻮﺟﻴﻨﻪ ..
ﻣﺮﺍﻡ ﺑﻀﺤﻜﻪ : ﺿﻮ ﺭﻭﺡ ...
ﻃﻠﻌﺖ ﻣﻦ ﺍﻟﻜﻮﺟﻴﻨﻪ ﻭﻣﺸﺘﻠﻪ ..
ﻣﺮﺍﻡ ﺑﺈﺑﺘﺴﺎﻣﻪ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ .
ﺿﻮ ﺑﺄﺑﺘﺴﺎﻣﻪ : ﺍﻟﻠﻪ ﻳﺴﻠﻤﻚ ... ﺍﻟﺤﻮﺵ ﻓﺎﺿﻲ ..
ﻣﺮﺍﻡ ﻭﻫﻲ ﺗﺎﺧﺪ ﻣﻨﻪ ﻓﻲ ﺍﻛﻴﺎﺱ ﺣﺎﺟﺎﺕ ﺟﺎﻳﺒﻬﻢ : ﻋﺪﺕ ﻟﺠﺎﺭﺗﻨﺎ ﺍﻟﺴﺎﻛﺘﻪ ... ﺍﻛﻴﺪ ﻉ ﺧﺸﻪ ..
ﻭﻣﺸﺖ ﻃﻮﻝ ﻟﻠﻜﻮﺟﻴﻨﻪ ..
ﻫﻮ ﺟﺎﻱ ﺑﻴﻤﺸﻲ ﻟﺪﺍﺭﻩ ﺧﺸﺖ ﺍﻣﻪ ...
ﻣﺮﺿﻴﻪ : ﺿﻮﻭﻭ ...
ﺍﻟﺘﻔﺖ ﻷﻣﻪ ﻣﺸﺎﻟﻬﺎ ﻭﺳﻠﻢ ﻋﻠﻴﻬﺎ ..
ﺿﻮ : ﻛﻴﻒ ﺣﺎﻟﻚ ﻳﻤﻲ ..
ﻣﺮﺿﻴﻪ : ﺍﻟﺤﻤﺪ ﻟﻠﻪ ... ﺍﻧﺖ ﻛﻴﻒ ﺣﺎﻟﻚ ..
ﺿﻮ : ﺍﻟﺤﻤﺪ ﻟﻠﻪ ..
ﻣﺮﺿﻴﻪ : ﺍﻥ ﺷﺎﺀ ﺍﻟﻠﻪ ﺗﻜﻮﻥ ﻣﺮﻭﺡ ﻭﺑﺪﻳﺮ ﻛﻴﻒ ﺻﺎﺣﺒﻚ ..
ﻣﺮﺍﻡ ﺟﺖ ﺑﺘﻄﻠﻊ ﻣﻦ ﺍﻟﻜﻮﺟﻴﻨﻪ ﻟﻤﺎ ﺳﻤﻌﺖ ﻛﻠﻤﺔ ﺍﻣﻬﺎ ﻭﻗﻔﺖ ..
ﺿﻮ ﺑﻀﺤﻜﻪ : ﻣﻨﻮ ﻣﻨﻬﻢ ..
ﻣﺮﺿﻴﻪ : ﻫﺎﻧﻴﺒﺎﻝ ﻭﻟﺪ ﻋﻴﺖ ﺭﻣﻀﺎﻥ .. ﺗﻼﻗﻴﺖ ﺍﻧﻲ ﻭﺍﻣﻪ ﺍﻟﻴﻮﻡ ﻋﻨﺪ ﺍﻟﺴﺎﻛﺘﻪ ﻭﻗﺎﻟﺖ ﺑﻴﺨﻄﺐ ﺍﻷﻳﺎﻡ ﺍﻟﺠﺎﻳﻪ ﻃﺮﺍﺑﻠﺴﻴﻪ ..
ﺿﻮ : ﻫﻬﻬﻬﻬﻬﻬﻬﻬﻬﻪ ﻣﺴﺮﻉ ﻗﺎﻟﺘﻬﺎ ...
...💔🍃
ﺣﺴﻴﺘﻮﺍ ﺑﻜﺴﺮﺓ ﻗﻠﺒﻬﺎ ...
ﺍﻧﻲ ﻋﻦ ﻧﻔﺴﻲ ﺣﻄﻴﺖ ﺭﻭﺣﻲ ﻣﻜﺎﻧﻬﺎ ..
ﻭﺧﻞ ﻧﺼﺮﺡ ﺑﻴﻦ ﺳﻄﻮﺭ ﻫﺎﻟﺮﻭﺍﻳﻪ .. ﺍﻧﻲ ﻋﺸﺖ ﺷﻌﻮﺭ ﻣﺮﺍﻡ ﺣﺮﻓﻴﺎ 🍃..
ﻭﺍﺍﺍﺍﻋﺮ .... ﻭﻳﺤﺮﻕ ﺍﻟﺮﻭﺡ ﻣﻦ ﺩﺍﺧﻞ ...
ﺗﻌﻴﺸﻲ ﻋﻤﺮ ﻭﺍﻧﺘﻲ ﺗﺤﺒﻲ ﻓﻲ ﻭﺍﺣﺪ ... ﻣﺎﺗﺘﺨﻴﻠﻴﺶ ﻏﻴﺮﻩ ﻳﻜﻮﻥ ﺭﺍﺟﻠﻚ ﻭﺷﺮﻳﻚ ﺣﻴﺎﺗﻚ .. ﻣﺎﻗﺪﺭ ﺣﺪ ﻳﻌﺒﻲ ﻋﻴﻮﻧﻚ ﻏﻴﺮﻩ
ﺗﺤﺒﻲ ﺑﻜﺘﻤﺎﻥ .. ﻭﺗﻄﻠﺒﻴﻪ ﻣﻦ ﺍﻟﻠﻪ ﻓﻲ ﻛﻞ ﺩﻋﻮﺓ
ﻭﻛﻞ ﻳﻮﻡ ﻳﺰﻳﺪ ﻳﻜﺒﺮ ﺣﻠﻤﻚ ﺑﻴﻪ ﻭﺃﻣﻠﻚ ﺍﻧﻪ ﻳﻜﻮﻥ ﻟﻴﻚ ﻓﻲ ﻳﻮﻡ ﻣﻦ ﺍﻷﻳﺎﻡ ...
ﺑﺲ ﻣﻊ ﺍﻷﺳﻒ ... ﺗﻨﻮﺿﻲ ﻣﻦ ﺍﺣﻼﻣﻚ ﻫﺎﺩﻱ ﻉ ﻭﺍﻗﻊ ﻳﻔﺠﻊ ..
ﺻﺪﻣﺘﻬﺎ ﻛﺎﻧﺖ ﻗﻮﻳﻪ ﻗﻮﻳﻪ ﻫﻠﺒﻪ ...
ﺣﺪﻫﺎ ﻃﻠﻌﺖ ﻣﻦ ﺍﻟﻜﻮﺟﻴﻨﻪ ﻭﻣﺸﺖ ﻟﻠﺪﺍﺭ ...
ﺧﺸﺖ ﺳﻜﺮﺕ ﻉ ﺭﻭﺣﻬﺎ ﻭﻫﻲ ﺗﺮﻋﺶ ...
ﻗﻌﺪﺕ ﺍﺩﻭﺭ ﻓﻲ ﺍﻟﺪﺍﺭ ﻭﺗﺒﻜﻲ ﻭﻫﻲ ﺗﺮﺟﻒ ...
ﻭﺗﻘﻮﻝ ...
" ﻟﻌﻠﻪ ﺧﻴﺮ ... ﻟﻌﻠﻪ ﺧﻴﺮ ...
ﺍﻟﻠﻬﻢ ﺍﺟﺮﻧﻲ ﻓﻲ ﻣﺼﻴﺒﺘﻲ ﻭﺍﺧﻠﻔﻨﻲ ﺧﻴﺮﺍ ﻣﻨﻬﺎ .."
ﻭﺗﺒﻜﻲ ﻭﻫﻲ ﺗﺮﻋﺶ ﻣﻊ ﺑﻌﻀﻬﺎ ﻣﻦ ﻫﻮﻝ ﺍﻟﺨﺒﺮ ﺍﻟﻠﻲ ﺳﻤﻌﺎﺗﻪ ...
ﻧﺮﺟﻊ ﻭﻧﻘﻮﻝ ﻣﺶ ﺣﻴﺤﺲ ﺑﺸﻌﻮﺭ ﺍﻟﻌﺸﺎﻕ ﺍﻻ ﺍﻟﻠﻲ ﻛﺎﻥ ﻋﺎﺷﻖ ﻳﻮﻣﺎ ﻣﺎ 💔🍃
🍁 ﺑﺲ ﺍﻟﺤﺐ ﻣﻦ ﻃﺮﻑ ﻭﺍﺣﺪ ..
ﻳﻌﻨﻲ ... ﻣﺶ ﻋﺎﺭﻓﻪ ﺷﻦ ﻧﺤﻜﻲ ﻋﻨﻪ ....
ﺑﺲ ﻧﻘﺪﺭ ﻧﻘﻮﻝ ﺍﻥ ﻫﻮ ﺃﻟﻢ ... ﺃﻟﻢ ﻣﺘﺸﺒﻪ ﺑﺎﻟﺤﺐ ...
ﺍﻭ ﻻﺑﺲ ﺛﻮﺑﻪ ..
ﺷﻌﻮﺭ ﺣﻤﺰﺓ ﺑﺪﻱ ﻳﺮﺟﻊ ﻳﻘﻮﻯ ﺍﺗﺠﺎﻩ ﺩﻻﻝ ﺑﺎﻟﺬﺍﺕ ﺑﻌﺪ ﺍﻟﻠﻲ ﺻﺎﺭ
ﻣﻌﺎﻫﺎ ﻣﺆﺧﺮﺍ ...
ﺣﻂ ﻓﻲ ﺑﺎﻟﻪ ﺍﻥ ﺩﻻﻝ ﺍﻛﻴﺪ ﻛﺮﻫﺖ ﻋﻤﺎﺭ ﺑﻌﺪ ﻛﻞ ﺷﻲ ﺩﺍﺭﻩ ...
ﻭﻣﺶ ﻋﺎﺭﻓﻪ ﻛﻴﻒ ﺑﺪﻱ ﻳﻔﻜﺮ ﺑﺠﻨﻮﻥ ﻫﻮ ﺍﻟﺘﺎﻧﻲ ...
ﻭﺣﺘﻌﺮﻓﻮﺍ ﻓﻲ ﺍﻟﻘﺮﻳﺐ ﺍﻟﻌﺎﺟﻞ ... ﺗﻔﻜﻴﺮﻩ ﻭﻳﻦ ﺑﻴﺎﺧﺪﻩ ...
🍁 ﺑﺲ ﻣﻌﻠﻴﺶ ﻳﺎﺣﻤﺰﺓ ...
ﻣﺎﻓﻲ ﺣﺪ ﻳﻄﻠﻌﻠﻪ ﻣﻊ ﺍﻟﻌﺎﺷﻖ ﺍﻟﻤﺘﻤﺮﺩ ﻣﻦ ﺍﻟﻄﺮﺍﺯ ﺍﻟﺮﻓﻴﻊ ...
ﻋﻤﺎﺭ .. 💓
ﻭﺻﻠﻮﺍ ﻟﻠﺤﻮﺵ ..
ﺩﻻﻝ ﺭﻛﺰﺕ ﺍﻥ ﺍﻟﺤﻮﺵ ﻭﻻ ﺣﻮﺍﻟﻴﻪ ﺣﺮﺱ ﻣﺘﺮﺷﻘﻴﻦ ﻓﻲ ﻛﻞ ﺗﺮﻛﻴﻨﻪ ..
ﻟﻔﺖ ﻭﺟﻬﻬﺎ ﻭﺷﺒﺤﺖ ﻟﻌﻤﺎﺭ ..
ﻟﻘﺎﺗﻪ ﻳﺴﻮﻕ ﻭﻳﺸﺒﺢ ﺍﻟﻘﺪﺍﻡ ..
ﺷﺒﺤﺖ ﺍﻟﻘﺪﺍﻡ ﻭﻫﻲ ﺗﺤﺮﻙ ﻓﺮﺍﺳﻬﺎ ﺍﻳﻤﻴﻦ ﻭﻳﺴﺎﺭ ..
ﺧﺸﺖ ﺍﻟﺴﻴﺎﺭﺓ ﻟﻠﺤﻮﺵ ...
ﺩﺭﺱ ﻭﻧﺰﻝ ...
ﻣﺸﺎﻟﻬﺎ ﻓﺘﺤﻠﻬﺎ ﺍﻟﺒﺎﺏ ﺑﺎﻟﻤﻔﺘﺎﺡ ..
ﻧﺰﻟﺖ ﻭﻛﻤﻠﺖ ﺍﻟﻘﺪﺍﻡ ..
ﻫﻮ ﺍﺑﺘﺴﻢ ﻭﺻﻜﺮ ﺍﻟﺒﺎﺏ ... ﻭﻣﺸﻲ ﻟﻠﺒﺎﺏ ﺍﻟﺨﻠﻔﻲ ﻓﺘﺤﻪ ﻭﻃﻠﻊ ﺍﻟﺸﻨﻄﻪ ...
ﺑﺪﺕ ﺍﻟﻤﻄﺮ ﺗﺒﺸﺒﺶ ...
ﻫﻮ ﺷﺒﺢ ﻟﻮﻃﺎ ﻟﻘﻲ ﺍﻷﺭﺽ ﻣﻨﻘﻄﻪ ﺑﻘﻄﺮﺍﺕ ﺍﻟﻤﻴﻪ ...
ﺧﺪﻱ ﺍﻟﺸﻨﻄﻪ ﻭﻣﺸﺎﻟﻬﺎ ﺑﻌﺪ ﺻﻜﺮ ﺍﻟﺒﺎﺏ ...
ﻫﻲ ﻛﺎﻧﺖ ﺗﺸﻮﻑ ﻟﻠﺴﻤﻲ ﻛﻴﻒ ﻣﻐﻄﻴﻪ ﺑﺎﻟﻐﻴﻮﻡ ..
ﻭﺻﻞ ﻓﻴﻬﺎ ﻭﻗﺎﻝ ﺑﻀﺤﻜﻪ : ﺣﺘﻰ ﺍﻟﻤﻄﺮ ﺻﺒﺖ ﻣﻨﻴﻦ ﺟﻴﺘﻲ ..
ﺩﻻﻝ ﻧﺰﻟﺖ ﻋﻴﻮﻧﻬﺎ ﻭﺷﺒﺤﺘﻠﻪ ﺑﺤﺪﻩ ﺑﻌﺪﻳﻦ ﺷﺒﺤﺖ ﻟﻠﺒﺎﺏ ..
ﻫﻮ ﺿﺤﻚ ﻭﻗﺪﻡ ﻓﺘﺢ ﺍﻟﺒﺎﺏ ﻭﺧﺮ ...
ﻫﻲ ﺧﺸﺖ ﻭﻫﻮ ﺧﺶ ﻭﺭﺍﻫﺎ ﻭﺻﻜﺮ ﺍﻟﺒﺎﺏ ...
ﺗﻨﻬﺪ ﺗﻨﻬﻴﺪﻩ ﻫﻲ ﺳﻤﻌﺘﻬﺎ ﻭﻗﺎﻝ : ﻣﻦ ﻏﻴﺮﻙ ﻛﺎﻥ ﺧﺮﺍﺏ ..💓
ﻫﻲ ﻣﺎﺑﺘﺶ ﺗﻌﺒﺮﻩ ﻭﻣﺸﺖ ﻟﻠﺪﺍﺭ ..
ﻫﻮ ﺍﺑﺘﺴﻢ ﻭﻣﺸﻲ ﻭﺭﺍﻫﺎ ..
ﺧﺸﺖ ﺧﺶ ﺑﻌﺪﻫﺎ ..
ﺣﻂ ﺍﻟﺸﻨﻄﻪ ﻭﻗﺎﻝ : ﺍﻟﻠﻲ ﻉ ﺍﻟﺰﻳﺎﻧﻪ ﺗﻠﻴﻔﻮﻧﻚ ﺗﻠﻘﻲ ﻓﻮﺳﻄﻪ ﺷﻔﺮﺗﻴﻦ ﻟﻴﺒﻴﺎﻧﺎ ﻭﻣﺪﺍﺭ ...
ﻣﺴﺠﻞ ﻓﻴﻬﻦ ﺭﻗﻤﻲ ﻭﺍﻧﺘﻲ ﺳﺠﻠﻲ ﻣﻦ ﺗﺒﻲ ﻭﻃﺒﻌﺎ ﻋﺎﺭﻓﻪ ﺧﻄﻮﻃﻲ ﺍﻟﺤﻤﺮ ..
ﻣﻦ ﺍﻟﻴﻮﻡ ... ﻟﺤﻮﺵ ﻫﻠﻲ ﻣﺶ ﺣﺘﻌﺪﻱ ﺍﻻﻟﻤﺎ ﻧﺒﺪﺍ ﺍﻧﻲ ﻣﺴﺎﻓﺮ ﺍﻭ ﻋﻨﺪﻱ ﻃﻠﻌﻪ ﺑﺮﺍ ﺳﺮﺕ ...
ﺍﺧﺮ ﺷﻲ ... ﻣﺮﺓ ﺗﺎﻧﻴﻪ ﻳﺼﻴﺮ ﻣﻌﺎﻙ ﺍﻱ ﺷﻲ ﺍﻧﻲ ﺍﻭﻝ ﻭﺍﺣﺪ ﻻﺯﻡ ﻧﻌﻠﻢ ﺑﻴﻪ ....
ﺍﻳﻴﻴﻪ .. ﻭﺣﺎﺟﻪ ﺗﺎﻧﻴﻪ ... ﺗﺼﺮﻓﺖ ﻓﻲ ﺣﻜﺎﻳﺔ ﺍﻟﻘﺮﺍﻳﻪ ﻫﻤﺎ ﺗﻮﺍ ﺧﺎﺷﻴﻦ ﻉ ﺍﻹﻣﺘﺤﺎﻧﺎﺕ ﺍﻟﺠﺰﺀ ﺍﻷﻭﻝ ... ﺍﺷﺒﺤﻴﻠﻲ ﻫﻨﻰ ..
ﺍﻟﺘﻔﺖ ﻭﺷﺒﺤﺘﻠﻪ ﺑﻜﺒﺮ .
ﻋﻤﺎﺭ ﺍﺷﺮ ﺑﺼﺒﻌﻪ ﻉ ﺍﻟﺪﻭﻻﺏ : ﺗﻠﻘﻲ ﺍﻟﻤﻨﺎﻫﺞ ﻛﺎﻣﻠﻪ ﻓﻴﻪ ... ﺧﻮﺩﻱ ﻭﻗﺘﻚ ﻭﺍﻗﺮﻱ ... ﻭﻫﻤﺎ ﺣﻴﺮﺍﻋﻮﻙ ﺑﺈﻋﺘﺒﺎﺭﻙ ﺧﺸﻴﺘﻲ ﻣﺘﺄﺧﺮ ..
ﻭﻣﻦ ﻏﺪﻭﺓ ﺗﻌﺪﻱ .. ﻣﻔﻬﻮﻡ ..
ﺩﻻﻝ ﺑﺘﻬﻜﻢ : ﻏﻴﺮ ﺯﻳﺪ ﺩﻭﺭ ﺑﺎﻟﻚ ﻓﻲ ﺍﻣﺮ ﻧﺴﻴﺘﻪ ﻭﻻﺭﺍﺡ ﻭﻻﻃﺎﺡ ﻣﻨﻚ ﻫﻨﻲ ﻭﻻﻫﻨﻲ ..
ﻋﻤﺎﺭ ﺿﺤﻚ ﻣﻦ ﻗﻠﺒﻪ ﻟﻴﻦ ﺭﺍﺳﻪ ﻭﺧﺮ ﻟﻠﺨﻠﻒ ..
ﻭﻫﻲ ﺑﺘﻤﻮﺕ ﻣﻦ ﺍﻟﻐﻴﻆ ..
ﻫﺪﺍ ﻭﻗﺎﻝ : ﻫﻬﻬﻬﻪ ... ﺗﻮ ﻣﺎﻓﻴﺶ ﻏﻴﺮ ﻫﺎﻷﻭﺍﻣﺮ .. ﺗﻮ ﻧﻘﻌﻤﺰ ﻣﻊ ﺭﻭﺣﻲ ﻭﻧﺸﻮﻑ ﻛﺎﻥ ﻧﺴﻴﺖ ﺣﺎﺟﻪ ..
ﺭﻓﻊ ﺣﺎﺟﺒﻪ ﻭﻗﺎﻝ؛ﻋﺪﻱ ﺗﻮﺿﻲ ﺍﻟﻈﻬﺮ ﻗﺮﻳﺐ ..
ﻭﻟﻒ ﻭﻃﻠﻊ ...
ﺩﻻﻝ ﺑﻐﻴﻆ : ﺗﻼﺍﺍﺍﺍﺟﻪ ﻳﺎﻧﺎﺱ ..
ﺣﻮﻟﺖ ﺍﻟﻮﺷﺎﺡ ﺑﻨﺮﻓﺰﺓ ﻭﻟﻮﺣﺎﺗﻪ ﻉ ﺍﻟﺴﺮﻳﺮ ...
ﺳﻤﻌﺖ ﺻﻮﺕ ﺍﻟﻤﻄﺮ ﺑﺪﻱ ﻳﻘﻮﻯ ...
ﺗﻨﻬﺪﺕ ... ﻭﻣﺸﺖ ﻟﻠﺤﻤﺎﻡ ..
ﺍﻣﺎ ﻫﻮ ﻃﻠﻊ ﺑﺮﺍ ﻭﻗﻒ ﺗﺤﺖ ﺍﻟﻤﻈﻠﻪ ﻭﺍﺟﻬﺔ ﺍﻟﺤﻮﺵ ﻭﻗﻌﺪ ﻳﺘﻔﺮﺝ ﻉ ﺍﻟﻤﻄﺮ ....
ﻋﺎﺭﻑ ﺍﻟﺪﻋﺎﺀ ﻣﺴﺘﺠﺎﺏ ﻓﻲ ﻫﺎﻟﻮﻗﺖ ..
ﻗﺎﻝ ﻣﻦ ﻗﻠﺒﻪ ..
" ﺍﻟﻠﻬﻢ ﺍﻧﻲ ﺍﻋﻮﺫ ﺑﻚ ﻣﻦ ﺯﻭﺍﻝ ﻧﻌﻤﺘﻚ "💖
🍁🍁🍁🍁🍁
ﻭﺍﺧﺘﻜﻢ ﺷﻨﻮ ﺣﺎﻟﻬﺎ ..
ﻫﺎﻧﻴﺒﺎﻝ : ﺣﺎﻟﻬﺎ ﺑﺎﻫﻲ ﻳﻤﻲ ...
ﺍﻟﻬﺎﺩﻱ ﺗﻨﻬﺪ ﻭﻗﺎﻝ : ﻳﻠﻼ ﻣﺎﺻﺎﺭ ﺷﻲ ﻣﺮﺍﺓ ﻭﻭﻟﺖ ﻟﺮﺍﺟﻠﻬﺎ ..
ﻓﺎﻃﻤﻪ : ﻭﻋﺒﺎﻟﺴﻼﻡ ..
ﻫﺎﻧﻴﺒﺎﻝ : ﻋﻴﻂ ﺷﻮﻱ ﻭﺑﻌﺪﻳﻦ ﺳﻜﺖ ..
ﻓﺎﻃﻤﻪ ﺑﺄﺳﻒ : ﺍﺍﻟﻠﻪ ﻳﺴﺎﻣﺤﻚ ﻳﺎﻭﻟﻴﺪ ﺧﻮﻱ ..
ﺍﻟﻬﺎﺩﻱ : ﺧﺎﻟﻲ ﻣﺎﺍﺗﺼﻠﺶ ﻭﻻ ..
ﻓﺎﻃﻤﻪ : ﻻ ﻫﻮ ﺍﺗﺼﻞ ﻭﻻﺍﻧﻲ ﺑﻴﺖ ﻧﺘﺼﻞ ..
ﻫﺎﻧﻴﺒﺎﻝ : ﺳﻴﺪﻱ ﻋﻠﻢ ..
ﻓﺎﻃﻤﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻗﺎﻟﺖ : ﻗﺎﻝ ﻣﺮﺟﻮﻉ ﺍﻟﻤﺮﺍﺓ ﻟﺮﺍﺟﻠﻬﺎ ..
ﺿﺤﻜﻮﺍ ﺍﻟﻬﺎﺩﻱ ﻭﻫﺎﻧﻴﺒﺎﻝ ﺑﺘﻬﻜﻢ ..
ﻓﺎﻃﻤﻪ : ﺍﻳﻪ ﻗﻮﻟﻲ ﺷﻦ ﺣﻜﺎﻳﻪ ﺍﻟﺨﻄﺒﻪ ﻫﺪﻱ ..
ﺍﺑﺘﺴﻢ ﺍﻟﻬﺎﺩﻱ ﻭﻫﺎﻧﻴﺒﺎﻝ ﺑﺪﻱ ﻳﺤﻜﻲ ﻷﻣﻪ ...
......
ﻭﺑﺘﻌﻴﺶ ﻓﻄﺮﺍﺑﻠﺲ ﻭﻻﻫﻨﻰ ..
ﻏﺎﻟﻴﻪ : ﻉ ﻛﻼﻡ ﻛﻔﺎﻳﻪ ﻫﻨﻰ ..
ﺳﻤﻴﻪ : ﻭﺯﻋﻢ ﺗﺮﺿﻰ ﺗﻌﻴﺶ ﻫﻨﻰ ..
ﻏﺎﻟﻴﻪ : ﻳﺎﻣﺎ ﻃﺮﺍﺑﻠﺴﻴﺎﺕ ﻭﻻﻋﺎﻳﺸﺎﺕ ﻓﻲ ﻃﺮﺍﺑﻠﺲ ﺗﺰﻭﺟﻦ ﻣﻦ ﻫﻨﻰ ﻭﻛﻤﻠﻦ ﺣﻴﺎﺗﻬﻦ ﻫﻨﻰ ..
ﺳﻤﻴﻪ ﺍﺑﺘﺴﻤﺖ : ﺭﺑﻲ ﻳﺘﻤﻢ ﻉ ﺧﻴﺮ ..
ﻏﺎﻟﻴﻪ ﺑﺄﺑﺘﺴﺎﻣﻪ : ﺍﻟﻠﻬﻢ ﺍﻣﻴﻦ .. ﺍﻳﻪ ﻗﻮﻟﻴﻠﻲ ﻃﻠﻊ ﻭﻟﻴﺪ ..
ﺳﻤﻴﻪ ﺣﻄﺖ ﻳﺪﻫﺎ ﻉ ﺑﻄﻨﻬﺎ ﻭﻗﺎﻟﺖ ﺑﻀﺤﻜﻪ : ﺍﻳﻪ ﻭﻟﻴﺪ
....
ﻓﻲ ﺍﻟﻜﻮﺟﻴﻨﻪ ..
ﺑﺮﻭﺯﺗﻬﺎ ........... ﻫﻬﻬﻬﻬﻬﻬﻪ ... ﺍﻳﻪ ............ ﻻﻋﺎﺩ ﻭﺍﺟﺪ ﺻﺪﻳﻖ ﻫﻜﻲ ..
ﻫﻬﻬﻬﻬﻬﻬﻪ ........ ﻭﻛﺎﻥ ﺟﻴﺘﻚ ﺳﻤﻴﻨﻪ ﻣﺎﺗﻘﻮﻝ ﺷﻲ ........ ﺍﺑﺘﺴﻤﺖ ﺑﺨﺠﻞ ......... ﺑﺎﺍﺍﻫﻲ ﻳﺎﺳﻴﺪﻱ ...... ﺑﺎﻫﻲ ...
" ﺣﻤﻴﺪﻩ "
ﺣﻤﻴﺪﻩ ﺑﺨﻠﻌﻪ؛ﺧﻼﺹ ﻳﺎﺭﺍﻭﻳﻪ ﺗﻮ ﺑﻌﺪﻳﻦ ﺗﺠﻲ ﺣﺪﺍ ﺍﻟﻔﺮﻥ ﻭﻧﻜﻤﻠﻮﺍ ﻛﻼﻣﻨﺎ .. ﺑﺎﻟﺴﻼﻣﻪ ... ﻭﺻﻜﺮﺕ ﻭﺍﻟﺘﻔﺘﺖ ﻟﺨﻮﻫﺎ ..
ﻣﺤﻤﺪ ﺑﺸﻚ : ﻣﺎﺯﺍﻝ ﺍﻟﻐﺪﻱ ..
ﺣﻤﻴﺪﺓ ﻭﻭﺟﻬﻬﺎ ﺍﺻﻔﺮ : ﺧﻼﺹ ﻗﺮﻳﺐ ﻳﻄﻴﺐ ..
ﺣﺮﻙ ﺭﺍﺳﻪ ﺑﺄﻳﺠﺎﺏ ﻭﻃﻠﻊ ...
ﺣﻤﻴﺪﻩ ﺑﻬﻤﺲ : ﺣﻘﻴﺮ ...
" ﻣﺤﻤﺪ ﻭﻋﻤﺮ ﻣﺎﻳﺒﻮﻫﺎﺵ ﺗﻜﻠﻢ ﺻﺪﻳﻖ ﺑﺎﻟﺘﻠﻴﻔﻮﻥ ﺑﺮﻏﻢ ﺍﻧﻪ ﺭﺍﺟﻠﻬﺎ ﻟﻜﻦ ﻫﻤﺎ ﻋﻘﻠﻴﺘﻬﻢ ﻣﺶ ﻋﺎﺭﻓﻪ ﻛﻴﻒ "😞
🍃🍃🍃🍃🍃🍃🍃
ﻭﺗﻤﺮ ﺍﻷﻳﺎﻡ ...
ﻭﺗﺘﺒﻌﻬﺎ ﺍﻷﻳﺎﻡ ....
ﻟﻴﻦ ﻓﺎﺗﻮﺍ ﺑﺎﻟﺰﺑﻂ 60 ﻳﻮﻡ ....
🍁 ﺑﻌﺖ ﻓﻴﻬﻢ ﻫﺎﻧﻴﺒﺎﻝ ﺍﻫﻠﻪ ﻟﻄﺮﺍﺑﻠﺲ ﺑﺶ ﻳﺨﻄﺒﻮﺍ ﻣﺠﺪﻭﻟﻴﻦ ..
ﻣﺸﺖ ﺍﻣﻪ ... ﻭﺣﻤﻴﺪﻩ ﻭﺯﻳﻨﺐ ...
ﺗﻔﺎﺟﺌﻮﺍ ﺑﺎﻟﺤﺎﻟﻪ ﺍﻟﻤﺮﻓﻬﻪ ﺍﻟﻠﻲ ﻋﺎﻳﺸﻪ ﻓﻴﻬﺎ ﻣﺠﺪﻭﻟﻴﻦ ﻭﺑﻨﻈﺎﻡ ﻋﻴﻠﺘﻬﺎ ﺑﺮﻏﻢ ﺍﻧﻬﻢ ﻧﺎﺱ ﻣﺘﻮﺍﺿﻌﻪ ...
ﺑﺲ ﺍﻹﺧﺘﻼﻑ ﻛﺒﻴﺮ ﻭﻭﺍﺿﺢ ..
ﺑﺎﻟﻨﺴﺒﻪ ﻟﻤﺠﺪﻭﻟﻴﻦ ﻛﺎﻥ ﺗﻠﻘﻰ ﺗﻘﻴﻤﻬﻢ ﻣﻦ ﻉ ﺍﻟﻮﻃﺎ ﻷﻧﻬﻢ ﺍﻫﻞ ﻫﺎﻧﻴﺒﺎﻝ ....
ﺧﻮﺗﻬﺎ ﻭﺑﻮﻫﺎ ﺍﻋﺠﺒﻮﺍ ﻫﻠﺒﻪ ﺑﺸﺨﺼﻴﺘﻪ ﻭﻓﺮﺣﻮﺍ ﺑﻴﻪ ...
ﺑﺲ ﺑﻮﻩ ﻭﺍﻣﻪ ﺍﻟﺰﻭﺯ ﻣﺎﺃﺭﺗﺎﺣﻮﺵ ﻟﻠﻤﻮﺿﻮﻉ ...
ﺑﺎﻟﺬﺍﺕ ﺍﻟﺤﺎﺝ ﺭﻣﻀﺎﻥ ....
ﺍﻟﻤﻬﻢ ﻓﻀﻮﺍ ﻓﻴﻬﺎ ﻭﺍﺗﻔﻘﻮﺍ ﻳﻘﺮﻭﺍ ﺍﻟﻔﺎﺗﺤﻪ ﺑﻌﺪ ﺗﻜﻤﻞ ﺍﻟﺴﻤﺴﺘﺮ ﻭﻗﺎﻝ ﻫﺎﻧﻴﺒﺎﻝ ﺍﻧﻪ ﺣﻴﺪﻳﺮ ﺑﻴﺎﻥ ﻛﺒﻴﺮ ... ﻧﻬﺎﺭ ﻗﺮﺍﻳﺔ ﺍﻟﻔﺎﺗﺤﻪ ...
ﻭﺯﻱ ﺳﻌﺎﺩﺓ ﻣﺠﺪﻭﻟﻴﻦ ﻭﻗﺘﻬﺎ ﻣﺶ ﺣﺘﻠﻘﻮﺍ ..💖
💓💓💓💓💓
ﺍﻣﺎ ﻋﺸﺎﻕ ﺳﺮﺕ ..💓
ﻣﺎﺯﺍﻟﻮﺍ ﻉ ﺣﺎﻟﻬﻢ ...
ﺩﻻﻝ ﻟﻬﺖ ﺑﺎﻟﻘﺮﺍﻳﻪ ﻭﺍﺑﺘﻌﺪﺕ ﻋﻦ ﻛﻞ ﺷﻲ ﻳﺠﻴﺐ ﻭﺟﻊ ﺍﻟﺮﺍﺱ .. ﻗﻌﺪﺕ ﺗﺘﻮﺍﺻﻞ ﻣﻊ ﺍﻫﻠﻬﺎ ﻳﻮﻣﻴﺎ
ﻭﺑﺎﻟﻨﺴﺒﻪ ﻟﺤﻮﺵ ﺍﻫﻞ ﺭﺍﺟﻠﻬﺎ ﻛﺎﻧﺖ ﺗﻤﺸﻲ ﻭﻗﺖ ﺳﻔﺮ ﻋﻤﺎﺭ ﺑﺲ ﻭﺍﻣﻪ ﻭﺧﻮﺍﺗﻪ ﺭﺍﺩﻳﻦ ﺑﺎﻟﻬﻢ ﻋﻠﻴﻬﺎ ...
ﻭﻫﻨﺪﺍ ﻣﻄﻠﻌﻪ ﺭﻭﺣﻬﺎ ﻣﻦ ﺍﻟﺼﻮﺭﺓ ﻣﺆﻗﺘﺎ ﻣﺎﺗﺒﻴﺶ ﺍﺩﻳﺮ ﺍﻱ ﺣﺮﻛﻪ ﻣﺎﺗﻜﻮﻧﺶ ﻓﻲ ﺻﺎﻟﺤﻬﺎ ...
ﻭﺩﻻﻝ ﺍﺭﺗﺎﺣﺖ ﻧﻔﺴﻴﺘﻬﺎ ﻫﻠﺒﻪ ﻣﻦ ﻫﺎﻟﻨﺎﺣﻴﻪ ...
ﺑﺲ ﻣﺴﺘﻐﺮﺑﻪ ﻓﻲ ﺣﺎﺟﻪ ..
ﻋﻤﺎﺭ ﻣﺎﺣﺎﻭﻟﺶ ﻳﻘﺮﺏ ﻣﻨﻬﺎ ﻧﻬﺎﺋﻴﺎ ﻭﻻ ﺑﺄﻱ ﺷﻜﻞ ..
ﺣﺪﻭﺩ ﺗﻮﺍﺻﻠﻪ ﻣﻌﺎﻫﺎ ﺑﺎﻟﻜﻼﻡ ﺑﺲ ...
ﻭﻛﻠﻤﺎﺕ ﻣﺨﺘﺼﺮﺓ ..
ﺻﺢ ﻗﺎﻋﺪﻩ ﻭﺍﺧﺪﻩ ﻉ ﺧﺎﻃﺮﻫﺎ .. ﺑﺲ ﻣﻌﺎﻣﻠﺘﻪ ﻟﻴﻬﺎ ﻣﻀﺎﻳﻘﺘﻬﺎ ﻭﺍﺧﺪﻩ ﻋﻠﻴﻪ ﻳﺪﻭﺭ ﺭﺿﺎﻫﺎ ﻭﻫﻲ ﺗﺪﻟﻞ ﻋﻠﻴﻪ ..
ﺑﺲ ﻫﺎﻟﻤﺮﺓ ﺍﻟﻮﺿﻊ ﺍﺧﺘﻠﻒ ...
ﻟﻐﺮﺽ ﻓﻲ ﻧﻔﺲ ﻋﻤﺎﺭ ﻃﺒﻌﺎ 💓....
ﻛﺎﻧﺖ ﻣﻘﻬﻮﺭﺓ ﺍﻛﺜﺮ ﺷﻲ ﺍﻥ ﺧﺎﻟﻬﺎ ﺍﻟﻠﻲ ﺑﺎﻟﻨﺴﺒﻪ ﻟﻴﻬﺎ ﺑﻮﻫﺎ ﺍﻟﺘﺎﻧﻲ ﻭﺧﻮﻫﺎ ﺣﺘﻨﻘﺮﺍ ﻓﺎﺗﺤﺘﻪ ﻭﻳﺪﻳﺮ ﺑﻴﺎﻥ ﻭﻫﻲ ﻣﺶ ﺣﺘﺤﻀﺮ ..
ﻟﺴﺒﺒﻴﻦ ..
ﺍﻭﻟﻬﻢ ﻋﻢ ﻋﻤﺎﺭ ﻣﺎﺻﻜﺮﺵ 6 ﺷﻬﻮﺭ ﻣﻴﺖ ..
ﻭﺗﺎﻧﻴﻬﻢ ﺍﻟﻤﺸﻜﻠﻪ ﺍﻟﻠﻲ ﺻﺎﻳﺮﺓ ...
ﻓﻜﺮﺕ ﻫﻠﺒﻪ ﻫﻠﺒﻪ ﻗﺒﻞ ﻟﺘﺎﺧﺪ ﻗﺮﺍﺭﻫﺎ ﻭﺗﻄﻠﺐ ﻣﻦ ﻋﻤﺎﺭ ﻃﻠﺐ ...
🍁 ﻃﺎﻟﻊ ﻣﻦ ﺍﻟﺪﺍﺭ ..
ﺷﺎﻓﺎﺗﻪ ﻛﻴﻒ ﻻﺑﺲ ﻋﺴﻜﺮﻱ ...
ﻭﺑﻴﻤﺸﻲ ﻟﻄﺮﺍﺑﻠﺲ ...
ﻋﻤﺎﺭ : ﻣﺎﺗﻮﺻﻲ ﺷﻲ ..
ﺩﻻﻝ ﻗﺪﻣﺘﻠﻪ : ﺍﺣﻤﻢ ﺑﻨﻄﻠﺐ ﻣﻨﻚ ﻃﻠﺐ ..
ﻋﻤﺎﺭ : ﺍﻟﻠﻲ ﻫﻮ ...
ﺩﻻﻝ : ﻧﺒﻲ ﻣﻨﻚ ﺍﺧﺮ ﺍﻻﺳﺒﻮﻉ ﺗﺮﻓﻌﻨﻲ ﻝ **** ﺑﺶ ﻧﺒﺎﺭﻙ ﻟﺨﺎﻟﻲ ..
ﻋﻤﺎﺭﺑﺤﺪﻩ : ﻏﺎﺩﻱ ﻣﻌﺎﺵ ﻓﻲ ﻣﺸﻲ ﺍﻧﺴﻲ ..
ﺩﻻﻝ ﺑﺼﺪﻣﻪ : ﻛﻴﻒ ! ؟؟
ﻋﻤﺎﺭ : ﺍﻟﻠﻲ ﺳﻤﻌﺘﻴﻪ ... ﻓﺎﺕ ﺑﻴﻤﺸﻲ ..
ﺷﺪﺕ ﻳﺪﻩ ....
ﺟﺴﻤﻪ ﻛﻠﻪ ﺭﺟﻒ 💓💓💓💓
ﻧﺎﻫﻴﻚ ﻋﻦ ﺣﺎﻟﺔ ﻗﻠﺒﻪ ﺍﻟﻠﻲ ﻛﻠﻜﻢ ﻋﺮﻓﺘﻮﻫﺎ 💓💓💓..
ﺩﻻﻝ : ﺍﺭﺟﻮﻙ ..
ﺷﺒﺤﻠﻬﺎ ﺷﻮﻳﻪ ﺑﻌﺪﻳﻦ ﺍﺑﺘﺴﻢ ﻭﻗﺎﻝ : ﺑﺸﺮﻁ ..
ﺩﻻﻝ ﻭﺟﻬﻬﺎ ﻭﻻﺍﺣﻤﺮ ﻧﺰﻟﺖ ﻋﻴﻮﻧﻬﺎ : ﺷﻦ ﻫﻮ ..
ﺿﺤﻚ ﻭﻗﺎﻝ ﺑﺮﻓﻌﺔ ﺣﺎﺟﺐ : ﻛﺎﻥ ﻓﺰﺗﻲ ﻋﻠﻴﺎﻓﻲ ﺳﺒﺎﻕ ﺧﻴﻞ
ﺭﻓﻌﺖ ﻋﻴﻮﻧﻬﺎ ﻓﻴﻪ ﺑﺘﻔﻨﻴﺼﻪ
ﻋﻤﺎﺭ : ﻭﺗﺮﻛﺒﻲ ﺍﻟﺠﻤﻮﺡ ﺗﺤﺪﻳﺪﺍ ..
ﺩﻻﻝ ﺑﻌﺪﺕ ﻳﺪﻫﺎ ﻭﻗﺎﻟﺖ : ﻗﻮﻟﻲ ﻭﺍﻟﻠﻪ ﻣﺎﻧﻚ ﻗﺎﺻﺘﻴﻬﺎ ﺧﻄﻮﺓ ﻭﺧﻼﺹ ..
ﻋﻤﺎﺭ : ﻫﻬﻬﻬﻬﻬﻬﻬﻬﻪ ... ﻭﻟﻒ ﻭﻣﺸﻲ ﺗﻮﺟﻪ ﻟﻠﺒﺎﺏ ﻭﻳﻦ ﻭﺻﻞ ﻓﻴﻪ ﺍﻟﺘﻔﺖ ﻭﻗﺎﻝ ... ﺑﺎﺗﻲ ﺟﺎﻱ ﺑﻌﺪﻳﻦ ﺷﻮﻱ ﺑﻴﺮﻓﻌﻚ ﺟﻬﺰﻱ ﻧﻔﺴﻚ ..
ﻃﻠﻊ ﻭﺻﻜﺮ ﺍﻟﺒﺎﺏ ..
ﻭﺩﻻﻝ ﺩﻣﻮﻋﻬﺎ ﻧﺰﻟﻮﺍ ... ﻭﺑﺪﺕ ﺗﺒﻜﻲ ..
🌴🌴🌴🌴🌴🌴🌴🌴🌴🌴🌴🌴🌴🌴🌴
ﻓﻲ ﺍﻟﺒﻼﺩ ...
ﻛﺎﻧﻮﺍ ﺍﻟﺒﻨﺎﺕ ﻓﻲ ﺣﻮﺵ ﻣﺎﻟﻴﻬﻢ ﻳﺠﻬﺰﻭﺍ ﻓﺎﺭﻭﺍﺣﻬﻢ ﻟﻠﻴﻮﻡ ﺍﻟﻠﻲ ﺑﻌﺪﻩ ..
ﻣﻠﺘﻤﺎﺕ ﻓﻲ ﺩﺍﺭ ﻭﺣﺪﻩ ﻭﻣﺴﻜﺮﺍﺕ ﻋﻠﻴﻬﻢ ﺍﻟﺒﺎﺏ ﻭﻳﺪﻳﺮﻭﺍ ﻓﻲ ﺍﻟﺤﻠﻮﺓ ...
ﺣﻤﻴﺪﻩ ﻭﻫﻲ ﺗﺸﻠﻔﻂ :😁 ﺗﺤﺴﻴﻬﺎ ﻣﺪﻟﻌﻪ ﻣﺎﻧﻲ ﻋﺎﺭﻓﻪ ﻛﻴﻒ ﺑﺪﻳﺮ ﻣﻊ ﺧﻮﻛﻦ ..
ﻏﺎﻟﻴﻪ ﻭﻫﻲ ﺗﺸﻠﻔﻂ ﻛﺬﻟﻚ :😁 ﻟﻜﻦ ﻭﺍﻟﻠﻪ ﻛﻮﻳﺴﻪ ﺗﺘﺼﻞ ﺑﺎﻣﻲ ﻭﺍﺟﺪ ﻭﺑﻴﻨﺎ ﺣﺘﻰ ﺣﻨﻲ ..
ﺭﺑﺎﺏ ﺑﻨﻔﺲ ﺍﻟﻮﺿﻌﻴﻪ : ﺍﻳﻪ ﺣﺘﻰ ﺣﻨﻲ ..
ﺯﻳﻨﺐ : ﺗﺴﺎﻝ ﺣﻖ ﻭﺍﺳﻠﻮﺑﻬﺎ ﻳﻬﺒﻞ ﻓﻲ ﺍﻟﻜﻼﻡ ...
ﻛﻔﺎﻳﻪ : ﺣﺘﻰ ﺍﻧﻲ ﺣﺒﻴﺘﻬﺎ ..
ﻧﻌﻴﻤﻪ ﻭﻫﻲ ﺗﺸﻠﻔﻂ ﻓﻲ ﺍﻳﺪﻳﻬﺎ : ﺍﻳﻪ ﻳﻮﻣﻬﺎ ﺗﻮﺳﻄﺘﻠﻲ ﻓﻲ ﻣﻮﻋﺪ ﺑﻨﺎﺧﺪﻩ ﻣﻦ ﺩﻛﺘﻮﺭﺓ ﺗﻌﺮﻓﻬﺎ ...
ﻛﻔﺎﻳﻪ : ﺑﺎﻟﺸﻮﻳﻪ ﻧﻮﻳﺮﺓ ..
ﻧﻮﺭ ﻭﻫﻲ ﺗﺸﻠﻔﻂ ﻓﺮﺟﻞ ﺧﺎﻟﺘﻬﺎ : ﺣﺎﺿﺮ ..
ﻛﻔﺎﻳﻪ : ﺭﺑﻲ ﻳﻬﻨﻴﻬﻢ ..
" ﻛﺎﻥ ﻧﻌﺮﻑ ﻟﻴﺶ ﻣﺴﻜﺮﺍﺕ ﻉ ﺍﺭﻭﺍﺣﻜﻦ ﺍﻟﺒﺎﺏ "
ﺭﺍﻧﻴﺎ ﻣﻄﺖ ﺷﻮﺭﺍﺑﻬﺎ ﺑﺈﺯﺩﺭﺍﺀ : ﺧﻴﺮﻩ ﻣﺤﻤﺪ ﻣﻮﻟﻲ ﻫﻜﻲ ..
ﺣﻤﻴﺪﻩ : ﺗﻔﻜﻴﺮﻩ ﺣﻘﻴﺮ ﻳﺤﺴﺎﺑﻨﻲ ﻧﻜﻠﻢ ﻓﻲ ﺻﺪﻳﻖ ﺗﻮﺍ ..
ﺯﻳﻨﺐ ﺑﻀﺤﻜﻪ : ﻗﺎﻋﺪﻳﻦ ﻓﺠﺮﺗﻚ ﻫﻮ ﻭﻋﻤﺮ ...
ﺣﻤﻴﺪﻩ : ﺩﺭﺍﻫﺎﺕ ﻛﺒﺪ ..
ﺿﺤﻜﻮﺍ ..
ﺭﺑﺎﺏ : ﺍﺍﺍﻩ ﻳﺎﺭﺑﻲ ﺟﻴﻨﺎ ﻷﺳﻮﺍ ﻣﺮﺣﻠﻪ ...
ﺣﻮﻟﺖ ﻓﺎﻧﻴﻠﻴﺘﻬﺎ ﻭﻗﻌﺪﺕ ﻓﻲ ﻛﺖ ...
ﻭﻧﺎﺿﺖ ﻭﻗﻔﺖ ﻓﻲ ﺍﻟﺘﺮﻛﻴﻨﻪ ...
ﻧﻌﻴﻤﻪ : ﺣﻄﻴﻬﺎ ﻭﺍﺟﺒﺪﻱ ﺑﺴﺮﻋﻪ ..
ﺭﺑﺎﺏ : ﻧﺤﺎﻭﻝ ...
ﺑﺮﺍ ..
ﻋﻤﺮ : ﺧﻴﺮﻛﻦ ﻣﺼﻜﺮﺍﺕ ﻉ ﺍﺭﻭﺍﺣﻜﻦ ..
ﺣﺪﺍﻩ ﻣﺤﻤﺪ ﻭﺍﻗﻒ ..
ﺩﺍﺧﻞ ..
ﻛﻔﺎﻳﻪ ﻃﺎﺭﺗﻠﻬﺎ : ﻧﺴﺎﻭﻳﻦ ﻓﻲ ﺩﺍﺭ ﻣﺼﻜﺮﺍﺕ ﻉ ﺭﻭﺍﺣﻨﺎ ﻋﻼﺵ ﺗﺮﺍ ... ﺗﺤﺸﻤﻮﺍ ﻉ ﻭﺟﻮﻫﻜﻢ ﺍﻧﺖ ﻭﻳﺎﻩ ...
ﻋﻤﺮ ﻭﻣﺤﻤﺪ ﻗﺮﻳﺐ ﻣﺎﺗﻮﺍ ...
ﻃﻮﻝ ﻃﻠﻌﻮﺍ ..
ﺩﺍﺧﻞ ..
ﻣﻴﺘﺎﺕ ﺑﺎﻟﻀﺤﻚ 😂😂😂😂😂😂
ﻛﻔﺎﻳﻪ : ﻃﻴﺮﻭﻫﺎﻟﻲ ﻗﺴﻤﺎ ﺑﺎﻟﻠﻪ ...
ﺭﺑﺎﺏ ﺑﻌﺪ ﺿﺤﻜﺖ ﻭﻟﺖ ﻟﺸﻐﻠﻬﺎ : ﺍﺍﺍﺍﻩ ... ﻭﻭﻭﻙ ﻋﻠﻴﺎ ...
ﻏﺎﻟﻴﻪ : ﺣﻄﻴﻬﺎ ﻉ ﺑﺎﻃﻚ ﻭﺍﺟﺒﺪﻱ ﻓﻴﺴﻊ ..
ﺭﺑﺎﺏ : ﻣﺎﻧﻘﺪﺭﺵ ..
ﺑﺮﺍ ..
ﺍﻟﻬﺎﺩﻱ : ﻏﺎﺍﺍﺍﻟﻴﻪ ..
ﺩﺍﺧﻞ ..
ﻏﺎﻟﻴﻪ : ﻋﻠﻴﻚ ﻧﻬﺎﺭ ﻫﻮ ..
ﺭﺑﺎﺏ ﺑﻬﻤﺲ : ﻫﺎﺩﻱ ﺗﻌﺎﻟﻰ ﺩﻳﺮﻟﻲ ﺑﻴﻄﺎﻧﻲ ..
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ...
ﺯﻳﻨﺐ ﺑﻀﺤﻜﻪ؛ﺧﺰﻱ ﻛﻠﺒﻪ ..
ﺭﺑﺎﺏ ﺗﻀﺤﻚ ﺑﻤﻼﻣﺢ ﻭﺟﻪ ﻣﻨﺰﻋﺠﻪ ...
💖💖💖💖💖
ﻭﻓﺎﺕ ﺑﺎﻗﻲ ﺍﻟﻴﻮﻡ ﺑﺠﻮ ﺣﻠﻮ ﻫﻠﺒﻪ ...
ﻭﻫﺎﻧﻴﺒﺎﻝ ﻛﺎﻥ ﻫﺎﺭﺏ ﻣﻦ ﻣﻨﺎﺷﺒﻪ ﺧﻮﺍﺗﻪ ﻣﺎﺧﺸﺶ ﻳﻜﻞ ..
🍃🍃🍃🍃🍃🍃🍃🍃🍃
ﺍﻟﻴﻮﻡ ﺍﻟﻠﻲ ﺑﻌﺪﻩ ...
ﺍﻟﺴﺎﻋﻪ 6 ﻣﺴﺎﺀﺍ ...
ﺍﺍﻟﻠﻲ ﻛﺎﻧﻮﺍ ﻣﺎﺷﻴﻦ ﻣﻊ ﺍﻟﻌﻴﻠﻪ ..
ﺳﻌﻴﺪﻩ ﻭﻋﺰﻳﺰﺓ ﻭﺣﺪﻫﻢ ...
ﺍﻣﺎﻝ ﻣﺎﺑﺘﺶ ﺗﻤﺸﻲ ...
ﺑﻜﺖ ﺑﻌﺪ ﻣﺎﻃﻠﻌﻮﺍ ﺑﻜﻲ ﺑﺤﺮﻗﻪ ﺷﺪﻳﺪﻩ ..💔
ﺑﺮﻏﻢ ﻣﺮﻭﺭ ﺍﻟﺴﻨﻴﻦ ﻣﺎﺯﺍﻝ ﻗﺎﻋﺪ ﻓﻘﻠﺒﻬﺎ ....🍃
ﺣﺘﻰ ﺑﻌﺪ ﺍﻧﺨﻄﺒﺖ ﻟﻐﻴﺮﻩ .. ﻭﻫﻠﺒﻪ ﺯﻱ ﺍﻣﺎﻝ ...
ﺑﻌﻘﻠﻬﻢ ﻣﻊ ﻭﺍﺣﺪ ﻭﺑﻘﻠﺒﻬﻢ ﻣﻊ ﻏﻴﺮﻩ ...💔
🍁🍁🍁
ﻛﺎﻧﻮﺍ ﺍﻟﺴﻴﺎﺭﺍﺕ ﻳﻜﻠﻜﺴﻮﺍ ﻣﻦ ﻗﺒﻞ ﻣﺎﻳﻄﻠﻌﻮﺍ ...
ﻣﺤﻤﺪ : ﻫﺎﻧﻴﺒﺎﻝ ﻛﻤﻠﻨﻲ ﻗﺎﻝ ﺍﻃﻠﻌﻮﺍ ﺗﻮﺍ ...
ﻋﻤﺮ : ﻫﻴﺎ ﻫﻲ ..
" ﻃﺒﻌﺎ ﻫﺎﻧﻴﺒﺎﻝ ﻣﺸﻲ ﻫﻮ ﻭﻣﻴﻼﺩ ﻭﻣﻌﺎﻫﻢ ﺍﻟﻬﺎﺩﻱ ﻟﻄﺮﺍﺑﻠﺲ ﻭﻻﻗﻮﺍ ﻏﺎﺩﻱ ﺣﻤﻴﺪ ﺑﺴﺒﺐ ﻗﺮﺍﻳﺔ ﺍﻟﻔﺎﺗﺤﻪ ﺍﻟﻠﻲ ﻛﺎﻧﺖ ﻣﻊ ﺍﻟﻌﺼﺮ "..
ﺑﺪﻭﺍ ﺍﻟﻨﺴﺎﻭﻳﻦ ﻳﺮﻛﺒﻮﺍ ﺍﻟﺴﻴﺎﺭﺍﺕ ..
ﺯﻳﻨﺐ : ﺑﺮﻱ ﺭﺍﻧﻴﺎ ﺍﺭﻛﺒﻲ ﻣﻊ ﻋﻤﺎﺩ ﺍﻟﺴﻴﺎﺭﺓ ﺗﻌﺒﺖ ..
ﺭﺍﻧﻴﺎ : ﺑﺎﻫﻲ ﻗﻮﻟﻲ ﻟﺮﺑﺎﺏ ﺗﻤﺸﻲ ﻣﻌﺎﻱ ..
ﺯﻳﻨﺐ؛ﺭﺑﺎﺏ ﺧﻄﻴﺒﻬﺎ ﻣﺎﻳﺨﻠﻴﻬﺎﺵ ﺗﺮﻛﺐ ﻣﻊ ﺣﺪ ﺗﺤﺮﻛﻲ ..
ﻧﻮﺭ ﺟﺘﻬﻢ : ﻧﻤﺸﻲ ﻣﻌﺎﻙ ﺍﻧﻲ ..
ﺭﺍﻧﻴﺎ ﺍﺑﺘﺴﻤﺖ : ﻫﻴﺎ ..
ﺿﺤﻜﺖ ﻧﻮﺭ ﻭﻣﺸﻮﺍ ﺍﻟﺰﻭﺯ ﻟﺴﻴﺎﺭﺓ ﻋﻤﺎﺩ ..
ﻭﺭﻣﺰﻱ ﻳﺸﻮﻓﻠﻬﻢ ﻭﻫﻮ ﻓﻲ ﺍﻟﺴﻴﺎﺭﺓ ﻗﺮﻳﺐ ﻳﺘﻔﺠﺮ ...
ﻣﻦ ﺍﻟﻐﻴﺮﺓ ... ﻭﺗﺠﺎﻫﻞ ﺭﺍﻧﻴﺎ ﻟﻴﻪ ..
ﺳﻌﻴﺪﻩ : ﻫﻴﺎ ﺗﺤﺮﻙ ..
ﺭﻣﺰﻱ ﺑﺪﻱ ﻳﺤﺮﻙ ﻓﻲ ﺍﻟﺪﻭﻣﺎﻥ ﺑﻌﺼﺒﻴﻪ ...
ﻭﺗﺤﺮﻛﻮﺍ ﺍﻟﺴﻴﺎﺭﺍﺕ ﻭﺭﺍ ﺑﻌﺾ ...
ﻭﻗﻠﺒﻮﺍ ﺍﻟﺪﻧﻴﺎ ﺑﺎﻟﻜﻼﻛﺴﺎﺕ ...
ﻃﻠﻌﻮﺍ ﻣﻦ ﺍﻟﻘﻄﻌﻪ ....
ﻭﻛﻼﻛﺴﺎﺗﻬﻢ ﻣﺴﻤﻮﻋﻪ ﻓﻲ ﻛﻞ ﻣﻜﺎﻥ ...
💔 ﻣﺴﻤﻮﻋﻪ ﻭﻭﺍﺻﻠﻪ ﻟﻮﺩﺍﻥ ﻣﺮﺍﻡ ﺍﻟﻠﻲ ﻛﺎﻧﺖ ﺗﺒﻜﻲ ﺑﻌﺒﺮﺗﻬﺎ ﺗﻘﻮﻝ ﻣﺎﺗﻠﻬﺎ ﺣﺪ ﻭﺧﻮﺍﺗﻬﺎ ﻣﻌﺎﻫﺎ ﻭﻳﻬﺪﻭﺍ ﻓﻴﻬﺎ ...
ﺍﺍﺍﺍﻩ ﻣﻮﻋﺮﻫﺎ .... ﻧﺎﺭ ﺗﺤﺮﻕ 🍃...
🍃🍃🍃🍃🍃🍃🍃
ﺍﻟﺴﺎﻋﻪ 8 ﻭﺻﻠﻮﺍ ﻟﻄﺮﺍﺑﻠﺲ ...
ﻟﻠﺼﺎﻟﻪ ﺍﻟﻠﻲ ﻣﺪﺍﻳﺮﺓ ﻓﻴﻬﺎ ﻣﺠﺪﻭﻟﻴﻦ ﺣﻔﻠﺔ ﺑﻴﺎﻧﻬﺎ ...
ﻭﺑﺪﻭﺍ ﻳﻨﺰﻟﻮﺍ ﻭﻳﻨﺰﻟﻮﺍ ﻓﻲ ﺍﻟﺴﻮﺍﺑﻴﺖ ...
ﻣﺨﻠﻮﺍ ﻣﺎﺟﺎﺑﻮﺍ ﻭﻣﻦ ﺍﺭﻗﻰ ﻭﺍﺣﺴﻦ ﺷﻲ ...
ﻫﺎﻧﻴﺒﺎﻝ ﻫﻜﻲ ﻳﺒﻲ ...
ﻛﺎﻧﺖ ﻓﺮﺣﺔ ﻣﺠﺪﻭﻟﻴﻦ ﻻﺗﻮﺻﻒ ...
ﻭﺷﺎﻓﺖ ﺭﻭﺣﻬﺎ ﺑﻴﻬﻢ .... ﻫﻠﺒﻪ ﻣﻦ ﺍﻫﻠﻬﺎ ﻫﺰﻭﺍ ﻋﻠﻴﻬﺎ ﻉ ﺧﺎﻃﺮ ﺑﺘﺎﺧﺪ ﻭﺍﺣﺪ ﻣﻦ ﺍﻟﺪﻭﺍﺧﻞ ...
ﻟﻜﻦ ﺍﻟﻴﻮﻡ ﻛﻠﻬﻢ ﺷﺎﻓﻮﺍ ﺑﻌﻴﻮﻧﻬﻢ ﺍﻟﻜﺮﻡ ﻭﺍﻟﺠﻮﺩ ﻭﺍﻷﻗﺪﺍﺭ ...
ﻛﺎﻧﺖ ﻣﺠﺪﻭﻟﻴﻦ ﻻﺑﺴﻪ ﻗﻔﻄﺎﻥ ﺣﻠﻮ ﻫﻠﺒﻪ ﻣﻦ ﻏﻴﺮ ﺍﻛﻤﺎﻡ ﻣﻔﺼﻞ ﻉ ﺟﺴﻤﻬﺎ
ﺟﻮﺍ ﺳﻠﻤﻮﺍ ﻋﻠﻴﻬﺎ ﺧﻮﺍﺗﻪ ﻭﺍﻣﻪ ﻭﺍﻟﺒﻨﺎﺕ
ﺑﻌﺪﻳﻦ ﺍﻣﻬﺎ ﺭﺣﺒﺖ ﺑﻴﻬﻢ ﻭﻗﻌﻤﺰﺗﻬﻢ ﻉ ﻃﺎﻭﻻﺗﻬﻢ ..
......
ﻣﻦ ﺑﻌﻴﺪ ﺷﻮﻱ ﻓﻲ ﻭﺣﺪﻩ ﻣﻦ ﺍﻟﻜﺮﺍﺳﻲ ...
ﻗﻌﻤﺰﺕ ﻭﻫﻲ ﺗﻘﻮﻝ : ﻣﺎﺷﺎﺀ ﺍﻟﻠﻪ ﺍﻟﺤﻖ ...
ﻋﺮﻭﺑﻪ : ﺍﻳﻪ ﻛﻞ ﺷﻲ ﺣﻠﻮ ...
ﺳﻤﻴﺮﺓ : ﻭﺍﺗﻴﻪ ﺍﻟﻜﺎﻣﻴﺮﺍ ....
ﻋﺮﻭﺑﻪ : ﺍﻳﻪ ﺟﻬﺰﺗﺎ ... ﺍﻣﺘﻲ ﺭﺡ ﻳﺠﻲ ﺍﻟﻌﺮﻳﺲ
ﺳﻤﻴﺮﺓ : ﻗﺎﻟﺘﻠﻲ ﻓﺤﺪﻭﺩ ﺳﺎﻋﻪ ﻫﻚ ﻳﺨﺶ
ﻋﺮﻭﺑﻪ : ﺗﻤﺎﻡ
🍃 ﻭﻣﺮﺕ ﺍﻟﺴﺎﻋﻪ
ﻟﺒﺴﺖ ﻣﺠﺪﻭﻟﻴﻦ ﻗﻔﻄﺎﻧﻬﻢ .
ﺷﻮﻳﻪ ..
ﻭﺧﺶ ﻫﺎﻧﻴﺒﺎﻝ
ﻣﻜﺎﻧﺶ ﻣﺪﻭﺭ ﻫﻠﺒﻪ ﺍﻟﻤﻬﻢ ﻳﻠﺒﻲ ﻃﻠﺐ ﻣﺠﺪﻭﻟﻴﻦ ﺍﻟﻠﻲ ﺍﻟﺤﺖ ﺑﻴﻪ ﻋﻠﻴﻪ
ﻛﺎﻥ ﻻﺑﺲ ﺑﺪﻟﻪ ﻭﻃﺎﻟﻊ ﻳﻘﺘﻞ
ﺍﻟﺤﺎﺿﺮﻳﻦ ﺍﻧﺒﻬﺮﻭﺍ ﺑﻴﻪ ﺣﺘﻰ ﻣﻦ ﺧﻮﺍﺗﻪ ...
ﻭﻣﺠﺪﻭﻟﻴﻦ ﺯﺍﺩﺕ ﻣﺎﺗﺖ ﻓﻴﻪ ...💓💓💓💓
.....
ﺳﻌﻴﺪﻩ : ﻫﺎﻧﻴﺒﺎﻝ ﻭﻣﺎﻳﻄﻠﻊ ﻣﻨﻪ ..
ﻋﺰﻳﺰﺓ : ﻋﻄﻴﻪ ﺩﻱ ﻃﺎﻟﻊ ﻳﻬﺒﻞ ...
.....
ﻟﻄﻴﻔﻪ : ﻣﺎﺷﺎﺀﺍﻟﻠﻪ ﻫﺎﻧﻴﺒﺎﻝ ﺗﻘﻮﻝ ﻧﺠﻢ ﺳﻴﻨﻤﺎ ..
ﺯﻳﻨﺐ ﺑﻀﺤﻜﻪ : ﺍﻟﻠﻪ ﻭﺣﺪ .. ﻟﻜﻦ ﻭﺍﻟﻠﻪ ﻣﺎﺗﻮﻗﻌﺘﻪ ﻳﺪﻳﺮﻫﺎ ﻭﻳﺨﺶ ..
ﻛﻔﺎﻳﻪ : ﻳﺎﻭﺧﻴﺘﻲ ﺳﻠﻤﻪ ..
ﺿﺤﻜﻮﺍ ﻛﻠﻬﻢ ...
🍃🍃🍃
ﺗﺴﺄﻟﻮﺍ ﻋﻦ ﻋﺮﻭﺑﻪ ...
ﻋﺮﻭﺑﻪ ﻟﻤﺎ ﺧﺶ ﻛﺎﻧﺖ ﻓﻲ ﺍﻟﺤﻤﺎﻡ ...
....
ﻣﺠﺪﻭﻟﻴﻦ : ﻣﺼﺪﻗﺘﺶ ﺑﻜﻞ ﺍﻧﻚ ﺑﺘﺨﺶ ..
ﻫﺎﻧﻴﺒﺎﻝ ﺑﺈﺑﺘﺴﺎﻣﻪ : ﻋﻄﻴﺘﻚ ﻛﻠﻤﻪ ﻳﺎﻣﻨﺪﻭﻟﻴﻦ ..
ﺿﺤﻜﺖ ﻭﺷﺪﺕ ﻳﺪﻩ ﺑﻘﻮﺓ ..
ﻭﻫﻮ ﺷﺪ ﻳﺪﻫﺎ ﻭﺍﺑﺘﺴﻢ ﻉ ﺟﻨﺐ ..
ﺟﺘﻬﻢ ﺍﻣﻬﺎ : ﻫﻴﺎ ﻛﺎﻥ ﺑﺘﻨﻮﺿﻮﺍ ﺗﻠﺒﺴﻮﺍ ﺍﻟﺪﺑﻞ ..
ﻣﺠﺪﻭﻟﻴﻦ ﺑﺈﺑﺘﺴﺎﻣﻪ : ﻛﻠﻤﻲ ﺍﻟﻤﺼﻮﺭﺓ ﺗﺠﻲ ...
ﺍﻣﻬﺎ : ﺑﺎﻫﻲ ... ﻭﻣﺸﺖ ﻣﻦ ﺣﺪﺍﻫﻢ ..
ﻫﺎﻧﻴﺒﺎﻝ : ﻗﺼﺪﻙ ﺍﻟﺤﻜﺎﻳﻪ ﻓﻴﻬﺎ ﺗﺼﻮﻳﺮ ﻭﺳﺮﻳﺒﺎﺕ ..
ﻣﺠﺪﻭﻟﻴﻦ : ﻫﻬﻬﻬﻬﻬﻬﻪ .. ﺍﻳﻪ ..
......
ﻃﻠﻌﺖ ﻣﻦ ﺍﻟﺤﻤﺎﻡ ﻭﺧﺸﺖ ﻟﻠﺼﺎﻟﻪ ...
ﻃﻮﻝ ﻣﺸﺖ ﺗﺠﺮﻱ ﻟﻠﻄﺎﻭﻟﻪ ﻭﺧﺪﺕ ﺍﻟﻜﺎﻣﻴﺮﺍ ..
ﺳﻤﻴﺮﻩ : ﻋﺪﻱ ﺑﺴﺮﻋﻪ ﺑﻴﻠﺒﺴﻮﺍ ﺍﻟﺪﺑﻞ ﻗﺎﻟﺖ ﺍﻣﻬﺎ ..
ﻋﺮﻭﺑﻪ ﺑﺈﺳﺘﻌﺠﺎﻝ : ﻳﻠﻼ ...
ﻭﻣﺸﺖ ﻃﻮﻝ ....
ﺑﺪﺕ ﺗﻘﺮﺏ ﻣﻨﻬﻢ ....
ﺧﻄﻮﺍﺗﻬﺎ ﺍﻟﻠﻲ ﻛﺎﻧﺖ ﺳﺮﻳﻌﻪ ...
ﺑﺪﺕ ﺗﺒﻄﺊ .. ﻭﺗﺘﺜﻘﻞ ...
ﻣﻼﻣﺤﻬﺎ ﺟﻤﺪﺕ ...
ﺗﻤﺸﻲ ﻭﺍﺩﻗﻖ ﺑﻌﻴﻮﻧﻬﺎ ... ﺗﺘﻤﻨﻰ ﻟﻮﻛﺎﻧﻮﺍ ﻳﻜﺬﺑﻮﺍ ....
ﻭﻻﻳﻜﻮﻧﻮﺍ ﺻﺎﺩﻗﺎﺕ ﻓﻲ ﺍﻟﻠﻲ ﺷﺎﻓﻮﻩ ...
ﻟﻠﻤﺮﺓ ﺍﻟﺮﺍﺑﻌﻪ ﺗﺸﻮﻓﻪ ...
ﺑﺲ ﻫﺎﻟﻤﺮﺓ ﻣﺎﻛﺎﻧﺘﺶ ﺗﺸﺒﻪ ﻏﻴﺮﻫﺎ ﻣﻦ ﺍﻟﻤﺮﺍﺕ ...
ﻣﻬﻤﺎ ﻧﻮﺻﻒ ﻣﻬﻤﺎ ﻧﻜﺘﺐ ...
ﺷﻌﻮﺭ ﻋﺮﻭﺑﻪ ﻓﻬﺎﻟﻠﺤﻈﻪ .. ﻻﻳﻤﻜﻦ ﻧﻮﺻﻠﻪ ﻛﻴﻒ ﻣﺎﻫﻲ ﺣﺎﺳﻪ ﺑﻴﻪ ﺗﻮﺍ 🍃....
ﻭﻗﻔﺖ ﻉ ﺑﻌﺪ ﻣﺴﺎﻓﻪ ﺑﺴﻴﻄﻪ ...
....
ﻣﺠﺪﻭﻟﻴﻦ : ﻟﺒﺴﻨﻲ ﻭﺑﻌﺪﻳﻦ ﻧﻠﺒﺴﻚ ..
ﻫﺎﻧﻴﺒﺎﻝ : ﻧﻌﺮﻓﻮﺍ ﺭﺍﻧﺎ ﻣﺶ ﻣﺘﺨﻠﻔﻴﻦ ..
ﻣﺠﺪﻭﻟﻴﻦ ﺷﺪﺕ ﻳﺪﻩ ﺑﻘﻮﺓ ﻭﻗﺎﻟﺖ : ﺑﻼ ﻧﻜﺪ ﻳﺎﻧﻜﻮﺩﻱ ..
ﺷﺒﺤﻠﻪ ﻉ ﺟﻨﺐ ﻭﻫﻮ ﻣﺒﺘﺴﻢ ..
ﻫﻲ ﺿﺤﻜﺖ ..
ﺍﻣﻬﺎ ﺟﺖ : ﻫﻴﺎ ﺑﻨﺘﻲ ...
ﺟﺘﻬﻢ ﺯﻳﻨﺐ ﻭﻣﺎﺭﻛﺰﺗﺶ ﻉ ﻋﺮﻭﺑﻪ ..
ﺯﻳﻨﺐ : ﻫﻴﺎ ﻳﺎﻋﺮﻳﺲ ..
ﺍﺑﺘﺴﻤﻮﺍ ﻫﺎﻧﻴﺒﺎﻝ ﻭﻣﺠﺪﻭﻟﻴﻦ ..
ﻣﺠﺪﻭﻟﻴﻦ : ﺍﻳﻪ ﻭﻳﻦ ﺍﻟﻤﺼﻮﺭﺓ ..
ﻗﻌﺪﺕ ﺍﺩﻭﺭ ﺑﻌﻴﻮﻧﻬﺎ ﻟﻘﺘﻬﺎ ﻭﺍﻗﻔﻪ ﺗﺸﻮﻓﻠﻬﻢ ﻭﻓﻴﺪﻫﺎ ﺍﻟﻜﺎﻣﻴﺮﺍ ..
ﻣﺠﺪﻭﻟﻴﻦ : ﺗﻌﺎﻟﻲ ﻋﺮﻭﺑﻪ ...
⚡ ﺍﻷﺳﻢ ﺧﺶ ﻓﻲ ﻭﺩﻧﻪ ﺯﻱ ﺍﻟﺴﻴﻒ ...
ﻛﺎﻥ ﻳﺎﺧﺪ ﻓﻲ ﺍﻟﺪﺑﻠﻪ ﻣﻦ ﺍﺧﺘﻪ ...
ﺷﺒﺢ ﻟﻤﺠﺪﻭﻟﻴﻦ ﺑﻌﺪ ﻗﺎﻟﺖ ﺍﻷﺳﻢ ...
ﻭﺑﻌﺪﻳﻦ ﺷﺒﺢ ﻭﻳﻦ ﻣﺎﺗﺸﺒﺢ ...
ﻭﻳﻨﺼﺪﻡ ﺻﺪﻣﺔ ﻋﻤﺮﻩ 🍃
.... ﻳﺘﺒﻊ
